لأنكِ قدري

الفصل الاول

بعدك على بالي يا قمر الحلوين...
يا زهرة بتشرين.. يا دهبي الغالي
بعدك على بالي.. يا حلو يا مغرور
يا حبق و منتور على سطح العالي..
مرق الصيف بمواعيدو و الهوى لملم عناقيدو..
و ما عرفنا خبر عنك يا قمر و لا حدا لوحلنا بإيدو.....

كانت هذه كلمات فيروز تصدح من المذياع لتدندن معها وتطل شارده من نافذتها  علي المطر الذي توقف لتوه ،قاطع غنائها نبره مرحه قائله :ياسيدي ياسيدي عالروقان سرحان وبتفكر في مين كده ياجميل، ملأت الابتسامه وجه وتين لتقول وهيا تستدير بجسدها :الناس بتقول صباح الخير الاول ..وبعدين صحيه بدري لاول مره لوحدك من غير ما اصحيكي اكيد في حاجه غلط ، رفعت ملك كتفيها وهيا تقول : مفيش حاجه غلط انا اصلا مش رايحه الجامعه النهارده بس صحيت اطمن عليكي عارفه انك لما بتكوني قلقانه من حاجه مبتنميش كويس ،وضعت يديها علي كتف وتين مستكمله بتساؤل : انتي كويسه مش كده ، اومأت وتين براسها قائله بنصف ابتسامه : انا كويسه متقلقيش ، بينما هيا وفي الواقع لم تستطع النوم جيدا لكثره قلقها وتفكيرها في عدم قبولها في تلك الشركه التي تعد طوق النجاه لهم و التي اكدت صديقه ملك لها انها من افضل الشركات ولهذا من الصعب القبول بها .. ذهبت وتين لتعد لهما طعام الافطار ببال منشغل اتت اليها ملك لتساعدها وهيا تبتسم لها محاوله بعث الطمأنينه داخلها ، جلسآ يتناولان طعام الافطار بصمت قطعته وتين بقولها وهيا تضع الطعام في فمها : بتقولي مش رايحه الجامعه النهارده ليه حصل حاجه ، اجابتها ملك وهيا تحتسي رشفه من كوب الشاي الخاص بها مطمأنه اياها :مفيش محاضرات مهمه النهارده فا قولت استغل الوقت في المذاكره بما ان الامتحانات قربت، كانت وتين علي وشك التحدث ليقاطعها صوت جرس المنزل ، عقدت وتين حاجبيها وبتساؤل قالت : مين الي جاي في المعاد ده... نهضت عن كرسيها لتوقفها ملك بسرعه قائله : خليكي انتي كملي فطارك وانا هفتح ، نهضت ملك لتفتح الباب وهيا تبتسم لانها تعرف هويه الطارق ، فتحت الباب وبهمس كانت تتحدث قائله : جيتي في المعاد بالظبط ، لتشير الاخري الي نفسها بتفاخر قائله بنفس الهمس : عيب عليكي يابنتي مبقاش نور، شعرت وتين بالقلق لتاخر ملك لتنهض وتري ماذا يحدث لتتفاجئ بوجود نور صديقتها امامها ..احتضنها وتين قائله بسعاده : وحشتيني يابت يانور رجعتي من السفر امتي اردفت بعتاب مكلمتنيش ليه تطمنيني عليكي، اجابتها نور وهيا تبتعد عنها قائله : انا وبابي لسه جايين من السفر امبارح بالليل وقولت اجي عشان اطمن عليكي لتكمل بعتاب علي فكره انا زعلانه منك علشان محكتليش علي اي حاجه حصلت معاكي لتوجه بصرها لملك لولا ان ملك هيا الي قالتلي لتعاود النظر لوتين وبتساؤل معاتب قالت : هوا ده الي بتعتبريني اختك ياست وتين؟، حكت وتين راسها وبحرج قالت : انتي عارفه انك اكتر من اختي يانور بس بجد الفتره الي فاتت كانت صعبه عليا ، ابتسمت اليها نور قائله بتفهم : خلاص سماح المرادي بس المره الجيه مش هعديها ، لتقول ملك بمزاح وطريقه دراميه : وانا يعيني عليا الغلبانه الي محدش بيعطف عليها ،ضحكت نور ووتين معآ لتقول نور : انجري يابت اعمليلي كوبايه القهوه الي بحبها لتسحب وتين من يدها وباليد الاخري تحمل حقيبه ضخمه قائله: اما انتي بقا تعالي معايا .. اجلست نور وتين علي مقعد امام المرآه وهيا تفرغ محتوي الحقيبه علي السرير والتي كانت عباره عن ملابس شتويه انيقه للغايه حكت راسها قائله بتساؤل :ودلوقتي نختار ايه بقا مناسب يتلبس ، نظرت وتين الي الملابس قائله بدهشه :نور ايه كل الهدوم دي ، جلست نور مقابلتها علي السرير لتتنهد قائله : بصي ياوتين انا عارفه انك بنت بسيطه و اكتر حاجه بتكرهيها المظاهر وانك زي القمر من غير اي حاجه بس العالم الي بره مش كده هما عكسك تمامآ مش بيبصوا غير للمظاهر ، ثم ان الشركه الي انتي ريحاها تعتبر شركه كبيره جدا وبابي قالي عليها ،وضعت يديها علي كتفها واكملت وتين حبيبتي انا عارفه اد ايه ان فرصه الشغل دي مهمه جدا بالنسبه ليكي عشان كده لازم نعمل كل الي نقدر عليه ، لتقول وتين بخيبه امل: تفتكري هيقبلوني يانور.. لتطمأنها نور قائله :ان شاء الله هيقبلوكي وبعدين انا نفسي اشوف وتين صحبتي بتاعت زمان الي كانت الضحكه مش بتفارق وشها الي علي طول مليانه طاقه وحيويه وامل ، ادمعت عيني وتين لتبتسم بمراره ساخره جراء كلمات صديقتها قائله: وتين الي كنتي تعرفيها دي ماتت من زمان من لما شالت حمل فوق طاقتها من لما اتجرح قلبها من اقرب الناس ليها من لما بقا الكل يدوس علي قلبها بدون رحمه كل ماتقول الدنيا هتضحكلها اخيرا وتحاول ترجع وتين بتاعت زمان تحصل حاجه ترجعها ميه خطوه لورا ، شعرت نور بالحزن الشديد مما تحمله صديقتها  في قلبها من الم ، لتقول محاوله بث الامل بداخلها من جديد : وانا متاكده ان هيجي عليكي ايام تكوني فيها اسعد واحده في الدنيا وتيجي تقوليلي يانور انتي كان عندك حق ومتاكده ان ربنا هيعوضك عن كل ده ، لتكمل بنبره مرحه وبعدين بطلي كآبه بقا وسبيلي نفسك خاالص وانا هخلي كل الشركه تتكلم عن الموزه ام عيون خضرا ، ارتفعت ضحكات وتين لتدفع كتف نور بخفه قائله : انتي مفيش فايده فيكي يابت انتي... ماهيا الا ثوان حتي جاءت ملك تشاركهم المزاح وتساعد نور في اختيار الملابس لوتين وهيا تحمد الله علي مجئ نور صديقه وتين فقد ساعدتهم كثيرآ وجعلت وتين تتخطي خوفها......