فى بيت تقى """
رجاء .. تقى خلصتى الانتريه ولا لسه
تقى .. خلصت اهو
رجاء .. طب روحى البسى علشان خالك وخالتك زمانهم على وصول
"بعد فتره حضرت عائله مجدى وعائله نوال"
مجدى .. اللمه دى وحشانى اوى
نوال .. ايوه والله
رجاء .. وادينا رجعنا اتلمينا تانى والله زمان "ثم وجهت حديثها لتقى" قومى ي تقى هاتى العصير والمكسرات من جوه
تقى.. حاضر
نفين .. استنى يا تقى هاجى معاكى
"ذهبت الفتاتان الى المطبخ"
نفين .. تقى انا اسفه
تقى ... على اي
نفين .. على غبائى وتصرفاتى الغلط وانى حملتك ذنب مش ذنبك
تقى ... متعتذريش يا نفين انا عذراكى بس افهم ايه اللى خلاكى تغيرى رايك وترجعى ف كلامك تانى
نفين .. عرفت الحقيقه
تقى.. ازاى؟!
نفين .. مصطفى حكالى
تقى... قالك ايه
نفين ... !!!!!!!!
"فلاش باك"
"قبل خطوبه مروان بيومين "
مصطفى ... نفين ..
نفين بضيق ... عاوز اي
مصطفى .. عاوز اتكلم معاكى
نفين .. مفيش بينا كلام
مصطفى .. لا فى وهتسمعينى للاخر
نفين ذاهبة... كلم نفسك بقا
اعترض مصطفى طريقها .. لا هتسمعى
نفين ... مش عاوزه اسمعك هى عافيه
مصطفى ... اسمعينى ولو هتكون اخر مره اكلمك فيها
نفين .. اتفضل خلصنى
مصطفى .. نفين تقى ملهاش ذنب ف انى سبتك والحكايه القديمه دى انا اللى الفتها هى عمرها ما حبتنى ولا فكرت فيا كده حتى وانا بعترف انى مكنتش بحبها بس كنت عاوز ابعدك عن طريقى عاوز اخليكى تبطلى تحبينى وملقتش طريقه غير انى ادخل تقى انا غلطت يا نفين وبتعاقب على غلطى ده من يوم ما سبتك كنت غبى واختارت غلط وحبيت واحده قذره ميهمهاش غير الفلوس والمظاهر وخسرتك وخسرت نفسى بعدك سامحيني يا نفين كنت غبى
نفين والدموع تترقرق فى عينيها... اسامحك !!! طب ليه ليه عملت كده دنا حبيتك بلاش دى ليه تخلينى أخسر اقرب واحده ليا لييييييه عملت فيك ايه علشان تأذينى كده منك لله يا مصطفى منك لله
"ثم تركته وذهبت"
.""باااك""
"قصت نفين لتقى ماحدث "
تقى ... اييه انا دماغى مش مستوعبه الموضوع طب ليه واشمعنا يدخلنى انا
نفين .. انا وانتى كنا ضحايا ف الموضوع ده سامحينى ي تقى ادينى فرصه تانيه اننا نرجع زى ما كنا
تقى .. انتى عمر مكانتك ما نزلت بالنسبه ليا ولا حد قدر ياخد مكانك ي نفين انتى لسه زى مانتى ف قلبى مفيش ظروف ولا مشاكل تغير مكانتك جوايا
"ضمت نفين تقى وظلت تبكى "
"جاء صوت رجاء من الخارج "
رجاء ... ايه يا بنات التاخير ده كله
تقى وهى تمسح دموعها... جايين اهو ي ماما
ثم وجهت حديثها لنفين ... يلا علشان ماما هتاكولنا
ضحكت نفين .. ايوه صحيح يلا
