لعبة القدر

48-عيد ميلاد

طوني : أسف جيت من غير معاد بس كنت عايز أتكلم مع كيفن ضروري
ميرنا : كيفن سافر أنهارده الصبح
طوني بضيق : بتهزري اوووف
ميرنا : طب ادخل أشرب حاجه و انا هتصلك بيه
طوني : لا خلاص الموضوع مش مهم اوي كده...بس أنتي عارفه كيفن بيشتغل ايه هناك
ميرنا : اه هو قالي أنو شغال مدير تنفيذي في شركه
طوني بضحك : هههههه ماشي أبقي سلميلي عليه لما يكلمك
ميرنا بإستغراب : أنت بتضحك علي أيه
طوني : مفيش افتكرت حاجه ضحكتني.....تعرفي هو هيرجع أمتي
ميرنا : لا
طوني : ماشي بس هي جوليا كلمتك
ميرنا : طب أدخل عشان وقفه الباب دي رخمه
طوني : ماشي
دخل طوني إلي المنزل و جلس ثم لاحظ اوراق الرسم الخاصه بميرنا فأمسكها و بدأ يشاهد رسمها
ميرنا و هي تأخذ الأوراق منه : أنت بتعمل ايه
طوني : في ايه أنا بتفرج علي رسوماتك
ميرنا : لا بلاش دول وحشين
طوني : لا حلوين هاتي اكمل
ميرنا : لا....انا هجبلك حاجه تشربها
طوني : مش عايز أشرب حاجه ولا عايز أتفرج علي حاجه و اقعد بقي عشان نتكلم
جلست ميرنا و وضعت الأوراق إلي جانبها بعيداً عن طوني
ميرنا : أتفضل أتكلم
طوني : جوليا حالتها مش كويسه الفتره دي ممكن تحاولي تكلميها لأنها حسا أني جيسي أتخلت عنها بسبب سفرتها السودا دي
ميرنا : ليه...هو أيه اللي حصلها
حكي لها طوني كل ما حصل مع جوليا
طوني : بس كده من ساعتها و وائل مش عارف يوصلها ولا انا
ميرنا : طيب انا هروحلها بكره الصبح
طوني : حاجه كمان ممكن لو جيسي كلمتك تبقي تقوليلي عشان انا و هي متخانقين
ميرنا : طوني انت مكبر موضوع السفر ده اوي يعني هو ميستاهلش كل ده
طوني بضيق : انتي مشوفتيش هي بتعمل ايه هناك مع كاران
ميرنا بإستغراب : و ايه اللي وداها لكاران مش كانت مع مايكل و هند
طوني : سبتهم في المطار و راحت مع كاران...معايا حق في اللي بعمله ولا لا
ميرنا : لا بدل متتعصب و تقعد تزعق زي كل مره أنت ممكن تحاول تعقلها عشان ترجع
طوني : ده علي أساس أنها قبلا كلام
ميرنا : النهارده عيد ميلادها حرام تزعلها فيه مكفايا انها بتبقي مضايقه طول اليوم
طوني : فكرتيني هبقي احاول اعصر علي نفسي لمونه و أكلهما
ميرنا : ايوه كده ربنا يهديك
طوني بإبتسامه : ماشي يا ستي....عايزا مني حاجه قبل ما أمشي
ميرنا : لا شكراً
طوني : ماشي لو أحتجتي حاجه كلميني بمأني جيسي سافرت و مش لاقي حد يقولي جبلي شبسي و أنت جي
ميرنا بإبتسامه : متخفش أكيد هترجع
طوني : ربنا يسهل سلام
خرج طوني و نزل الدرج ثم ذهب لسيارة و وجد أن دولاب سيارته مثقوب
طوني بضيق : ده اللي ناقص...حبكت تانم دلوقتي يعني
أخرج طوني هاتفه و أتصل بميرنا
ميرنا : ألوو
طوني : ألوو...معلش بس متعرفيش ميكانيكي هنا عشان الكوتش نام
ميرنا : يعني أنت معكش أستبن
طوني و هو يلعب في شعره : الأستبن برضوا نايمه في شنطة العربيه
ميرنا : أزاي متعملش حساب حاجه زي دي
نظر طوني إلي شاشة هاتفه ثم و ضعه مره أخرى علي أذنه
طوني بإستغراب : انا ليه حاسس اني بكلم جيسي
ميرنا : اقفل و أنا جيالك
طوني : انا عايز ميكانيكي مش عايز حضرتك
ميرنا : تصدق انا غلطانه عشان كنت هنزل أوديك عند الميكانيكي لاني مش بعرف أوصف بس خلاص دور أنت مع نفسك
طوني : لا خلاص أسف أنزلي
ميرنا : ماشي خمس دقايق و نزلالك
أغلقت الخط ثم ذهبت لتغيير ملابسها و ذهبت عند طوني
طوني : أخيرا جيتي أنا الشمس شوتني
ميرنا : معلش...تعالا معايا في ميكانيكي في الشارع ده
طوني : ماشي يلا عشان هتأخر علي الشغل
أخذته عند ورشة أصلاح السيارات
طوني : صباح الخير
العامل : صباح النور
طوني : معلش بس انا راكن عربيتي هناك و الكوتش نام لو ينفع حد يجي معايا يشوفه
العامل : يا ميمي روح مع الاستاذ و شوف الكوتش
ميرنا بإستغراب : ميمي
طوني : متركزيش علي أسمائهم
ميمي : فين العربيه
طوني : تعالا معايا
