بعد يومين""
عبر الهاتف...
عماد ... ايوه ي سيدى اخبارك
مروان .. الحمد لله وانتو
عماد .. بخير الحمد لله ، كنت عاوز اقولك حاجه
مروان ... اى وافقتو صح
عماد... انت مالك متأكده كده لى
مروان .. ي بنى انا لقطه ومتعوضش
عماد .. لا والله طب اى رأيك بقا...
مروان ... بااااس قبل م تكمل يسطا بهزر والله براحه
عماد .. ماشى ي خويا قول بق لبباك ومامتك اننا موافقين وهشوف العروسه فاضيه امتا علشان نقرا الفاتحه
مروان بفرحه .. ي احلى خبر ف عمرااااى
عماد بضحك ... واقع واقع يعنى
مروان .. اوى يلا سلام يا ابو نسب اما اقول للحاج والحاجه علشان افرحه
عماد .. ابو نسب كده من اولها مروان ... ايوه طبعا ي عمى 😊
عماد ... مااشى لما اشوفك بس سلام
"أخبر مروان عائلته وقد فرحو كثيرا بالخبر "
"فى بيت تقى "
محمد .. انا هروح بكره اقدم ورقك ف الجامعه
تقى .. تمام
محمد ... انتى لسه مصممه على اداب ي بنتى
تقى ... لا ي بابا انا اقتنعت بتربيه واهو ع الاقل اوفر وقت الدبلومه التربويه دى لحاجه تانيه
محمد ... ربنا معاكى ي حبيبتى
تقى ... ربنا يديمك ليا ي بابا
محمد .. ويديمك ي بنتى
"فى تلك اللحظه اتت رجاء"
رجاء .. انا رايحه عند نوال
محمد ... خيرر ف حاجه
رجاء ... هنزل انا وهى نشترى عبايات للخطوبه بتاعه مروان مانت عارف انها بعد 4 ايام
محمد ... ربنا يتمم على خيرر
رجاء .. وانتى ي ختى مش هتشترى حاجه الخطوبه
تقى ... عندى
رجاء .. طيب ي ختى انا ماشيه ابقى حطى الاكل واغسلى الاطباق
تقى ... حاضر
"فى بيت نوال"
نوال ... اى ي نفين خلصى خالتك على وصول مش عاوزين نتأخر
نفين وهى ترتدى حذائها... خلصت اهو
نوال ... يلا هى قالتلى انها هتقابلنى على اول الشارع
نفين ... يلااا
"ذهبت نوال ورجاء ونفين وانتقت كل من نوال ورجاء عبايه سواداء بسيطه اما نفين فاشترت فستان رقيق باللون السماوى "
نوال .. يلا نروح بق احنا جبنا كل حاجه وفكرينى ي رجاء لما نوصل اتصل على اخوكى مجدى اقولك على الخطوبه علشان نسيت اتصل بيه امبارح
رجاء .. ايوه يلا
بعد ان وصلو المنزل....
رجاء ... اتصلى على مجدى بق ي نوال
نوال ... هقوم اتصل بيه
عبر الهاتف
نوال .. ازيك ي مجدى
مجدى.... انا الحمد لله وانتى عامله اى والبشمندس والدكتوره عاملين اى
نوال ... بخير الحمد لله واهو البشمهندس قرر يفرحنا بيه ويخطب
مجدى ... بجد الف مليون مبروك ربنا يتمم على خير يارب
نوال .... لا المباركه م ع التليفون انتو هتيجو ومتقوليش الطريق وما الطريق
مجدى ... لا طبعا هنيجى دى فرحه البشمهندس
نوال .. هستناكو فى رعايه الله
"بعد ان اعلقت نوال الهاتف "
رجاء .. مسلمتليش عليه لى ي نوال
نوال ... نسيت والله معلش
رجاء .. هييجو ولا لا
نوال .. هيجو طبعا
رجاء ... الحمد لله . انا هقوم اروح بق ي حبيبتى
نوال ... لى بس ده المغرب لسه مدنش
رجاء ... يلا بق وبعدين مش انتو رايحين تقرو الفاتحه
نوال ... واى يعنى ما تيجى معانا
رجاء .. لا ي حبيبتى روحو انتو وانا هاجى يوم الخطوبه واشوفهم
نوال .. ماشى ي حبيبتى مع السلامه
"ذهبت عائله مروان الى عائله رقيه وتمت قراءه الفاتحه وتحديد معاد الخطوبه "
بعد يومان فى منزل نوال كان مجدى اخو رجاء ونوال قد اتى هو وزوجه وابنه مصطفى وجائت رجاء وتقى ومحمد وتجمعت جميع العائله "
مجدى ... وحشتونى والله ووحشتنى قعدتكو دى متلميناش على بعض من زمان
نوال .. والله انت اللى واحشنا ي غالى
"وظلو يتحدثون بينما كان هناك حديث بالأعين بين نفين وتقى ومصطفى لا يفهم مجراه غيرهم"
*فلاش باك*
مصطفى ... تقى والله انا بحبك ومقدرش اعيش من غيرك انا مستنى بس لما تخلصى ثانويه علشان اتقدملك
تقى ... اى الهبل اللى انت بتقوله ده ي مصطفى انت زى اخويا وبعدين هو مش المفروض انك بتحب نفين
مصطفى .... لا ي تقى انا بحبك انتى
تقى ... بس انا مبحبكش ي مصطفى والمعروف ان انت ونفين بتحبو بعض وانا مستحيل افكر فيك اصلا
مصطفى .... يعنى ده كله علشان نفين
تقى ... ايوه علشان نفين دى مش بنت خالتى بس دى اختى وصاحبتى وكل حاجه وكونى انى سكتالك فده علشان خاطر خالو مجدى غير كده كان هيبقى ليا اصرف تانى معاك بس انا مش هسيب نفين على عماها وهعرفها حقيقتك
مصطفى .... بق كده ماشى
"رحلت تقى واخبرت نفين بما حدث "
فذهبت نفين لمصطفى
نفين .... انت واحد واطى وزباله
مصطفى بتمثيل .. فى اى ي نفين اهدى مالك
نفين .. بق بتضحك عليا وتقولى بحبك وهتقدملك وبعدها تروح تقول لتقى انك بتحبها ى واطى
مصطفى .. انا محصلش دى هى اللى جات وقالت انها بتحبنى وعاوزانى اسيبك وكانت عاوزه توقع بينا واديكى اهو خدتى الطعم بس انا اللى غلطان كنت فكرك بتثقى فيا
نفين ... انت كداب تقى مستحيل تعمل كده
مصطفى .. انا كداب ماشى ي نفين من اليوم وارايح انتى بنت عمتى وبس
"وتركها ورحل "
"بعدها ذهبت نفين وانبت تقى وكذبت كلامها وجعلتها سبب انفصالها عن مصطفى ومن يومها وعلاقه تقى ونفين متوتره بعد ان كانت كل منهم بالنسبه للاخرى اكثر من اخت "
*مجدى.. خال تقى ونفين يعيش فى محافظه بعيده عنهم وقليل الزياره لهم*
*مصطفى.. ابن خال نفين وتقى .. شاب ف 24 من عمره تخرج من كليه الصيدله ويستغل وسامته فى جذب الفتيات حوله فهو طويل القامه ذو بشره قمحيه وعيون حاده وشعر كثيف وذقنه خفيفه مما يجعل الفتيات يتهافتون عليه وهذا يجعله شديد الغرور*
*مش هقدر اكتب اكتر من كده النهارده عيونى بتقفل لوحدها والله*😂🤷🏻♀
*رايكو*🌚🤝🏻
