دخلنا البيت وتاني رجعت نومتا وصحيت الصباح كالعاده مع الصبح صليت وقعدت في المصلايه سرحانه وحاسه باستكانه كده جاء ابوي قال لي ربنا يتقبل رديت ليه آمين يارب
لقيت امي صحت صبحت عليها وعملت الشاي لقيت في باسطه في التلاجه قمت ختيتها في صحن وصلت الشاي وجيت شربنا انا وابوي قال لي يلا البسي عشان اوصلك مشيت لبستا لي تشيرت رمادي وفيه ورود بلون العنابي واسكرتي رمادي وطرحه عنابيه وشنطه يد صغيره رماديه وعملت ميكب بنوتي خفيف بودرة وروج وظبطتا الحواجب وعندي ساعه دهبيه لبستها واتعطرت وشلت تلفوني وطلعت
لقيت ميرو صحت قالت لي سمر دي من الصباح تضرب ليك شوفيها
ضربت ليها قالت لي طلعتي قلت ليها طالعه قالت لي انتظريني طيب ماشه معاك قلت ليك سممحه يالسمحه😍😍😍
طلعت لقيتها تسلم علي ابوي قالت لي مووووزة ي بت قلت ليها من يومي يماما😌 قالت لي م تصدقي ي عولاق امي قالت لينا بتقولن في شنو انتن
رديت ليها امي يلا انا ماشه قالت لي ربنا يسهل ليك ويوفقك ي بتي
رديت ليها آمين يعمري
و طلعنا مشينا نتونس الشارع كلو انا وسمر وابوي
وصلنا وقال لينا يلا ي بنات بالتوفيق
جيت نازله مسك دخل لي 400في جيبي وغمز لي
ياخ قلبي وبحس بي احبوووووك يابابي
ونزلنا اول م جينا داخلين كل الانظار علينا وكانت سمر لابسه اسكرتي اسود وتشيرت مشكل فيه بالبيجي وطرحه بيجيه واسبورت اسود وشنطه بيجيه وعمله مكيب صارخ حبتين روج لحمي (البت بقت تفتيحه ياخ 😉😉)
كانت اول محاضره لدكتور وائل المحاضره كلها سمر م خلت زول م انبرشت فيه
ي بت خليني اركز في محاضرتي دي 😒😤
ي هبو ياخ أولادكم قرض اعمل شنو
فجاء القاعه صنت انتو اي انا بتكلم
رفعت راسي لقيت دكتور وائل جاي علينا اطلعوا بره يلا بنهرة كده
ووواي طبعا عيوني قررقرن وبقيت اتمتم طيي~~ب
كمان برلامه طب الحاله
وبقيت ماشه وشايفه البضحكوا والاتخلعوا طبعا احساس زباااله😢😢😢😢الموووهم طلعنا انا وسمر وهي تضحك وانا خلاص عايزة ابكي
عولايق دي طردوني بسببك قالت لي ي بت ابردي يلا نمشي نطق لينا حاجه ومن طريقتها شبعت ضحك ودموعي ماشه قالت لي وشك بقي خريطه أفريقيا
ومشيت الاستراحة و غسلت وشي وصلحت الميكب
وجينا علي الكفتريا طلبنا شاورما وكولا فجاءه جاء علي ويضحك
ي برلومه من اولها طرد كده م كويس وكمان عامله خيانات اكلتي قبلي
رديت ليه ي ظريف اقعد اقعد دي صحبتي سمر
وده ي سمر اخوي علي
رد ليها اهلين بيك ي سمر نورتينا ياخ
بنورك ي علي
يلا ي اقوم اجيب لي حاجه اطقها😉
مشي وجاء أكلنا واتونسنا وضحك شديد قامت عايزة ادفع قالوا لي الحساب ادفع
جيت عليه قال لي امس عليك اليله علي وبعدين انتي معاك ضيفه م صح كده 😉
وضحكت سمح ي هناي عامله فيها ود جامد وكده
قام ضربني في يدي😢😢😢😕اييييييي ي عواليق
قام قال ماشي علي صحبوا نتلاقي عن خالتو نشرب قهوة قلت ليه سمح ومشي
سمر قالت لي ووووواي من جواي قال اخوي هبله انتي زي ده م ببقي اخو 😉😍😍
انتي واحده عويرة علي ده الاخو الماولدتوا امي
ومشينا علي شجر نيم وفيها سرير كده وخالتو اميمه وريحه القهوة والجنزبيل مشعلله المكان 💙💙
وقليه البن خلاص انا كده راسي جاء حاسه بيه
ي بت انتي مدمنه عديل
ولا اشتغلت بيها قعدت قريب لخالتو واشم في ريحه القهوة فجاء تلفوني ضرب علينا لرقم قلبي ضرب واتوترت او نقول اتلبشت
رديت الو بصوت غير صوت جعفر الجواي😂
رد لي هبويتي
رديت ليه اهلين كيفك
رد لي تمام التمام وانتي كيفك
انا تمام الحمد لله
وين في الجامعه ولا رجعتي
لا في الجامعه لسه
قال لي انا جيت هنا بس م شايفك
قلت ليه في حوش الجامعه عايزين نشرب قهوة
خلاص جاي عليك
طيب عند خالتو اميمه ده منو ي بتي
قلت ليها ماهر قالت لي اشششي كدي انعدل مكياجي ده
وم رديت ليها سكت فجاء اعاين شايفه ماهر جاي حسيت مع كل خطوة بمشيها كانوا قلبي ح يقيف
جاء علينا سلم ي هبو
هلا بود العم كيف عامل
اناتمام والله كيفك انتي
الحمدلله
ووين ي سمر كيف حالك
تمام ي ماهر كيفك انت
انا تمام وعرفنا ده صحبي ود بت عمي ودي سمر
وقعدوا مشيت لخالتو قلت ليها خالتو قالت لي هبه ي بنيه
قلت ليها م اوصيك قهوة خمسه من كيف كيفك😍😍
قالت سمح ي بنيه
ومشيت عليهم وقعدنا نتونس ونضحك وجاء علي عرفتوا علي ماهر وطلع بعرف صاحب ماهر سلم عليه بمعرفه وجات خالتو جابت القهوة و معاها البخور وفي جبنه طين والفناجين❤❤ياخ عشق كيف
قمت كبيت ليهم القهوة وشربناها والونسه بقت احلي بعلي ياخ زول مهترش كيف
رفعت راسي وانا بضحك لقيت ماهر يعاين لي في عيوني وفجاء غمز لي اتلبشت زياده بس عملت رايحه
........♡.......♡
كل ماهو موصول بك يحرك م بي كل ماهو انت يصدر في قلبي ضجيج لايسمعه غيري
أنت تقرأ
انت ملجئي
Romanceوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
