جاسر وهو ينظر لطوني بغضب : انت مجنون ازاي تكلمها كدة بدل ماتحايلها انت اكتر شخص عارف هي بتحبك اد اي و بتسمع كلامك عالطول عشان انت ماتزعلش و بعدين فيها اية اما تلبس الهي عايزا و كمان هي مش غلطانة فعلا هما عيال قليلة الأدب
طوني وقد بدأ يشعر بالذنب :بس انا الفستان ماكنش عاجبني من الأول و هي عارفة كدة يبقي لبستة لية
جاسر : هي حرة و كمان الفستان كان شكلة حلو اوي عاليها اية المضايقك بقي
طوني : يعني طلعت انا برضوا الغلطان في الاخر
جاسر : اة
طوني : المفروض يعني اني اطلع و اصالحها
جاسر : المفروض
طوني : عند المكوجي
جاسر : نفسي اعرف هي بتحب فيك اية
طوني وهو يغادر الغرفة : خفة دمي
خرج طوني و وجد جيسي جالسة علي الارض و تضم قدميها و تبكي
جلس طوني الي جانبها وبدأ يلعب في شعرها الناعم كي يضايقها
طوني وهو ينكش شعرها : مادخلتيش جوا الدولاب لية
جيسي ببكاء : رجلي وجعاني مش عارفة امشي
طوني : هاشيلك ادخلك بس بشرط
جيسي ببكاء : شكرا مش عايزا حاجة منك أبعد عني
طوني بنظرة براءة مصطنعة : انا اسف
جيسي وهي تشيح بنظرها إلي الناحية الاخري:لا انت كل شوية تزعلني و تيجي تصالحني
طوني وهو يمسح دموهها: اشيلك و تصالحيني
جيسي : لا
طوني : طب عايزا اية
جيسي : عايزا شكولاتة
طوني : دلوقتي انتي عارفة الساعة كام
جيسي : اة واحدة و نص
طوني : جاتك اوي لما الناس تلاقيني نازل دلوقتي اجيب شكولاتة هاتقول عاليا اية
جيسي : واحد غبي و مزعل اختة
طوني وهو يشدها من شعرها بمزاح : انتي قد الكلمة دي
جيسي وهي تبعد يدة بثقة : اة
طوني : يعني لو جبتهالك هاتصالحيني اكيد ولا شحططة علي الفاضي
جيسي : انت و حظك بقي
طوني : نعم ياختي
جيسي : خلاص خاليك كدة مزعلني اهئ اهئ يا وحش
طوني وهو يقلدلها : انت وحش اهئ اهئ
جيسي و هي تضرية علي كتفة : بطل يا رخم
طوني وهو يهم بالوقوف : ماشي هاعديها بمزاجي نازل اجبلك الشكولاتة بس عارفة لوسمعت انك لسة زعلانة......مش هاقول هاعمل فيكي اية
جيسي : استني ماتنزلش انا مش عايزا شكولاتة انا عايزا انام عشان تعبانة تعالي شلني عشان مش قادرة أمشي
طوني : اوك استني لحظة
توجة طوني إلي الحمام و أحضر علبة الإسعافات
ثم خرج و بدأ يعالج قدم جيسي الأولية
جيسي بألم : اة براحة بتوجعني
طوني : معلش ياختي استحملي امال عملالي فيها بطلة جمباز و رايحة تدريبات و مسابقات و واخدة جوايز وانتي مش مستحملة اني رجلك تتلوي عيلة سيس
جيسي بغضب : اهو انت و بعدين انا بلعب جمباز مش كراتية
طوني : هشششش عشان أركز
جيسي : انت بتعمل عملية
طوني بسخرية : اكتر انتي أيش عرفك
انتهي طوني من معالجة قدم جيسي و طلب منها الوقوف ،فوقفت لكنها كادت أن تقع لكنة امسكها بسرعة و حملها و أدخلها إلى الغرفة ووضعها على السرير كي تنام
■في المطار
وصلت طائر كاران و فريقة إلى أرض مصر الحبيبة
انديانا : ياااا أخيرا وصلنا
روهان : امسكي شنطتك ياختي انا مش شيال حضرتك
انديانا وهي تأخذ حقيبتها : هات معرفش اعتمد
عاليك في حاجة ابدا
كاران بجدية : بطلوا هبل بقي انتم الاتنين يلا امشوا قدامي و كمان كيفن فين
روهان : راح الحمام تحب اقولك بيعمل اية هناك
كاران : دة الانت فالح فية هات الفلاشة
روهان وهو يمد يدة بالفلاشة : اتفضل اهي الهبابة نفسي اتقطع وانا بجري بسببها
جاء كيفن و قاطع حديثهم
كيفن : انا مش هاقدر امشي معاكم اختي مستياني هنا بس معرفش فين
كاران : خلاص روح معاها و احنا هاندور علي مكان نقعد فية
كيفن : اوك سلام
كاران : سلام تعالي بكرة الساعة تمانية الشركة عشان في اجتماع مهم
كيفن : حاضر
غادر كيفن و بدأ يبحث بعينة عن شقيقة إلى أن اتي شخص من ورائة و افزعة
ميرنا بصوت عالي : بخ
التفت كيفن و نظر خلفة ليجد شقيقتة الصغيرة ميرنا فاسرع ليعانقها بقوة فالقد اشتاق إليها كثيرا فهو لم يراها منذ خمس سنوات
ميرنا وهي في حضن أخيها : وحشتني اوي كدة تغيب عني المدة دي كلها من غير ما تتصل بيا كل يوم زي ما اتفقنا
كيفن : اسف بس انا كنت مشغول اوي
ميرنا وهي تبتعد عن حضن اخيها : يعني الشغل اهم مني
كيفن وهي يتجول بيدة علي وجهها : لا طبعا يلا بقي نروح عشان اوريكي الحاجات الانا اشترتهالك
ميرنا بسعادة : بجد جبتلي اية
كيفن بغمزة : مفجأه يلا بينا علي البيت
استقل كيفن و ميرنا سيارة أجرة (تاكسي)للمنزل بينما ارسل ناصر سيارة لاصطحاب الباقين الي منازلهم
أنت تقرأ
لعبة القدر
Mistero / Thrillerالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
