يوم تخرج عمر ونفين..**
"مر كل شئ بسلام الى ان ...""
!!!.... الف مبروك يا بنى
"نظر الجميع باتجاه الصوت ..."
عمر.... بابا !!!!
رأفت.....ايوه يا عمر ابوك
عمر بسخريه.... اذيك يا رأفت بيه اى اللى فكرك بينا دلوقتى
رأفت.... ممكن نقعد نتكلم لوحدنا
عمر... مفيش كلام بينا
رأفت... اسمعنى ولو لمره واحده
عمر بغضب.... وانت مسمعتنيش ليه مسمعتش ضعفى وانا صغير ومليش اب وكل اما حد يضربنى ملقيش حد يدافع عنى ملاقيش ضهر اتسند عليه مسمعتش صحابى وهما بيعايرونى ان محدش ييجى معايا اى حفله لما اكون طالع الاول مسمعتش ليه لما جالى توحد بسبب عمايلكم وربنا نجانى وشفانى مسمعتش ليه لما انحرفت عن طريق الخير وبقيت شاب طايش ممكن يودى نفسه ف داهيه وهو مش لاقى اللى يدله على الطريق الصح مسمعتش ليه لما جيت اخطب وانا رايح من غير اهلى رغم انهم عايشين مسمعتش ليه وانا يوم خطوبتى وكتب كتابى مكنش معايا اهل زى اى عريس وجاى بعد كل ده تقولى اسمع
رأفت بدموع.... عارف انى غلطان بس اسمعنى دنا ابوك
عمر ..... متقولش ابويا انا ابويا مات من يوم اللى اتخلى عنى فيه وسابنى مرمى زى الكلاب ملكش حق ابوه عندى ومش عاوز اشوفك تانى
رأفت.... سامحنى يابنى
عمر.... اللى بيسامح ربنا
رافت..... اعتبرها اخر مره هتشوفنى فيها بس اسمعنى اسمعنى لاخر مره متظلمنيش
ذهبت نفين لعمر..""
نفين وهى تضع يدها على كتفه.... عمر اسمعه المره دى علشان خاطرى مهما حصل ابوك علشان خاطرى يا عمر اتكلم معاه المره دى
عمر بضعف.... مش قادر يا نفين مش قادر كل اما ابصله بفتكره وهو بيرمينى المشهد بيتعاد قدامى
نفين.... لازم تواجه علشان تقدر تكمل حياتك اسمعه المره دى واعتبرها فرصه تطلع اللى ف قلبك
حسن من خلفهم..... روح لابوك يا عمر واتكلم معاه
عمر باستسلام..... حاضر
""فى احد المطاعم ""
رأفت.... تشرب ايه يا بنى
عمر.... متقولش يا بنى وقول اللى عندك ومتفكرش انى جيت علشانك لأ انا جيت علشان خاطر جدو ونفين مش اكتر
رأفت بضعف.... كتر خيرك يابنى
"لاول مره يشعر عمر بضعف والده ولوهله كاد ان يتحدث بلين ولكنه وللأسف تراجع"
عمر.... ممكن اعرف ايه اللى جابك بعد كل السنين دى
رأفت.... بص يا بنى انا معدش فى عمرى اد اللى راح ومش هفضل مخبى عليك اكتر من كده كفايه الكره اللى انا شايفه فى عينك وانا والله كان غصب عنى كله كان من امك
