لأنكِ قدري

الفصل الخامس

لانك قدري
____________
ولكم انتظرتك من سنواتٍ علي امل ان تعود يوما لطلاما تمنيت ان بوح لك عما يرهق روحي ويحطم فؤادي وعندما شاء القدر ان نلتقي لم اجد منك سوي القسوه تقدمها لي !..

-انتي بتعملي ايه هنا وازاي ليكي عين تكملي هنا بعد الي عملتيه ... رفعت راسها تنظر لمصدر الصوت ولم تكن سوي سلمي صاحبه تلك النبره المزعجه
بهدوء اكملت سيرها وقررت تجاهلها تمامآ يكفيها عقاب يزن ان تأخرت..جزت الاخري علي اسنانها بغيظ من تجاهل وتين لها اسرعت في خطواتها تسبقها لتسد عليها طريقها قائله بغيظ : انتي فاكره نفسك رايحه فين اكملت بنبره ساخره اشكالك انا بعرف اتعامل معاها كويس فكراه هيسبني ويبصلك انتي
حدقت بها وتين وبغضب مكتوم قالت : أنتي بتتكلمي عن ايه !!

- متمثليش دور البراءه انا عارفه غرضك ايه نظرت لها باستحقار واكملت روحي لاهلك خليهم يربوكي شكلهم انشغلوا عن الموضوع ده .... طفح كيلها ولمعت عيناها بحزن وقبل ان تصيح بها غاضبه استمعت لصوته الرجولي ذو البحه المميزه قائلا بغضب:سلمي!!!
************************************
ثلاثتهم يسيرون تتوسطهم هيا وعلي وجهها ابتسامه تزين ثغرها وضعت يدها علي فمها تكتم ضحكاتها الصاخبه قائله بضحك : يالهوي عليكي يامني ياعيني علي جوزك الغلبان مستحملك ازاي اكملت التي تسير على يمينها
منار بضحك : بصراحه اه يكون في عونه احمد مبهدله الراجل معاكي مبقلكيش شهرين حامل ومطلعه عنيه
رمقتهم بغييظ قائله : علي فكره بقا انتوا ظالمني رفعت يدها تعد علي اصابعها مستكمله انا بس قفلت المنبه بتاعه واخرته علي شغله وصحيته من النوم قولتله عايزه شيكولاته ونمت ونسيت الاكل اتحرق حكت راسها وضحكت قائله عندكم حق يابنات هوا فعلا مستحملني ازاي انفجر ثلاثتهم في الضحك
لتقول ملك بسعاده : ربنا يكملك علي خير ياحبيبتي ويخليكوا لبعض
ابتسمت مني قائله بحب : ويفرحني بيكوا يابنات نفسي اطمن عليكوا مع حب حقيقي ....وبينما هم غارقون في حديثهم ومزاحهم تلاشت ابتسامتها حين راته واقفا امامها يعقعد زراعيه امام صدره يستند علي سيارته وعلي وجهه ابتسامه تزداد مع اقترابها منه ارتعد داخلها حين رأته يبدو انه لن يتكرها وشانها تذكرت تهشيمها لزجاج سيارته وايقنت انه ربما عاد لينتقم.... وضعت كتبها التي بيدها علي وجهها و اكملت سيرها تدعو ان لايراها ابتسم الاخر لسذاجتها وكانه لايراها بالفعل رحلت صديقتها مني مع زوجها وتبقت معها منار ما ان تقدمته ببعض الخطوات حتي اوقفها صوته قائلا :ملك استني......
