طوني بغضب : هي بتعمل اية عندك ؟؟
وائل بتوتر: هاحكيلك بس اسمعني للأخر
طوني : اتفضل احكي
وائل : انا روحت الجيم عشان اقول للكابتن اني مش جاي بكرة لما خرجت لقيت زين و جوليا داخلين ديسكو انا دخلت وراهم عشان اعرف هايعملوا اية لقيته بيحطلها حاجة في الكوباية بتاعتها و بعد ما شريتها داخت و اغم عاليها و هو شاور لأصحابه عشان يخدوها انا روحتله
●Flash Back :-
زين بقلق : وائل انت بتعمل اية هنا ؟؟
وائل وهو يشد جوليا منه : سبها
زين : يا عم خدها اهي و اشبع بيها دي بت برده قرفتني كل شوية هانتجوز امتي ... اهي عندك
رماها زين فأمسكها وائل من خصرها قبل ان تقع على الارض ثم حملها و أخذها إلي سيارته و حاول اقاظها برش بعض قطرات الماء علي وجهها
وائل : جوليا اصحي ... جوليا فوقي بقي
جوليا بصوت متقطع : ز...زززين...اا..ابعد..سبني
اغلق وائل باب سيارته و ركب إلي جانبها و اخذها إلي منزله و طلب لها الطبيب
الدكتور : هي واخده مخدر قوى ممكن تفوق علي بكرا الصبح
وائل : شكرا يا دكتور تعبتك معايا
الدكتور : العفو علي ايه دا شغلي
عوده لأرض الواقع●
طوني بغضب : ده زودها اوي انا كدا اتأكدت اني الفي دماغي صح
وائل : ما دا الانا قلتة اول ما انت قلتلي انوا اتخطبلها من غير ما يعزمنا
طوني : خليها عندك لحد ما نشوف حل
وائل : ماشي اصلا بابا و ماما مسافرين بس المشكلة في مارتن هو ال لسانه مسحوب منه
طوني : هو مش المفروض يرجع من المدرسة دلوقتي
وائل : بيوصل صحبته الأول
طوني بضحكة : لا الواد جينتل اوي
وائل بضحكة : اووووي بصراحة انا تعبت من كتر جنتلته
طوني : و مين سيئة الحظ
وائل : واحدة معاه من ابتدائي اسمها ماي
طوني بإستغراب : ماي اية الاسم الغريب ده؟؟
رن جرس الباب فذهب وائل لفتحه و كان الطارق هو مارتن
مارتن بسعاده : ايه دا !!حضره الضابط طوني عندنا
طوني : شوفت الزمن عمل ايه .... بس عجبتني حضره الظابط دي
مارتن بغمزه : أي خدعة
وائل : قوله انت و انا داخل اشوف ايه الأخبار
دخل وائل بسرعة إلي غرفتة دون أن يسمع الرد من طوني
مارتن بإستغراب : في ايه؟؟؟
طوني : أخوك دا جزمة دايما بيرميني قدام المدفع
مارتن : ماليش فيه انا عايز اعرف في ايه؟؟؟
شرح له طوني ما حصل مع وائل
مارتن : يعني انا المفروض استر عاليكم صح
طوني : بعد أذن سعدتك
مارتن : عندي شروط
طوني بقرف : نعم ... اتفضل خلصني
مارتن واضعا قدم فوق الاخرى: لا هستنا لما وائل يجي عشان مش بحب أكرر كلامي
طوني : نزل رجلك انت هاتزيط
مارتن : هو وائل بيعمل ايه معاها جوا و لوحدهم كمان .... انا شاكك فيكوا
طوني : تعالا نشوفوا
دخل الاثنان لغرفة وائل و وجدوه يضع كمدات علي رأس جوليا و كان يبدوا علية القلق
طوني : مالها
وائل بقلق : مش عارف جسمها دافي .. مارتن هات الترمومتر
مارتن علي مضض : ماشي
ذهب مارتن و أحضر الترمومتر لوائل كما طلب منه
وضعه في فمها ليجد ان حرارتها أربعين
وائل : انا مش عارف هي سخنت ليه ؟؟
طوني : طب اتصل بالدكتور يجي تاني
امسك وائل بهاتفه و اتصل بالطبيب و طلب منه المجئ مره أخرى بينما رن هاتف طوني و كان المتصل هو جاسر ،ذهب طوني للشرفة كي يجيب
طوني : الووو يا بابا
جاسر بغضب : انت فين؟؟؟
طوني : عند وائل خير في حاجة ؟؟
جاسر بعصبية : تعالا حالا لاني جيسي شكلها اتجننت
طوني : حاضر عايز حاجة مني و انا جاى
جاسر : لا تعالا بسرعة .... سلام
طوني : سلام
طوني في نفسة : عملت ايه المجنونة دي .. ربنا يستر بابا شكله مولع في البيت ... يعني انا الهاطفيها ما هي زفت من كل ناحية
دخل طوني لغرفة وائل ليستأذنه في الرحيل
وائل : نعم ياخويا هاتسبني لوحدي
طوني : و انا مالي انك عملت فيها عنتره بن شداد
مارتن : لحظه انا ماقلتش شروطي
طوني بضيق : اتنيل قول و خلصنى
مارتن : اتجوز انا و ماي في أجازة الصيف
وائل : روح ذاكر ياض
طوني : سبلي انا الطلعة دي ... بقي انت الي لسة في اولي ثانوي عايز تتجوز امال انا اية عنست خلاص
مارتن بغرور : هه طبعا هو في حد في سنكوا و لسه ماتجوزش
طوني : غور من قدامي بدل ما اغزك ... سلام يا وائل
وائل بضيق : سلام يا اندل ندل شوفتة في حياتي
طوني : هاجيلك بكره بس لما اعرف المصيبة الجوجو عملتها
رن جرس الباب فذهب وائل ليفتح و كان الطبيب هو الطارق ، دخل الطبيب و خرج طوني بعد ان ودع صديقة
أنت تقرأ
لعبة القدر
Misteri / Thrillerالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
