فى صباح اليوم التالى....""
امنيه ... اسماء اسمااااااااء
اسماء ... ايييه اييه فى حد يصحى حد كده ي زفته انتى
امنيه. .. قومى اخلصى
اسماء ... عاوزه اى
امنيه ... قومى احكيلى ايه جاب سيره نفين ف موضوع الزفت اللى اسمه مصطفى ده
اسماء ... ي صباح العكننه حلى عنى
امنيه ... قومى كده
اسماء. .. سيبينى ي امنيه
امنيه ... مش سيباكى قومى احكيلى
اسماء قامت .... عاوزه تعرفى ايه ي امنيه
امنيه ... اى علاقه نفين بالموضوع بتاع مصطفى
اسماء ... مصطفى سابنى علشان نفين
امنيه ... ازاى يعنى؟
اسماء.... يعنى مصطفى بيحبها
امنيه ... وانتى عرفتى منين
اسماء .... كان دايما بيتكلم عنها وبيحكيلى عن ذكرياتهم سوا وانه كان بيحبها وانا كنت باخد ده عادى لانى كنت بحسبه بيتكلم عنها كذكرى مش واقع
امنيه ... واى اللى عرفك انه سابك علشانها
اسماء .... يومها بليل بعتلى الرساله دى
أخذت امنيه الهاتف من اسماء
"انا مكنتش عاوز نهايه علاقتنا تبقى بالشكل ده بس انا جيت على الانسانه اللى حبيتها بسببك ظلمتها اوى ويمكن ماتسامحنيش .. انا اسف بس انا مش هظلمها معايا اكتر من كده ... ياريت تقدرى موقفى .. سلام"
امنيه ... بس هو مجابش سيره نفين
اسماء .... بس هو كان قالى انه بيحبها
امنيه. .. اى ان كان متظلميهاش هى ملهاش ذنب
اسماء .... انا عارفه انه مش ذنبها بس برضو مش ذنبى
امنيه ... اسماء انتى لازم تبقى اقوى من كده هو ميستاهلش دمعه واحده من عنيكى
اسماء ... انا بعيط على غبائى
امنيه ... انتى مش غبيه كلنا بنختار غلط احيانا بس الغلط الاكبر اننا نفضل نعاقب نفسنا على الغلط ده ومنحاولش نتخطاه ونتعلم منه
اسماء ... مش كل من اتجرح من الحب بيقدر يتداوى
امنيه ... مش لازم كل اللى ملوش دوا ضعف ممكن يبقى قوه وهو ده اللى بيفرق شخص عن التانى
اسماء.... مش عارفه هقدر اتخطى حبى ليه ولا لا من ساعه ماشوفته امبارح وانا مش على بعضى كل مره بشوفه فيها بحسها انها اول مره حتى بعد ما جرحنى مش عارفه اكرهه امبارح كل ما ابص لواحده والاقيها بتبصله كنت عاوزه اروح افقع عنيها واقولها ده ليا انا رغم انى عارفه انه مش ليا ومش هيكون
