لعبة القدر

39-مرض أنديانا

كاران : الو عرفتي منين اني هاكلمك؟؟
جيسي بخوف : مش وقتة تعالا بسرعة انديانا تعبانة اوي و في المستشفى
كاران : انتوا في مستشفى اية؟؟؟
جيسي : في مستشفى ----- تعالا بسرعة
كاران : حاضر سلام
اغلق الخط و استقل سيارة أجرة للمشفي و وصل دفع الأجرة ثم ترجل إلي داخل المشفي بسرعة و رأي جيسي واقفة مع كيفن عند الاستقبال فذهب نحوهم ليعرف ما حصل
كاران بقلق : انديانا مالها ؟؟؟
كيفن : عندها حمى بس جامدة شوية
جيسي : هو روهان راح فين ؟
كيفن : اكيد دخل معاها عند الدكتور
كاران : تعالوا نروح نطمن عاليها
ذهب الثلاثة ليطمئنوا على أنديانا التي كانت مازالت فاقده للوعي و روهان كان جالسا إلى جانبها و ممسكا بيدها
كاران : الف سلامة
روهان : يا عم خضتني
كيفن بسخرية: سلامتك من الخضة
جيسي : بطلوا رخامة انتوا الاتنين مش شايفين أنه قلقان عاليها
كيفن : أحب اقولك اني دة بيقلق علي اي بنت تعبانة
جيسي بغضب: بس .... روهان هي عاملة اية دلوقتي
روهان : كويسة
جيسي : الحمدالله
كاران : الدكتور ما قلكش هي تعبت كدة لية
روهان : هي كان عندها دور برد من ساعت ما جينا بس الهانم أصرت تاكل ايس كريم أمبارح
كيفن : و انت ازاي تجبلها ايس و هي تعبانة؟؟؟
روهان : ما انت عارف أنها لما بتصر على حاجة
لازم تعملها
جيسي : خلاص الحصل حصل المهم أنها تبقي كويسة
روهان : تصدقي انك زي العسل انا مبسوط انك هاتبقي معانا عالطول
جيسي بإبتسامة : ميرسي
كاران : لو دة بيبسطك يبقي ربنا ينكد عاليك
روهان : لية كدة بس دا انا بحبك حتي
جيسي : انا مخصامك يا كاران انت وحس
كاران بقرف: احسن و بعدين اية وحس دي
جيسي : مس هاقولك
روهان بضحكة : انتي بتحبي تشيلي النقط من علي الشين
جيسي : اة عشان استفز كاران بمأن اي حاجة بتستفزة نيههههها
كاران وهو يشمر أكمام قميصه: نعم تستفزي مين
جيسي و هي تخرج له لسانها : انت
كاران وهو يجري ورائها : تعالي بقي عشان اوريكي انا بعمل اية في البيستفزوني
جيسي وهي تجري : خلاص خلاص آسفة
امسكها كاران من شعرها
كاران و هو يشد شعرها : اعتذري
رن هاتف جيسي
جيسي : لما ارد الأول
كاران : رودي وانا ماسكك كده
أخرجت هاتفها من جيبها لتجد أن المتصل هو طوني
جيسي : ياختااااي طوني بيتصل .... سيب شعري بقي عشان هو كمان هايشدة لما اروح
ترك كاران شعرها
كاران وهو يشم رائحة يده : يع شعرك رحتة مقرفة
جيسي : اسكت بقي خليني افكر هاقول اية لطوني
كيفن : قوليلوا يجي
كاران بإستغراب : نعم يجي فين ؟؟؟
جيسي : صح اصلا طوني عارف كل حاجة انا كنت بحكيلة من اول مرة قابلتكوا فيها لحد دلوقتي يبقي مافيش مشكلة لو قولتلة يجي
كاران : انتي متأكدة انوا مش هايقول حاجة عنا لو عرف
جيسي : هو عارفكوا من قبل ما انا اعرفكوا
روهان : يبقي علي بركة الله
أمسكت جيسي بهاتفها و اتصلت بطوني
طوني بغضب : انتي فين ياهانم ؟؟ سيباني لوحدي في المناحة الهنا
جيسي بضحكة : حصل اية؟؟؟
طوني : مافيش ابويا اتصل بهند و مايكل و قالهم علي كل حاجة و هما جم عندنا و هند بتعيط و انا حاسس اني مايكل مبسوط بس بيحاول انوا يبان زعلان عشان منظرة قدام الناس
مايكل : سمعتك يا جزمة قديمة
طوني : الحمدالله انك سمعت
جيسي بضحكة : البيت هادي صح
طوني : طبعا .... خلصيني انتي فين ؟؟
جيسي : تعالا علي مستشفي ----- بسرعة عشان في موضوع مهم
طوني بقلق : انتي كويسة
جيسي : اة ماتخفش بس تعالا
أغلقت جيسي الخط
كاران : أنديانا هاتفوق امتي؟
روهان : بعد شوية
جيسي : انا هاطلع برا عند الإستقبال عشان استني طوني
كيفن : انا كمان جي معاكي
جيسي : اوك يلا
خرج الاثنان لينتظرا طوني الذي وصل بعد مدة قصيرة
طوني بسعاده: كيارا انتحرت صح ... قلبي كان حاسس طب هاقول لهند اية ... مايكل ممكن يجيلة سكتة قلبية من كتر الفرحة
جيسي بضحكة : يا عم اهدا شوية كيارا كويسة أنديانا هي التعبت شوية و جبناها هنا
طوني بضيق : اوووووف
كيفن : معلش
طوني : ايه بقي الحاجة المهمة
جيسي بسعادة: انا انضميت للعصابة
طوني بسخرية : و فخورة كدة لية هو انتي انضميتي لفرقة مكافحه الإرهاب
جيسي : ههههه ظريف
خرج كاران من عند روهان و ذهب عند جيسي
كاران : لا لفرقة مكافحة الظرف
طوني بقرف : مين الاخ؟؟
جيسي : دا كاران ... كاران دا طوني
كاران : انا جالي فكرة بخصوص موضوع زفتة
طوني بضحكة: انت كمان بتقولها زفتة
كاران : دي زفتة و خمسمية ألف زفتة خليني اقول الكلمتين بقي
طوني : اتفضل بس لحظة هي كيارا فين؟
كيفن : عندي في الشقة القديمة
طوني : اوك اتفضل يا كاران اتكلم المايك معاك