***********************************
سلمي!! نطق بها يزن وهوا يقترب منهم
انتفضت بخوف وارتعد داخلها خوفا من ان يكون سمعها ف بعينيه تريد ان تكون ملاكا لايخطئ .. هربت بعيناها التي تفضحها من نظراته بينما ضيق عيناها عليها ف علم من التماعهما ان سلمي قد القت عليها بعض الكلمات التي لم ترق لها... سالها بخشونه : واقفه عندك بتعملي ايه ياسلمي .. اقتربت منه وهيا ترقق صوتها قائله بدلال : جيت عشان اطمن عليك ياحبيبي ابتسمت الاخري بسخريه بعد ان بدأت تفهم الاعيب تلك الفتاه المحتاله اكملت سلمي بغيظ وبعدين البت دي بتعمل ايه هنا مشيها حالآ
من تظن نفسها بالاساس لايطيقها !! من هيا لتملي عليه الاوامر.. هكذا حدث نفسه..
ابتعد عنها خطوتين وبغضب قال : مش انتي الي هتقوليلي امشي مين وممشيش مين ولاخر مره هقولك متدخليش في شغلي، ودلوقتي عندي اجتماع مهم مش عايز عطله اكتر من كده .. يلا ياوتين نطق بها وهوا يرحل من امام سلمي... تتبعه هيا و شبح ابتسامه يظهر علي شفتيها ف قد سدد لسلمي ضربه قويه شعرت بطفولتها تعود وهوا يحميها مثل ماكان يفعل دوماً
اشتعلت سلمي غيظا وهيا تقسم بتلقين درسٍ لها لن تنساه قائله بشر : ماشي يايزن يا انا يا البت دي.........
***********************************
اسرعت في خطواتها بعد استماعها لصراخه يناديها التفتت صديقتها منار لذلك الشاب الذي يهرول ورائهم يحاول اللحاق بهم وهوا ينادي باسمها دون توقف
سالتها منار بتوجس :ملك مين ده اوعي تقوليلي ان ده الي هدير كانت بتحكي عنه
ملك بتوتر وهيا تسرع اكثر :للاسف هوا اوعي تبصي وراكي وخليكي ماشيه لم تلبث ان اكملت جملتها حتي صرخت بفزع عندما وجدته يقفز امامها فجأه يسد عليها طريقها وهوا يلهث من الركض
ليقول وهوا يحاول التقاط انفاسه : بقالي ساعه بنده عليكي وانتي عامله مش سامعه
استجمعت ملك شجاعتها ف تلك المره ليست وحيده معها منار لتقول بغضب : وانت تنده عليا وتعرف الجامعه كلها اسمي بتاع ايه .. عايز مني ايه تاني
مروان بمكر : انا مش عارف انتي بتتهربي مني ليه مع انك بهدلتيني اخر مره بس مش مهم مش بيقلوا بردو.... ماحبه الا بعد عداوه
التفتت براسها يمينا ويسار قائله : الشارع كله اتفرج عليا وقفتي معاك دي متنفعش يستحسن تمشي دلوقتي .. منعها جسده من الفرار مره اخري ليقول بخبث : انا مش عارف ايه سبب كرهك ليا ده بس صدقيني انا مش وحش ياملك اديني فرصه
وببروده قالت :والمطلوب
_عايز اتكلم معاكي واكيد مش هنا في الشارع يعني صمت قليلا واكمل في مطعم قريب من هنا هتكلم معاكي خمس دقايق وبعدها تقدري تمشي صمتت قليلا تفكر فقط تريد التخلص منه
لتقول علي مضض :ماشي موافقه ملأت الابتسامه وجهه وهوا يحاول السيطره عليها بعدما نال الاجابه التي ترضيه سحبتها منار بعيدا عنه تهمس لها : انتي بجد هتروحي معاه طمأنتها ملك قائله : متقلقيش انا بس عايزه اخلص منه مش اكتر
نظرت لها منار بقلق قائله : اهم حاجه تخدي بالك من نفسك رفعت الاخري راسها بطريقه دراميه وقالت :متقلقيش صحبتك ب ١٠٠ راجل ...
رحلت منار وسارت هيا معه علي مضض تبتعد عنه بمسافه..
