لعبة القدر

14-سعادة

هند بصوت مخنوق من البكاء: جيت لية؟؟
مايكل : عشان الاجنبية ما اتصلتش بيا لحد دلوقتي
هند : وانا مالي
مايكل : طبعا مالك مش المفروض انك خطبتي و تخلي بالك مني ومن تصرفاتي المفروض توجهيني
هند بغضب : هو انت عيل صغير عشان اوجهك انت شحط
مايكل : اة انا هفضل عيل صغير طول ما انا معاكي واية شحط دي اتعلمتيها منين
هند وهي تنظر له : ملكش دعوة
ثم نظرت للذهور الجميلة التي في يد مايكل ففتحت فمها و أشارت علي الذهور
هند بدهشه : دة ليا؟؟؟
مايكل بإبتسامة : لا طبعا دة للأجنبية بس عايزيك تيجي معايا ادهولها عشان مكسوف اروح لوحدي
هند وهي تربع يديها : لا والله
مايكل : ياهبلة هو في حد تاني راضي يبصلي غيرك
هند بعصبية : اديك قولت هبلة
مايكل و هو يمد يدة بالذهور: والله بحبك انتي حب عمري
هند : اعملي زي الافلام و هفكر اصالحك ولا لا
مايكل : نعم ياختي اعمل زي اية وكمان هتفكري تصالحني ولا لا
هند : حقي طلاما انت المزعلني
مايكل بصوت منخفض : كسر حقك
هند : نعم بتقول حاجة
مايكل : لا انا بكح احم احم
هند : اهااااا
مايكل : قومي طيب عشان اعمل الهباب الانتي عايزاه
هند بسعادة: بجد هاتعملة حاضر
جلس مايكل علي ركبتية و امسك بيد هند و نظر في عينيها 
مايكل برومانسية : انا اسف يا قلبي سمحيني
هند بسعادة : طبعا مسمحاك انا مقدرش ازعل منك
وقف مايكل و أعطاها الذهور ثم تعانقا
▪في المدرسة عند طوني
طوني في نفسة : هو بابا اتأخر لية معقولة نسيني....لا مش ممكن يمكن حصلة حاجة ....لا برضوا بعد الشر....ممكن جيسي حصلها حاجة ماكنش المفروض اسيبها....المدرسة فضيت اروح فين انا دلوقتي ؟؟؟؟
الامن : انت ماروحتش لية؟
طوني : بابا لسة مجاش
الامن: كلمة يجي انا عايز اقفل المدرسة عشان امشي
طوني : طب ممكن موبايلك اكلمة منة
الامن: ماشي بس بسرعة عشان مش معايا رصيد كتير
طوني : ماشي هاته
طلب طوني والده
جاسر : الوو
طوني :الو يا بابا انا طوني انت فين
جاسر : انا خلاص قدام المدرسة معلش اتأخرت شوية
طوني :هي جيسي كويسية
جاسر : لما اشوفك نتكلم تعالا انا قدام باب المدرسة
أغلق طوني الخط و اعطى الهاتف لرجل الامن و شكره ثم ذهب و ركب سيارة والده
طوني : امال جيسي فين؟
جاسر بحزن : تعبت و وديتها المستشفي احنا ريحنلها
طوني : انا كنت حاسس بكدة طب هي كويسة
جاسر : ما تقلقش إنشاء الله هاتبقي كويسة بس المهم ماتجبش سيرة حفلة عيد ميلاد قدمها
طوني : حاضر بس لية
حكي جاسر لطوني ما حصل مع جيسي في ألمانيا
طوني : مسكينة اكيد هي خايفة
جاسر : ودة الانا عايزك تعملة خليك معاها عالطول عشان ماتخفش
طوني : حاضر يا بابا اوعدك اني مش هخلي اي حاجة تخوفها او تأذيها طول ما انا معاها
وصولوا للمشفي ثم دخلوا اليها و وجدوا هند و مايكل ممسكين بأيدي بعضهما و يعشون جو رومانسي
