*شعور انك موجوع صعب جدا فى حد ذاته .. اى ان كان نوع الوجع سواء جسمانى او نفسى هو فى كلا الحالتين وجع ..
بس الشعور الاصعب من الوجع هو انك مش لاقى اللى يهون عليك الوجع اللى انت حاسس بيه .. مش لاقى خد تحكيله اللى جواك ممكن لأن ده بكل بساطه لأنك موجوع من الشخص اللى بتقدر تحكيله وجعك .. ويبقى الشعور الأعظم بالوجع هو عندما تتسبب به العائله*
-----------------------؛
"ما بعد ١٢:٠٠ ليلا"
تجلس فى غرفتها تبكى كعادتها فى كل يوم بعد منتصف الليل .. تبكى وكأنها تقول كل ما بداخلها فى البكاء لا يوجد اى شخص ليسمعها ولم يعد لديها قوه للمناقشة.. وصلت لمرحله الاشفاق على الذات والانعزال التام .. اصبح كل ما تريده هو الرحيل .. الرحيل فقط ..!!
انهت نوبه البكاء خاصتها وافرغت ما بداخلها من صريخ داخل وسادتها كى لا يسمعها احد .. ذهبت لفراشها وامسكت هاتفها لتغوص فى عالم الانترنت الذى اصبح هو الملجأ الوحيد لها الان رغم تذمر والدتها لعدم تركها الهاتف واتهامها بالإهمال الدائم وعدم التركيز وغيرها من الصفات التى اعتادت على سماعها فتحت حسابها على الفيس بوك ليأتى صوت والدتها من الخارج ...
الام (رجاء) .. انتى ياللى ما تتسمى قومى قامت قيامتك
تقى .. نعم ي ماما
رجاء .. انتى ايه اللى مصحيكى لحد دلوقتى اكيد بتكلمى شويه الصايعين اللى زيك
تقى.. مبكلمش حد ي ماما انا هدخل انام عاوزه حاجه
رجاء .. هعوز ايه من خلقتك يعنى
تقى .. طب ناديتى عليا لي ؟
رجاء .. ماهو انتى لو واحده عدله ومش ماشيه نايمه على نفسك مكنتيش سيبتى الكوبيات بتاع الشاى مرميه ف الحوض كده ودخلتى اتلطعتى
تقى .. معلش ي ماما هدخل اعملهم اهو
رجاء .. مانتى بارده مبتحسيش وكلامى مش فارق معاكى ولا عامله اعتبار لحد روحى اغسليهم كتك البلا
تقى .. حاضر
"دخلت وغسلت الاكواب ودخلت غرفتها ونامت "
*تقى فتاه ف ال18 من عمرها انهت رحله الثانويه العامة هذا العام بمجموع لم يرضى اهلها لعدم وصولها لإحدى كليات القمه التى يريد الجميع دخولها واصبحت هى هدف جميع الطلاب والاهالى وعدم دخولها اصبح وكأنه عار او جريمه اوتكبها الطالب فى حق اهله ونفسه ..*
.. فى صباح اليوم التالى ..
