كاران ببكاء : معرفش بس دة الدوا الهي عالطول بتاخدة
أبراهيم بغضب شديد : مين الكتبلها على الدوا دة؟؟؟
كاران : معرفش
وصلت شاهندا والدة كاران و ماي شقيقتة الصغيرة
شاهندا : خير اية الحصل ؟؟؟ و مين دة ؟؟
أبراهيم وهو يشير ناحية كاران : دة كاران ابنك
شاهندا باستعجاب : نعم ازاي ؟؟؟ مش هو مات من سنتين
أبراهيم : انا عرفت لية ماما ماكنتش عايزاني اروح اشوفها عشان هي كانت مخبياك عندها صح
كاران : لا عشان انت كنت هاتخدني من عندها
شاهندا : مش مهم كل دة المهم هي عاملة اية دلوقتي
أبراهيم بحزن : ماتت بسبب الغبي ابنك كان بيديها دوا الضغط بدل دوا القلب
شاهندا : بطل بقا تقول كل شوية ابنك ماهو ابنك انت كمان و بعدين الغلط عاليك انت الماكنتش بتروح تتطمن علي مامتك و بعدين فين بريا
أبراهيم : في البيت يعني هاتكون فين و بعدين انتي مالك دي مسؤليتي انا مش انتي
شاهندا بغضب : ماهي برضوا بنتي زي ماهي بنتك
أبراهيم بغضب : ابعدي عن وشي السعادي و خدي معاكي الزفت دة انا مش طايقة
شاهندا : انت مش طايق نفسك اصلا تعال يا كوكو معايا انا و ماي
ذهب كاران مع والدتة و ماي إلي حديقة المشفي
كاران ببكاء : انا ماكنتش اعرف اني الدوا دة هايموتها انا اسف
شاهندا وهي تعانق ابنها : خلاص بقي بطل عياط انت مالكش زنب في الحصل دي غلطة الدكتور الكتبهولها
بدأت ماي (شقيقة كاران الصغيرة )بالبكاء
كاران : ماما هي البنت دي عندها كام سنة
شاهندا وهي تحاول اسكات ماي : عندها تلت سنين
حمل كاران ماي ليحاول اسكاتها وبالفعل ابتسمت عندما حملها و ظل يداعبها إلي أن اتي اقارب ابراهيم و جميعهم اتهموا كاران بقتل مرفت و طلبوا من ابراهيم ان يتخلى عن ابنة و وافق فهو صدق كلامهم اما شاهندا فلم تصدقهم فهي لم تقتنع أن طفل في مثل هذا العمر بإمكانة فعل هذا
شاهندا : انا مش مصدقاكم و عمري ما هاسيب ابني
أبراهيم : انتي حرة انا مالي بيكي ما انتي عالطول ماشية بدماغك خالية يقتلك زي ماقتل امي
كان كاران يختلس السمع لحوار والدية
●عودة الي أرض الواقع
نزلت دمعة من أعين كاران لكنة مسحها بسرعة قبل ان تراها جيسي فهو لا يحب أن يظهر ضعفة أمام أحد
جيسي : و بعدين اية الحصل؟؟؟عملت اية؟؟؟؟
كاران : مافيش هربت بس روحت وراهم و حضرت الدفنة بتاعت تاتة من غير ما حد يحس بس بريا شافتني
جيسي : بريا مين؟؟
كاران : اختي الكبيرة هي أكبر مني بخمس سنين
جيسي : اة اوك و عملت اية اما شافتك
كاران : ولا حاجة اتكلمنا شوية و وعدتني أنها مش هاتقول لحد أنها شافتني و بعدين استنيت لحد ما الكل مشى و روحت قعدت عند القبر لحد بالليل اما جالي ناصر و عرض عاليا اني انضم للعصابة و انا ماكنش قدامي حل تاني غير اني أوافق
جيسي : انت شوفت حد من أخواتك مرة تاتية؟؟
كاران : اة شوفت بريا يوم فرحا اتكلمت مع جوزها و حضرت شوية من الفرح من غير ما حد يحس بس جوزها اتصل بيا بعد الفرح و قالي أنها شافتني اما ماي فأنا ببعتلها هدية في عيد ميلادها و عيد الحب كل سنة ساعات انا البديهلها لو ماما في الشغل لكن لو هي في البيت بخلي كيفن هو اليديهالها
جيسي : صح فكرتني ميرنا اكيد هاتقتلني عشان ما اتصلتش بيها يوووووو و طوني كمان وعدته اني هاتصل بية اول ما أوصل زمانة خارب الدنيا في البيت
■في منزل جاسر
جاسر : اووووف أخيرا الفيلم خلص دة كان رخم اووووي
طوني وهو ينظر إلي الساعة : جوجو اتأخرت اوي دي حتي ما اتصلتش بيا
جاسر : كويس عشان عايز اكلمك في موضوع و ماينفعش جوجو تسمعة
طوني بقلق : خير اية الحصل؟؟؟؟
جاسر : مش خير في الحقيقة بما ان جوجو هاتكمل العشرين كمان تلت شهور فهي لازم تقابل امي و ابويا و عايلة جاكلين عشان تقسيم الميراث
طوني : اووف مش كنا خلصنا من قرفهم كلهم هانعيدة تاني
جاسر : اة للأسف هانعيدة و مايكل و هند جايين بكرة الساعة ستة الصبح
طوني : اوعا تقول اني بنتهم جيا معاهم
