"يوم حنه عماد وفاطمه "
"فى بيت عماد"
رقيه ... ي اميي فين الخمار الجديد اللى انا هلبسه النهارده
سعاد ... مش عارفه يا رقيه انتى اللى عيناه امبارح
رقيه ... ياربييي يا امى تعالى الله يرضى عنك دورى معايا عاوزه اروح لفاطمه اتاخرت
سعاد ... ماتشوفيه ف الدولاب ي رقيه
رقيه ... مش لاقيه حاجه
"دخلت سعاد عليها "
سعاد ... هو انتى متعرفيش تلاقى حاجه لوحدك ابدا
رقيه ... دورت عليه ف كل حته ومش لاقياه والله
سعاد ... طب اوعى كده ي ختى
"ظلت سعاد تبحث ف الغرفه "
سعاد... وانتى هتلاقيه ازاى وهو مدفوس الدفسه دى
رقيه... ي نهار ابيض اى اللى وقعه هنا ده
"كان بين الكومود والتسريحه"😂
سعاد ... امسكى ي اخره صبرى واخلصى غيرى وخدى الهدوم وامشى
عماد من الخارج... رقيااااه
رقيه ... ايوه ي عماد
عماد ... اتصلى على الزفت خطيبك وشوفى اتاخر عليا ليه
رقيه ... حاضر بس متقولش عليه زفت
عماد..... اخلصى بدل ما اولع فيكى وفيه
"ارتدت رقيه ملابسها واستعدت للذهاب لفاطمه "
رقيه ... ماما انا ماشيه
عماد ... اتصلتى على مروان
رقيه ... ياربى!!! نسيت هتصل حالا
عماد ... انا هلاقيها منك ولا منه يعنى اتصلى يا اختى
اتصلت رقيه بمروان ولكن اضطرت للخروج امام المنزل لعدم وجود شبكه ..""
رقيه ... يووه وده كمان مش بيرد ليه
ليأتى صوت مروان من خلفها ....""
مروان ... رخم بقا هنعمله اى
"فزعت رقيه وكادت تسقط لولا ان يده اسندتها "
مروان وهو ممسك بيد رقيه ... اى ي بنتى الخضه دى انتى شوفتى عفريت
رقيه بارتباك... ها لا اصل
مروان ... خلاص يا رقيه اهدى ..مالك
رقيه وقد ادركت انه ممسك بيدها .... يا نهارك اسود ومنيل
مروان ... فى اييه
رقيه وهى تسحب يدها ... انت ..! انت ازاى تمسك ايدى
مروان ... والله ما اقصد انتى كنتى هتقعى فمسكتك والله
رقيه ... تقوم تمسك ايدى
مروان.... امال هسندك من على الهوا يا رقيه فى ايه
رقيه ... ايه البجاحه دى
