..اول يوم جامعه ""
نفين... اخلصى ي تقى مروان هيولع فينا
تقى... خلاص هاتى الشنطه على ماعدل الطرحه
نفين ... جبتها
تقى ... طيب خلصت شكلى حلو؟!
نفين ... اه يلا بق
تقى... يلا
"اسفل بيت تقى"
مروان... ده كله تأخير
نفين ... هى اللى اخرتنا
تقى ... خلاص بق ي عم قلبك ابيض
مروان... ي بنتى اعدلى لسانك محسسانى انك واحد صاحبى
تقى .. يعم انت تطول
مروان... نعم ي تقى بتقولى ايه
تقى .. لا بقول يلا اتأخرنا
مروان ... يلا ي ختى
"وصلت الفتاتان للجامعه"
تقى .. ده مبنى تربيه انا هدخل بق
مروان ... فى رعايه الله خلى بالك من نفسك
تقى ... انت بتودعنى ي بنى سلام
مروان ... يلا نفين اما اوديكى المبنى بتاعك بدل م اخدها قلمين
نفين بضحك... يلا . باى ي توتو
تقى .. بااى
"عند تقى"
تقى بصوت مسموع ... ي ختااى هى مصر كلها ف تربيه ولا اى طب انا هفضل ماشيه زى الهطله كده
"ليأتى صوت من خلفها"
... بس بس انتى ي ستى ياللى بتكلمى نفسك
تقى .. افندم
... وقعتى نظارتك
تقى ... شكرا يا... اسمك ايه
... انا ي ستى اسمى امنيه وانتى؟!
تقى ... انا تقى ..هو انا كنت بتكلم بصوت عالى
امنيه بضحك ... ياااه ده الجامعه كلها سمعتك
تقى... يادى الفضايح
امنيه ... بتكلمى نفسك ليه طيب
تقى ... مش عارفه حاجه ف المكان ده ودايخه كده ومش عارفه اعمل ايه
امنيه ... ايه ده حبيبى يعنى مش انا لوحدى اللى تايهه هنا
تقى ... ايه ده انتى ف سنه اولى
امنيه .. اه
تقى ... طب وهنعمل اى
امنيه .... بصى احنا نغوص وسط الناس دى وان طلعنا احياء يبقى خير وبركه موتنا يبقى الاعمار بيد الله
"وامسكت بيد تقى وكادت ان تذهب ولكن تقى اوقفتها"
تقى .. استنى ي هبله انتى انتى قسم ايه
امنيه ... احياء
تقى .. طب انا قسم انجليزى يعنى مش نفس المحاضرات
امنيه ... ايوه صحيح بس مش مهم هندور سوا تعالى ي ستى انا مصدقت لقيت حد اتكلم معاه
تقى بضحك .. اول مره الاقى حد اهبل منى
امنيه بكبرياء ... ي بنتى الهبل ده موهبه
تقى ... طب يلا ي اختى والله شكلنا هنرجع زى مادخلنا
امنيه .... وهو كذلك
"ذهبت الفتاتان وقد وجدو جدول المحاضرات "
تقى .. ي نهار اسود اى ده كله ده مبيبقوش كده ف طابور العيش
امنيه ... يلا نغطس
تقى .. ايييه
امنيه ... هنغطس وسطهم
تقى... لا استنى لما يخلصو
امنيه... يلا ي اختى دحنا كده هنفضل للعشاء
تقى ... استعنى ع الشقا بالله امنيه ... اتشاهدى ع روحك
"وبعد معاناه احضرو جدول محضراتهم"
تقى ... ي ساتر ايه ده
امنيه ... تتار ي اوختى تتار
تقى بضحك... ى بنتى انا حبيتك من غير ماعرف عنك حاجه غير اسمك
امنيه وهى تعدل ياقه قميصها ... انا اتحب اصلا
تقى .. لا متواضعه
امنيه .. جداااا
تقى ... انتى اول محاضره عندك امتا
امنيه ... 9 .. وانتى
تقى ... 9 برضو
امنيه .. طيب فاضل ساعه تعالى نقعد ف الكفاتيريا ونتعرف ع بعض
تقى .. قشطه
