ف الجامعه..""
تقى ... ممكن بقا تفهمينى اللى حصل ده تفسيره اى
امنيه .... اى اللى حصل ؟
تقى بعصبيه... امنيااااه
امنيه ... خلاص خلاص
.. بصى هو انا فعلا غلطانه انى معرفتكيش قبل كده ان طارق ابن خالتى بس والله مش بايدى هو اللى قالى مقولكيش
تقى... يعنى انتى عارفه انه هييجلى الكليه
امنيه ... لا والله ابدا انا مجاش فى بالى اصلا ان طارق اللى بتتكلمى عنه يبقى طارق ابن خالتى اصلا انا اتصدمت لما شفته
تقى... طب ازاى معرفتيهوش لما كلمنى
امنيه ... انتى اللى ملاحظتيش صدمتى لما شفته وانا اما جيت اتكلم شاورلى انى اسكت فاسكت
تقى.... طب ليه مقولتليش بعدها
امنيه ... والله كنت هحكيلك بس يومها اما روحت اتصلت بيه وقالى معرفكيش اى حاجه قبل ما ييج.. "تلعثمت امنيه"
تقى... قبل ما ايه
امنيه ... قالى مقولكيش علشاان ...علشان متتحرجيش تتكلمى عنه ادامى
تقى... وده من اى ده ان شاء الله
امنيه. .. معرفش بقا هو قالى كده
تقى... بس ده ميمنعش انك غلطانه وانى لسه زعلانه ازاى تخبى عنى ده كله واعرف بالصدفه ده لولا الناس يوم الحنه كنت ولعت فيكى
امنيه .... قلبك ابيض بقا يا ستى
تقى ... ولا ابيض ولا بمبى واوعى من وشى بقا
امنيه ... لا ي عم مقدرش على زعلك
تقى .... اوعى ي امنيه
امنيه ... والله هو اللى قالى
تقى ... وانتى عيله صغيره علشان تمشى ورا كلامه
امنيه .... ي تقى خلاص والله العظيم اخر مره مش هتتكرر تانى والله خلاص معدتش هخبى حاجه
تقى... ماشى يا أمنيه اما اشوف اخرتها معاكى
امنيه ... اخرتها فل يا ست الكل
تقى ... استر يارب
"عند نفين"
... دكتوره نفين
التفتت نفين... نعم
... احم كنت عاوز اتكلم مع حضرتك
نفين بتلعثم... احم دكتور خالد
خالد ... ازيك يا دكتوره
نفين ... الحمد لله فى حاجه يا دكتور
خالد ... طب تعالى نقعد علشان نعرف نتكلم
نفين ... ليه يا دكتور فى حاجه
خالد ... انا عرفت انك هتيجى ف دوره الاسعافات الاوليه اللى الكليه محضراها