جاسر : اتمني ماكونش بزعجكم بس في طفلة مريضة جوا المفروض يعني انكم تقعدوا معاها
طوني : اجبلكم شجرة و اتنين لمون
مايكل : تصدق انك عيل رخم فصلتني احنا ماصدقنا اني الحكومة رضيت عالينا وحددنا معاد الفرح
جاسر بغضب : نعم ياخويا انا سايبك تاخد بالك من جيسي ولا تحدد معاد الفرح
طوني : بابا سبهم يمكن يغروقوا زي جاك و روز في تيتانك
هند : جاك بس المات روز عاشت
ترك مايكل يديها بعد هذه الجملة
مايكل : ومين قال اننا هانركب حاجة في النيل اصلا
هند : انت لسة قايل كدة من شوية
مايكل : دة كان قبل ما أعرف نواياكي الشريرة
هند وهي تدعى البكاء : انت مش بتحبني اهئ اهئ
شد طوني والده كي ينزل بمستواه و يكلمه في أذنه
طوني : انا رأي اننا نسبهم ونخش نشوف جيسي
لأننا كده مش هانخلص
جاسر : انت اول مرة تقول حاجة صح
تركوهم و دخلوا لغرفه جيسي و لم يجدوها ثم لاحظ طوني حركة بأسفل السرير فنظر بالاسفل و وجد جيسي فأفزعها
طوني: بخ
جيسي بخوف و صراخ : لا بليز ماتقتلنيش
طوني : جوجو ده انا طوني ماتخافيش
نظرت له جيسي و عينيها حمراء من كثرة البكاء ثم نزل لها طوني و عانقها و ظل يملس علي شعرها
طوني بحنان : ماتخافيش انا جنمك
جيسي ببكاء : ماتسبنيش تاني انا خايفة
نزل لهم جاسر و ساعدهم علي الخروج من أسفل السرير
جاسر : جوجو ماتخافيش محدش هيقدر يأذيكي
مسح طوني دموع جيسي و أبتسم لها ثم دخل عليهم هند و مايكل
مايكل : اية دة مين المزعل جوجو حببتي
جاسر : خلصتوا الجو الرومانسي الكنتم عاملينة برا
مايكل: لا بس جينا نطمن علي جيسي
جاسر : لا كتر خيركم اطلعوا كملوا
مايكل وهو يحمل جيسي : لا هو انا عندي كام
جوجو في حياتي هي واحدة
هند : يلا يا جوجو عشان نروح دريم بارك
طوني : بعد كل الخناق دة استقرتوا على دريم بارك
هند : طوني بليز نفسي احس ولو مرة واحدة انك طفل عندة تسع سنين
مايكل : مالكش فية المهم جيسي يكون عاجبها المكان هاااااا يا جوجو نروح ولا لا
جيسي وهي تنظر لطوني : عايز تروح فين؟
مايكل : ماكيش دعوة بية احنا هانروح من غيرة
اصلا
جيسي : لا نزلني انا مش هاروح مكان من غير طوني
أنزلها مايكل و أخرج له طوني لسانه 
طوني : حببتي يا جوجو
جيسي : هانروح فين بقي
طوني : تعالي نتغدي في كنتاكي
جيسي بسعادة : هيييييية يلا
ذهبوا جميعا ليتناولوا الغداء في (كنتاكي) ثم ذهبوا للفندق عند مايكل و هند ليأخذوا باقي أوراق جيسي  خاصته و من ثم cv كي يعطي جاسر السيرة الذاتية 
ذهب كل شخص الي منزلة و أعطى جاسر الدواء لجيسي و ثم بقي مع جيسي و طوني الي ان ناما فخرج من الغرفة ليجد هاتفه يرن برقم (غير معروف)
جاسر : الو مين معايا
- مش لازم تعرف انا مين بس قول لمايكل اني لو عايز اوصل لباقي البحث و جيسي هاوصلهم وابقي سلملي على طوني سلام
جاسر بخضة : الو استني انت مين ...وعايزاية
............ الو ....رود عاليا .....الوووو