طوني : يادي القرف اللي علي الصبح
جيسي بنوم : دور اكيد هتلاقيها سايبة رسالة زي الافلام و هربت مع حببها
جاسر بغضب : بس هبل انتوا الاتنين و اصحوا جربوا اتصلوا بيها
اخذ طوني هاتفة و حاول الاتصال بكيارا لكنها لم تجيب بينما ذهب جيسي لتنظر في الغرفة علي اي شئ قد تركتة كيارا
طوني : مش بترد
جاسر : جرب تاني
جيسي : انا لقيت الورقة دي و هدوم كيارا مش جوا
اخذ طوني الورقة و قرأها بصوت مسموع
طوني : انا اسفة يا عموا و يا طوني و يا جيسي انا كنت بضايقكم عالطول بس خلاص انا هامشي و اسيبكم طلاما انتم مش بتحبوني حتي مامي و بابي مش بيحبوني محدش بيحبني انا كنت بقلد طوني في كل حاجة عشان الناس تحبني زي ما بتحبة بس بروضوا ماحصلش حاجة و بعدين قلدت جيسي و بردوا ما بقاش عندي اصحاب كتير زي العندها بس انا مش عايزاكم تزعلوا مني انا بحبكوا اوي بجد و كان نفسي تحبوني زي ما بحبكوا بس خلاص مش مهم انا عندي بس طلبين صغيرين ممكن بليز تعملوهم أول واحد محدش يدور عاليا تاني واحد لو انا مت محدش يعيط عاليا
كيارا
جيسي بقلق : معقولة تكون هاتنتحر
طوني : لا ما اعتقدش اتصلي بكيفن و اسألية لو راحت عندة
جيسي : حاضر
أمسكت بهاتفها و طلبت كيفن
جيسي : كيفن هي كيارا اتصلت بيك او جت عندك
كيفن : لا خير اية الحصل ؟؟
جيسي بقلق شديد: كيارا مشيت و سابت البيت بليز لو كلمتك قولي
كيفن : اوك بس اهدي ما تخافيش هي اكيد كويسة
جيسي : يا رب تبقي كدة فعلا شكرا يا كيفن مع السلامة
كيفن : سلام
■في منزل قديم
كيفن : حرام عاليكي دول قلقانين اوي عاليكي
كيارا : لا كدة احسن ليا و ليهم
كيفن : براحتك دة مفتاح الشقة عشان لو حبتي تخرجي
كيارا : شكرا جدا بجد مش عارفة اقولك اية
كيفن : العفو انا هاجبلك اكل و انا جي بالليل
كيارا : اوك بس هو انت بتشتغل اية
كيفن : بعدين هاقولك عشان اتأخرت
كيارا : ممكن تيجي بدري عشان بخاف اقعد لوحدي
كيفن بإبتسامة : حاضر باي
غادر كيفن و في طريقة اتصل بجيسي و طلب منها مقابلتة في النادي و وافقت جيسي اما كيارا فأحتضنت الوسادة و انفجرت في البكاء
وصل كيفن للنادي قبل جيسي و جلس لينتظرها الي ان جاءت
جيسي بقلق : عرفت حاجة عن كيارا ؟؟
كيفن : اقعدي الأول بعدين نتكلم
جلست جيسي و كان يبدوا عاليها القلق و الخوف الشديد
كيفن : اجبلك اية تشربية
جيسي : لا شكرا ماليش نفس
كيفن : و لو قلتلك اني كيارا عندي
جيسي بصدمة : بجد ازاي
كيفن : اوعديني الأول انك ماتقوليش لحد الانا هاقولهولك دة لحد ما اقنعها ترجعلكم
جيسي : حاضر اوعدك
كيفن : هي اتصلت بيا الساعة أربعة الفجر و كانت بتعيط و طلبت أنها تقابلني تحت عمارتكم روحتلها و لقتها واقفة بشنطة هدمومها و عمالة تعيط و طلبت مني اني الاقلها مكان تقعد فية مؤقتا
جيسي : ما قالتلكش اية السبب
كيفن : لا من ساعت من شوفتها و انا بحاول اعرف بس هي بتتهرب من السؤال
جيسي : اكيد في حاجة هي مخبياها عالينا
كيفن : هاتعملي اية؟؟؟
جيسي : انا عايزا اكلمها ممكن تقولي الحصل
كيفن : استني لما تهدأ شوية
جاء روهان و جلس معهم علي الطاولة بدون اسأذان
روهان : كدة تخرجوا في معاد رومانسي من غيري
جيسي : يا عم اتنيل علي الاحنا فية
روهان : ما تخافيش كيفن جدع و هايصلح غلطتة
كيفن : غلطة اية الله يخرب بيتك
جيسي وهي تمسك بكوب فارغ : والله ارميك بالكوباية دي....هي كانت نقصاك
روهان : الحق عاليا خايف علي مصلحتكم
جيسي : باي انا ماشية هابقي اكلمك
روهان : اوك ماشي خدي رقمي
جيسي : يا واد اخرس لما الكبير بتكلم الصغير يسكت
روهان : ماشي يا كبير
جيسي وهي تهم بالوقوف : سلام يا كيفن
كيفن : سلام
غادرت جيسي لكنها اصتدمت بكاران في طريقها فوقفت في مكانها اما روهان و كيفن فكانا يتحدثان
كيفن بغضب : اية الانتا هببتة دة
روهان : يا عم انا كنت عايز ازحلقها عشان اكلمك لوحدنا
كيفن بقرف : خير
روهان : كيارا عندك صح
كيفن بإستغراب : و انت مالك
روهان : انت نسيت اني انا القلت لكاران اني هاظبتها
كيفن : لا مانستش
روهان : انا السبب في أنها بتعيط كدة
كيفن بغضب : عملتلها اية؟
روهان ببرود : ولا حاجة اتصحبت عاليها من علي الفيس و هكرت موبايلها و ركبتلها شوية صور حلوين
كيفن بغضب : عملت كدة لية؟
روهان بإستغراب : يعني دي اول مرة نعمل كدة ما احنا بنعملها عالطول
كيفن بضيق : بس هي ما اذتناش في حاجة
روهان : بس احنا لازم نعمل كدة عشان كاران عايز باقي البحث من مايكل و هند
كيفن : انا مش معاكوا المرادي
روهان بإستغراب: انت حبتها ولا اية؟
كيفن : لا بس حطيت ميرنا مكانها
روهان : لا انت اتجننت بقي عارف لو كاران سمعك
كاران : مش انا بس السمعت
التفت كلاهما الي مصدر الصوت ليجدوا كاران واقفا و ينظر لجيسي الذي يبدوا أنها قد سمعت كل شئ
أنت تقرأ
لعبة القدر
Gizem / Gerilimالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