رجاء .. انتى ي ختى قومى علشان رايحين عند خالتك
تقى .. وهنروح لي
رجاء .. نبارك لنيفين اللى معرفتيش تبقى ربعها اهى دخلت كليه طب اسنان وانتى قاعده زى قرد قطع مفيش منك منفعه
تقى .. اه هنرجع لنفس الموال من اول وجديد
رجاء .. مانتى معندكيش دم واحده غيرك كان زمانها (قاطعتها تقى بصريخ )
تقى .. كان زمانها اى مموته نفسها ولا مرميه ف مستشفى ولا ف حاله اكتئاب ومش بتاكل ولا بتشرب ولا مش بتتكلم مع حد ولا هتنتحر مثلا اللى حصل حصل ومعدش ف ايدى حاجه اعملها وانتو محدش فيكو سايبنى ف حالى كل همكو دى جابت طب ودى هندسه وده علوم ودى صيدله ودى وده ودى ودى .. ومش هاممكو بنتكو ولا نفسيتها ولا هى بتعانى ايه كل اللى هاممكو انى مجبتش زيهم وانهم بكده احسن منى وكأنى بسبب سنه معدتش بنتكو اللى بتتمنوها محسسنى انى مجرمه ف حاجه مينفعش تتغفر ذنب كبييييير لدرجه انكم مستحيل تسامحونى عليه بتعاملونى وكأنى عاله عليكو وجودى بق تقيل على قلبكو ومحدش فيكو طايق يبص ف وشى وكأنى شئ مقرف قدامكو كأنى مش بنتكو بتحسبونى على امتحانات ودرجات ومحدش بص على المجهود اللى كنت بعمله
رجاء.. مجهود اى يا ام مجهود هو فين المجهود ده ياختى لو كنتى بتعملى مجهود زى ما بتقولى كان زمانك جبتى كليه عليها القيمه بدل ما انتى هتترمى فى اى كليه لا وكمان ليكى عين تتكلمى وتزعقى وتعلى صوتك منا اصلى معرفتش اربى بس على اى انا هعرفك المعامله هيبقى شكلها اى من هنا ورايح قومى البسى علشان نروح عند خالتك وحسابك معايا بعدين
"ضحكت تقى بمراره ولم ترد لأنها تعرف انها مهما حاولت التبرير فلن تستطيع ان تنال ولو درجه بسيطه من استعطاف والدتها ففضلت الصمت "
خرجت والدتها من الغرفه وتركتها لتغير ملابسها ولكن ما إن خرجت حتى بدأت تقى فى البكاء بمراره على حالتها ووحدتها فلا يوجد احد يساندها او بجانبها ليهون عليها ما هى فيه فالجميع ضدها فى كل شئ
فى صاله البيت حيث يجلس والد تقى (محمد)
رجاء .. بنتك دى بقت بجحه وبترد الكلمه بعشره
محمد .. عملت اى
رجاء .. كل م اقولها كلمه ترد عليا بمحاضره
محمد.. تلاقيكى سميتى بدنها بكلمتين من بتوعك
رجاء.. انت بتغلطنى بدل م تربى بنتك وتعلمها ترد على امها ازاى
محمد .. البت اصلا فيها اللى مكفيها متجيش عليها زياده
رجاء .. اهو انت اللى مبوظها بسبب كلامك ده
محمد .. يعنى اعمل اى اروح اجيبها من شعرها واعدمها العافيه علشان ترتاحى
رجاء .. لا ي خويا خليك بتطبطب عليها علشان تفرغ عينها
محمد .. انتى عاوزه اى دلوقتى يا رجاء
رجاء .. عاوزاك توافق ع العريس اللى جيلها
محمد .. عريس اى وزفت اى البت لسه مخلصه ال18 بقالها اقل من شهرين
رجاء .. ماهى خلاص هتدخل كليه وتطلع منها زى اللى واخده دبلوم يبقى ملهاش غير كده
محمد .. ما تقولى روح ادفنها بالحيا بالمره انتى محسسانى انها مش بنتك
رجاء .. لى ي خويا بعمل فيها اى واحده غيرى بعد النتيجه دى كانت عدمتها العافيه
محمد ... مانتى عدمتيها العافيه فعلا
رجاء .. هو فين ده ان شاء الله محمد.. والقلم اللى ضربتيهولها ساعه النتيجه ده اى
رجاء.. وهو علشان قلم ابقى عدمتها العافيه دى كان حقها يتولع فيها مش تضرب بالقلم بس
محمد.. انتى هتفضلى كده لحد امتا
رجاء.. اسكت انت
محمد .. منا ساكت فعلا بس مش عارف هفضل ساكت لحد امتا
رجاء .. تقصد اى
محمد .. مقصدش
"فى تلك اللحظه خرجت تقى .....
*هكمل بعدين علشان عينى وجعتنى😂🤝🏻 عارفه ان اولها مكتئب حبتين بس لسه ف الاول ان شاء الله اما اكملها تعجبكم .. محتاجه رأيكو 🌚💙*
