و كلما كانت تحاول النهوض كانوا يوقعوها مرة أخري
الشاب الأول بسخرية : اية يا قطة مش عارفة تقومي ولا اية
جيسي و الدموع في عينها : ابعدوا عني عايزين اية
الشاب الثاني : عايزين نلعب معاكي يا مزة
جيسي بصوت عالي و خوف : طوني طوني انت فين ؟؟؟
الشاب الأول وهو يسحبها من ذراعها لتقف:مالك يا قطة بتصوتي لية ؟
الشاب الثالث : مين طوني دة ؟
الشاب الثاني : وعندة اية مش عندنا ؟
بدا جسم جيسي يرتجف من الخوف و بدأت تبكي من ألم قدمها و ألم ذراعها الذي يمسك بة هذا الشاب لتبقي واقفة
كان طوني يبحث عند جيسي لكنة لم يجدها فحاول الاتصال بها
طوني بغضب : ماتردي بقي ياتري راحت فين ؟؟
طوني و بدأ يقلق : مش من عوايدها ماتردش عاليا مهما كان الوضع الهي فية انا بدأت اقلق عاليها
سمعت جيسي صوت رنين هاتفها لكن أمسك بة أحد الشباب و رماه علي الارض بقوة لدرجة انة تحطم إلي أجزاء صغيرة
جيسي ببكاء و صوت عالي : سبوني بقي طوني يا طوني
سمع طوني صوت صرخات جيسي و ركض وراء الصوت إلى أن وجدها و أحد الشباب كان يمسكها من ذراعها بقوة و الباقين يضايقونها
طوني بصراخ : جيسي
بمجرد ان سمع الشباب صوت طوني رموا جيسي علي الارض و ركضوا بسرعة
اتجة طوني ناحية جيسي التي كانت منهارة من البكاء
طوني وهو يساعد جيسي علي الوقوف : جوجو انتي كويسة
جيسي وهي تتمسك في قميصة : انا عايزا اروح
طوني : حاضر بس مال رجلك هما عملولك حاجة
جيسي ببكاء : روحني بليز هاقولك كل حاجة في الطريق
لم تتمكن جيسي من الوقوف لفترة طويلة و كادت أن تقع لكن طوني امسكها
طوني وهو يحمل جيسي : حاضر هاروحك تعالي
وضعت جيسي يديها حول عنق طوني و دفنت رأسها في حضنة و بدأت تبكي بقوة
وضع طوني جيسي في السيارة و انطلق بها متوجها إلي منزلهم لكن حاول فهم منها ماذا حصل في الطريق
طوني : جوجو أهدي و بطلي عياط بليز و فهميني اية الحصل ؟؟
جيسي وهي تشهق من كثرة البكاء :مش عارفة
طوني بنفاذ الصبر :يا مثبت العقل في الرأس ما تتكلمي بقي انا هاتحايل عاليكي عشان تنطقي ماتقولي بقي
جيسي و بدأ جسمها يرتجف من البكاء : روحنى بقي حرام عاليك
طوني بعصبية : بعد كل العملتة و بتقوليلي حرام
عاليا انا كان المفروض اضربك اول ما شوفتك
لابسة القرف دة بس مرضتش عشان ماتزعليش
بدأ جسم يرتجف أكثر فأكثر وبدأت تشعر بالبرد
لاحظ طوني و بدأ يقلق عاليها
طوني بقلق : مالك في اية أهدى شوية خلاص مش هسالك تاني غير لما نروح
جيسي بصوت مرتجف : انا محتاجة الحقنة هي معالك
طوني و هو يضع يدة علي كتفها : لا بس لو لقيت صيدلية في طريقنا هانزل اجبهالك أهدي شوية عشان الغيبوبة ماتجلكيش احنا قربنا علي البيت
خلاص
بعدها بقليل وصل جيسي و طوني المنزل
ترجل طوني من السيارة و حمل جيسي التي لم تكن قادرة على المشي
صعد إلي منزلهم و رن جرس الباب مرات متتالية
جاسر بعد أن فتح الباب : في اية مالك بترن زي المجانين انت مش معاك المفتاح
جاسر بعد ان لاحظ جيسي : اية دة مالها
طوني بعصبية : احنا هانفضل كدة كتير دخلني أديها الحقنة بسرعة
افسح جاسر المكان لطوني الذي دخل و وضع جيسي علي الأريكة (الكنبة )و طلب من والدة أن يحضر لة حقنة جيسي من الثلاجة
طوني وهو يتحسس جبين جيسي : انتي جسمك بارد اوي جوجو انتي سمعاني
جيسي وهي شبة فاقدة للوعي : انا....ف....فين
جاسر : اهي الحقنة ادهالها بسرعة
اعطي طوني الحقنة لجيسي في بطنها و بدأت تستعيد وعيها تدريجيا
جاسر : جوجو انتي كويسة دلوقتي
جيسي : اة انا كويسة بس عايزا انام انا رايحة
الاوضة اغير و انام
بمجرد ان وقفت جيسي كادت أن تقع بسبب التواء قدمها لكن سحبها طوني من يديها لتجلس مرة اخري
طوني : مش هاتقومي تروحي في حتة غير لما اعرف اية الحصل بالتفصيل
جيسي : انا تعبانة و مش قادرة اتكلم
طوني بعصبية : خلاص خالينا كدة للصبح
جاسر : سبها تروح تنام و بكرة اتكلموا
طوني وهو ينظر لجيسي بغضب : مافيش بكرة انا لازم اعرف دلوقتي
جيسي بخوف : هاقولك بس ماتتعصبش
طوني : يبقي الحصل بسبب القرف الانتي كنتي لبساة وانا كان معايا حق صح ولا لا
جيسي وهي تهز رأسها بالإيجاب : صح بس هما عيال قليلة الأدب برضوا
ثم حكت لة ماحصل و الدموع تتساقط من عينيها بعد ان انتهت احتضنها جاسر ليواسيها لكن طوني اشتعل غضبا من كلامها فهو قد حظرها من ارتداء هذا الفستان
طوني و عينية مليئة بالغضب : انتي بتعيطي لية دلوقتي هما معاهم حق شايفين واحدة لابسا بدلة رقص مستنية منهم اية يجو يساعدوكي مثلا
جاسر بفضب : طوني
طوني بغضب : بلا طوني بلا قرف بقي انت هاتفضل عالطول بتحايلها حتي وهي غلطانة
جاسر وقد ترك جيسي و وقف : تعالي معايا عشان نتكلم شوية في الاوضة
طوني علي مضض : ماشي جي
ذهب كلا من جاسر و طوني للغرفة كي يتكلموا بعيدا عن جيسي
أنت تقرأ
لعبة القدر
Misteri / Thrillerالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