جاسر : خلاص مش هاقولك اني كيارا جيا معاهم
طوني : لا بقي كدة حرام هلاقيها من تاتة هبة ولا من كيارا ولا من جوجو كدة كتير
جاسر : امال هاتعمل اية لو عرفت أنها هاتبات معانا
طوني وهو يضع يدة على قلبة : نعم هاتقعد فين لا دا انا لازم اجيب دوا للضغط و واحد تاني للقلب شكل الأزمة هاتجيلي كتير الأيام الجاية و واحد تاني للسكر لاني في احتمال كبير انوا يحيلي و كمان اجيب دوا ل؛؛؛؛؛؛؛؛؛؛
جاسر مقاطعا : بس بس اية الأدوية دي كلها احنا نفتح صيدلية اسهل
طوني : انا عندي فكرة اية رأيك اني هند و مايكل يباتوا معانا و كيارا تروح تبات في اي حتة
جاسر : لا ناصح
طوني ببرائة مصطنعة: حرام عاليك تعمل فيا كدة انا ابنك دا انت لو جوز امي كنت صعبت عاليك
جاسر : مش عايز وجع دماغ بقي انا داخل انام تصبح علي خير
طوني بحسرة : خير هايجي منين الخير فينك يا جوجو عشان تسمعي الانا سمعتة
تجاهل جاسر كلام طوني و ذهب للنوم
■في القصر عند جيسي و كاران
جيسي وهي تهم بالوقوف : انا لازم امشي اكيد طوني و عمو قلقانين عاليا اوي
كاران وهو يهم بالوقوف : استني اوصلك المنطقة هنا مقطوعة و الدنيا بدأت تليل
جيسي : اة صح نسيت اسألك هو القصر دة بتاع مين ؟؟ و اصلا مين اليبني قصر بالفخامة دي و يسيبة كدة؟؟؟
كاران : بتاعي تاتة قبل ما تموت كتبتة بإسمي و دة من احد الأسباب الخلت ابويا مش طايقني
جيسي : واووو انا لو مكانك كنت ظبتة علي مزاجي و جيت اعيش فية دة تحفة حد يسيب قصر زي دة بالمنظر المتبهدل دة
كاران : انا عاجبني الديكور دة عندك مانع
جيسي : عندي موانع كتيييييييير اوي
كاران بنفاذ الصبر : يلا اتاخرتي علي طوني
جيسي : ممكن اقولك علي حاجة
كاران : اتفضلي يارب نخلص
جيسي بلطف: شكرا انا عمر ما حد حكالي اسرارة قبل كدة او سمع قصتي و ماقليش اني غلطانة عشان ما اعترفتش على القاتل
كاران : العفو
جيسي وهي تمد يدها لمصافحتة : اية رأيك نبقي أصحاب و كل ما حد منا يبقي في حاجة مضيقاة يجي هنا عشان يحكي عنها للتاني
كاران و هو يصافحها : اوك اصحاب
اصطحب كاران جيسي إلي خارج القصر و اوصلها الي سيارة أجرة كي تركبها لكنة لم يتركها بمفردها بل ركب معها ركب هو الي جانب السائق بينما ركبت جيسي في الخلف
جيسي : شكرا
كاران : عفوا هاتيجي النهاردة المدافن
جيسي : مش عارفة هابقي اتصل و اقولك
السائق : استغفر الله
كاران : في حاجة مش عجباك في الكلام
السائق : حد يقابل خطبتة في المدافن
كاران : و انت مالك حد واجهلك كلام و بعدين هي مش خاطبتي
السائق : لا ماهي شغلانة تقرف
سمع كاران صوت ضحكات جيسي التي كانت تحاول أن تكتمها فنظرها لها و قال
كاران رافعا أحد حاجبية: اية اليضحك في الموضوع
جيسي بضحكة : مافيش انا كدة
السائق : استغفر الله
كاران : اية يا عم انت جي تتوب هنا ولا اية
جيسي : يالهوي طوني اتصل بيا عشر مرات و ميرنا ست مرات
كاران : استغفر الله
ضحكت جيسي مجددا
السائق وهو يضحك : شكل الكلمة دي بتضحكها
كاران : بجد طب ركز في سواقتك احسنلك
السائق : استغفر الله
ضحكت جيسي مجددا
كاران بغضب : انتي عندك مرض الضحك المزمن
جيسي بضحكة : اة
كاران : جاتك اوي اخرسي بدل ما اخرسك
جيسي وهي تضع يدها علي فمها لتكتم ضحكتها:خلاص اسفة
السائق : يا بية سبها تضحك البت فرفوشة انا حاسس اني باقي اليوم هايبقا فل عشان ضحكتها الحلوة دي
جيسي بخجل مصطنع : ميرسي
نظر كاران الي جيسي بغضب كي تصمت
بعد قليل وصلت جيسي إلي منزلها و نزلت لتحاسب السائق لكن كاران قد سبقها و طلب من السائق إصالة الي الكافية المفضل لدية الذي قال لجيسي اسمة ليتقابلوا بة غدا
صعدت جيسي الدرج و رنت جرس الباب فتح لها طوني و وجدت المنزل في حالة فوضى عارمة
جيسي : في اية ؟؟ انت بتعمل اية؟؟؟؟
أنت تقرأ
لعبة القدر
Misterio / Suspensoالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