فتح لها باب سيارته لتقول بضيق : اكيد مش هركب جمبك العربيه ولوحدنا
مروان بغيظ : واكيد انا مش جايب عربيه علشان امشي علي رجلي
عقدت زراعيها امام صدرها تقول : هوا ده الي عندي يا اما تخليني امشي
جز علي اسنانه ف صبره علي تلك الفتاه بات ينفذ اغلق باب سيارته بغيظ واشار بيده لتسير قائلا بابتسامه صفراء : امشي.... بعد وقت ليس بطويل وصلا للمطعم وجلسا تتجاهله هيا وعيناه هوا تتآكلها سالها مستفسرا : تحبي تشربي ايه رفعت أحدي حاجبيها وقالت :لاميرسي ياريت تتكلم في الموضوع علي طول تنهد واكمل بمكر ملك مش لازم تحكمي علي البني ادم غير لما تعرفيه كويس وتقربي منه يعني مثلا انا شايف فيكي حاجه كويسه تقدر تصلح فيا اي عيوب
تنهدت وبملل سالته : ماتجيب من الاخر يامروان .. مروان بخبث : اتصدقي اول مره اعرف ان اسمي حلو اوي كده قلبت عيناها بملل وهيا تقول بداخلها : يااسطواناتك ياتري قولتها لكام واحده قبلي
اتي النادل لياخذ طلباتهم ف طلب بدلا منها بعد ان رفضت التفت لها وقال بضيق: انتي ليه محسساني ان انا هخطفك اكمل..
بصي هعرفك عني اكتر انا اسمي مروان عندي 22 سنه خريج اعلام .. واكمل بمكره المعتاد بصراحه ياملك مش هكدب عليكي سبق وكان ليا علاقات ببنات كتير
ملك في سرها : دي حاجه واضحه زي الشمس مش محتاج تقول...
_ بس كل ده كان زمان انا لما شوفت عنيكي معرفش حصلي ايه مبقتش افكر غير فيكي طول الوقت دني بكرسيه من الطاوله ليلتقط يديها الموضوعه امامه لتفتح عيناها بزهول بينما هوا يكمل كلامه المعسول قائلا : انا نفسي اتغير علي ايديكي ياملك انا مع*** لم يكد يكمل جملته حتي تفاجئ بكوب العصير يستقر فوق ملابسه
قالت بغضب وهيا تنهض : انا كنت عارفه ان نيتك مش سالكه من الاول ولاخر مره يامروان هحظرك تبعد عن طريقي خالص.. تركته وذهبت وسط ذهوله مازال يحاول استيعاب مافعلته جعلت منه اضحوكه لمن في المطعم وهم ينظرون له بشفقه ضرب المنضده بقدمه وهوا يرمي الأموال علي الطاوله ويرحل قائلا بوعيد : حسابك تقل معايا اوي ياملك
**********************************
انتهي الاجتماع واتموا عقد الصفقه ابهرته هيا باقناعها للعملاء وطلاقتها في اللغه الانجليزيه حتي هيا لم تتوقع ذلك منها !
طوال الوقت وهوا ينظر لها نظرات خاطفه بين الحين والاخر لم تلاحظها هيا ابتسم بخفه عندما لاحظ انها قد لملمت شعرها مره اخري.. فاتنه هيا فيه ولايريد ان يراها غيره ! ذلك الشعور الذي يداهمه لم يستطع اخفاءه بينه وبين نفسه... وبينما هم يوقعوا علي اوراق اتمام الصفقه لاحظ تغيرها واصفرار وجهها مال عليها هامسا : انتي كويسه تفحصته قليلا وهيا تري تغيره الملحوظ اومأت له قائله بأعياء : انا كويسه
نهضا يصافحان كليهما بينما كان ينظر لها احداهم نظرات اعجاب لم يغفل عنها يززن صافحه وهوا يعتصر كفه قائلا بنبره ذات مغذي و بصوت اجش : I hope that the compatibility between us will continue and none of us will make mistakes