ذهبوا عند السياره مره أخرى
طوني : روحي أنتي و شكراً
ميرنا : لا خليني هنا عشان زهقت من قعدة البيت و كمان مفيش جيسي عشان تخرج معايا
طوني : خليكي بس هتتبهدلي معايا
ميرنا : مش مهم هيبقي أحسن من قعدة البيت
ميمي : مش هينفع نصلح الكوتش هنا لازم في الورشه
طوني : طب تعالا أوريك الأستبن يمكن يكون حالة أحسن من ده
فتح طوني حقيبة سيارة
ميمي : خلاص ناخد ده معانا
طوني : طيب شيله
ميمي و هو يضح يده علي ظهره : معلش مش هقدر اصلي أنا عندي أنزلاق في الغضروف
طوني بإبتسامه : سلامة غضروفك
ميمي : الله يسلمك
طوني بجديه : شيلها ياض و بلاش أستعباط
حمل ميمي الدولاب ثم أغلق طوني حقيبة السياره و ذهبوا إلي الورشه مره أخرى
العامل : هتاخد شوية وقت
طوني بضيق : أوووف انا لازم أكون في الشغل دلوقتي
ميرنا : سيبه و أبقي تعالا خده بعد شغلك
طوني : انا بخلص 8 بالليل
ميرنا : خلاص اتصل بحد من صحابك هناك و قوله يتصرف و يقولهم أي حجه عشان تتأخر
طوني : ماشي صلحه و انا قاعد في العربيه لما تخلصه أبعتلي الواد أبو غضروف ده
العامل بضحك : ماشي
ذخب طوني و ميرنا ثم جلسوا في السياره
طوني : متطلعي تقعدي في البيت أحسن
ميرنا : انا زهقانه من قعدة البيت
طوني : يعني القعده دي حلوه اوي
ميرنا : اهي أحسن من قعدة البيت
طوني : طيب...صح ممكن لو كيفن أتصل بيكي تبقي تخليه يكلمني
ميرنا : بدل العذاب ده أتصل أنت بجيسي أسهل ولا أقولك أنا هكلمهالك
أخرجت ميرنا هاتفها و كادت أن تتصل بجيسي لكن طوني أخذ الهاتف منها بسرعه
طوني بضيق : متكلميش حد هي غلطانه و المفروض انها تعتذر
ميرنا و هي تأخذ منه الهاتف : طيب ممكن تفهمني أيه الغلط الكبير اللي هي عملته عشان يخليك متكلمهاش
طوني بضيق : بلاش نتكلم في الموضوع ده
ميرنا بإستغراب : ده الموضوع شكله كبير أوي بقي
طوني مغيراً الموضوع : ميمي جه أنا نازل هتطلعي بيتك ولا هتفضلي هنا
ميرنا : هطلع بس أنا لازم أعرف أيه اللي حصل و لو معرفتش منك هعرف من جيسي
ترجلوا من السياره و صعدت ميرنا إلي منزلها و أتصلت بجيسي لكنها لم تجيب أما طوني فكان واقفاً مع العامل و يفكر في كلام ميرنا
•في ألمانيا
وجدت جيسي المكان مزين بأشرطه ملونه و هناك كعكة عيد ميلاد مكتوب عليها Happy birthday Jesse
جيسي بخوف : خرجوني من هنا
كاران : لا مش هتخرجي من هنا قبل منحتفل بعيد ميلادك
جيسي : ده عيد ميلادي و انا مش عايزه أحتفل بيه
روهان : دي أول مره كاران بنفسه يجهز حفلة عيد ميلاد لحد و كمان مكلف و جايب تورطه
جيسي : كلوها لو عايزين انا خارجه من هنا
كاران : أستني هنا أنتي مش هتخرجي قبل متطفي الشمع و نغني happy birth to you
جيسي بضيق : لا انا عايزا أمشي من هنا
ذهب كاران عند جيسي و سحبها من يدها إلي الكعكعه ثم أوقفها أمامها
كاران : يلا خلصيني
جيسي : لا أنا عايزا أمشي من هنا
كاران : روهان روح صحي كيفن عشان يصورنا
روهان : حاضر
صعد روهان إلي غرفة كيفن
كيفن : خير
روهان : تعالا عشان تصورنا و جيسي بتطفي الشمع خلينا ناكل من التورته بقي
كيفن بإستغراب : هي جيسي وافقت علي اللي بيحصل تحت ده
روهان : ما أنت عارف أني محدش بيقدر يكسر كلمه لكاران
كيفن بضيق : طيب أنزل و أنا جي وراك
نزل روهان إلي الأسفل و لحق به كيفن
كاران : روهان ولع الشمع يلا
جيسي بغضب : كيفن قولهم أني مبحبش أحتفل بعيد ميلادي
كيفن : أعتبريني مش موجود
جيسي بضيق : طيب أنا عايزا أروح ال toilet
كاران : أول منطفي الشمع هسيبك تروحي المكان اللي أنتي عايزاه
جيسي : متحولش أني أعمل حاجه أنا مش عايزاها
كاران : خلاص و أنتي متحاوليش تخرجي من هنا أو تكلمي أي حد علي موبايلك لأني هخده و كمان مش هتكلي من التورته
جيسي ببرود : كأني هموت مثلاً من غير الحاجات دي
كاران : لسه مخلصتش كلام....كمان مش هترجعي مصر تاني