Sudden Walk

Patagong Hakbang

Entry no. 4

Dear Diary,

Day well spent! Ilang beses kaya kitang nakasalubong ngayong araw. No'ng unang salubong pa nga natin ay namutla ako. Nakita mo kaya iyon? Tumingin sa akin, eh. Assuming pero oo kaya! Imbes na mamula ay namutla pa. Hindi ko kasi inaasahan na magkakatinginan tayo. Ang tanging hiling ko lang naman makita ka. Pero imbes na bulaklak lang ang ibigay sa akin, may kasama pang paso! O 'di ba? Ang pangit ng pinagkumpara ko.

Pero alam mo bang nakakainis 'yong pinsan ko. Kinontsaba ko na dalhin ikaw at ako sa isang booth tulad ng Marriage, Kissing o kaya naman ay Destiny. Ang bait niya. Dinala niya ako sa Jail booth.

Sinakto pa talaga sa game mo sa Basketball! Hindi ko tuloy napanood! Bakit kasi hindi mo sinabi!

Sa susunod i-text mo ko, ha?