بعد اسبوعين ...*
فى بيت اسماء ....""
نجلاء... يا حبيبتى مصطفى قاعد بره اطلعي كلميه
اسماء... هو عافيه مش عاوزه اتكلم
نجلاء... لا مش عافيه ي حبيبتى انا بس بطلب منك تطلعى تكلميه
اسماء... يارب بقا
"فى الخارج"
امنيه بقلق ... مصطفى هو انت بجد هتغصبها على جوازها منك
مصطفى... طبعا لا انا هسيبها لحد ما توافق بس ده مش معناه انى هسبها لغيرى
امنيه.... وافرض رفضت
مصطفى... هفضل وراها لحد ما توافق هو انا ورايا حاجه
امنيه ........
مصطفى... سكتى ليه خايفه اجرحها تانى صح؟!
على العموم هجاوبك حتى لو مسالتيش ..
بصى يا أمنيه مش هنكر انى فى الاول كنت واخد موضوعى انا واسماء عادى منكرش اعجابى بيها وبشخصيتها بس انا كنت طايش وشويه شويه لقيتنى بتعلق بيها وقلبى بيدق بطريقه اول مره تحصلى كنت بقول لنفسى انى حبيتها وبعدين بعاند واقول لا كنت خايف اجرب الحب انجرح وغصب عنى جرحتها هى بس مكنتش عارف انها هتاخد روحى معاها لما سيبتها يوم ما سيبتها وروحت دماغى كانت بتلف ومش مركز ولما روحت الصيدليه وملقتهاش حسيت انى روحى مش موجوده ومش قادر اتنفس فجأه لقيت نفسى بدور عليها فى كل الوشوش ومش لاقيها لحد ما جه يوم فرح عماد وشوفتها كنت زى اللى ردت فيه الروح بعد ماكان محبوس فى مكان مفيهوش هوا وخرج منه مقدرتش اشيل عينى من عليها كان هاين عليا اخدها فى حضنى بس مش قادر اتحرك
اسماء.... حضنك قطر
امنيه .... ي شيخه اتهدى بقا ده الواد ناقص يطلع قلوب من عينه
اسماء.... امنيه معلش سيبينا لوحدنا
امنيه...افندم
اسماء... اطلعى ي امنيه
"بعد خروج امنيه"
اسماء... ممكن اعرف انت عاوز ايه
مصطفى... اظن انتى عارفه كويس انا عاوز ايه
اسماء.... وانا قلت مش موافقه
مصطفى وهو بيحاول يتحكم فى غضبه.... ادينى سبب لرفضك ده
اسماء بعصبيه .... انت شايف ان مفيش سبب ايييه نسيت اللى انت عملته نسيت جرحك لكرامتى وانت بتقولى انا مش هينفع اكمل معاكى وبحب غيرك نسيت كسره قلبى وتقولى مفيش سبب
مصطفى....كنت غبى ومفكرتش بعتذرلك بقالى سنتين انتى ايه قلبك حجر
اسماء بعصبيه اكبر.... قلبى انا اللى حجر قلبى ده لو كان حجر مكنش حبك يا غبى لو كان حجر مكنش فضل لحد دلوقتى معرفش يحب غيرك حبيتك يا غبى
