مشيت على الكفتريا وطلبت لي كولا وقعدت في بنش براي فجاء قعدوا معاي تلاته بنات هاي ي مزة
استغربت طبعا منهن
رديت اهلين بيكم
يلا ي مزة انا الاء برلومه معاك وديل صحباتي يلا اوصفها ليكم بنت سمراء لونها رايق كده وعيونها سوداء واسعه وطولها متوسط كده وانا طبعا مروة دي من وشها بشوشه طويله لونها اصفر كده ملامحها تديك طابع الروقه والهدوء اما مناسك دي من شفتها دخلت قلبي زوله فرحه ياخ وسنفورة كده ولونها قمحي وجمالها في روحها الحلوه وابتسامتها السمحه
اتشرفنا ي بنات وانا هبه صديق
قالوا لي من اليوم نحن شله وصحبات
رديت ليهم اتفقنا ي صحباتي 😉
قعدوا يضحكوا قالوا لي يلا امشي معانا نتفرج علي الجامعه رديت ليهم يلا اصلا انا حاسه بملل
يلا م عارفه تلقائيا حسيت روحي كأني بعرفهم بنات قلبهم أبيض عدينا اليوم مع بعض وخلصت المحاضرات يلا ودعنا بعض وأي واحده مشت علي بيتهم وانا انتظرت لقيت الساعه6عصر قلت بابا بكون مشي البيت عايزة اطلب ترحال فجاء وقفت لي عربيه اركبي اوصلك معاي م بتلقي مواصلات
رفعت عيني لقيته دكتور وائل لالا تسلم م يحتاج ح اطلب ترحال
ي بت الناس الدنيا ماشه علي ليل واعتبريني في مقام اخوك الكبير لو محرجه مني
عاينت لقيت كلامه صح اتوكلت علي الله وركبت العربيه طول الطريق هو بتكلم معاي عن الدراسه واني أشد حيلي واجتهد وانا برد ب إن شاء الله
وصلت ليه البيت وصلنا وشكرتوا تسلم ي دكتور قال لي قولي وائل بدون رسميات ضحكت قلت ليه م بقدر ي دكتور
بالمناسبه اتفضل أشرب ليك حاجه قال لي مستعجل والله مرة تانيه ياه
طيب يديك العافيه يارب
يلا ي هبه في أمان الله
في امان الله ي دكتور
وماشه علي البيت فجاء اسمع صوت م بدري ي دكتورة 😡😡😡رفعت عيني لقيته ماهر رديت ليه ببرود من عمرك ياخي وماشه وقفني انتي اتأخرتي لي وده منو الوصلك وكمان بتضحكي معاه في نص الشارع
وانت مسؤول مني ولا وصي علي ولا ابوي ولا منو م تتدخل فاهم
ماشه مسكني من يدي لمن اتكلم معاك م تمشي فاهمه وبعدين اي وصي عليك
باي حق وصي علي الله امشي شوف ليك شغله غيري خليني في حالي
مسك يدي لمن وجعني ي بت الناس افهمي هنا انتي حقتي انا بكيفك غصب عنك ولا زول بسمح ليه يجي ناحيتك مفهوم وطيري من خلقتي ادخلي ولينا كلام تاني
طبعا بين مصدومه وبين لخبطه حصلت جواي دخلت وشايفه ماشي وراي لمن دخلت وتاني مشي
حسيت بقلبي ح يقيف برفرف بصوت لو جمبي زول بسمعه
لقيت ابوي م جاء ضربت ليه قال لي يجي بعد شويه دخلت استحميت وجهزت حاجه ناكلها الباب ضرب قايله ابوي لقيت جارتنا صفيه سلمت علي وقالت لي امك وين لي كم يوم منها
والله ي خالتو امي عن ناس عمي عندنا عرس بت عمي وكده قالت لي مبروك ليها وعقبال عندك
رديت ليها بحياتك يارب
طيب لمن تجي راجعه خليها تتطل علي في موضوع ضروري
رديت ليها إن شاء الله خير اقعدي شويه وين ماشه قالت لي ماشه والله معاذ قاعد منتظر جبنه المغرب قلت ليها سلمي عليه التقيان ده بلاي😂😂
قالت لي والله مشغول بس لكن تاني بطل عليكم كتير
استغربت طبعا من كلمه كتير دي قصدها شنو بس عملت رايحه
يلا ي بتي استأذن انا م تنسي لي امك
حاضر ي خالتو
ابوي ضرب لي م تعملي عشاء جبتوا معاي
رديت تسلملي ي الغالي
يلا نضفت البيت وجهزت العصير ومشيت لبست لي بجامه ورفعت شعري وجيت قعدت في الشاشه من قناة لقناة سمعت صوت الباب قلت اكيد ده بابا قمت افتحوا ليه
حمد لله علي السلامه ي غالي
الله يسلمك ي بتي
يلا اخد ليك دش مسافه أجهز صينيه الاكل
من عيوني ياخ ومشيت لقيت بابا جاييب دجاج وفطاير طلعت من التلاجه كاتشب ولقيت في شطه مطبوخه 😴طلعتها ورصيت الدجاج في سرويس وباقي الاكل
ي ابوي يلا العشاء جاهز
وجاء اتعشينا وشربنا العصير قال لي كده اعملي قهوة
مشيت عملتها وجيت لقيتوا نام صحيتوا ابوي القهوة بتبرد اشربها صحي شربها قلت ليه ادخل نوم في غرفتك
دخل نام مشيت غسلت العده ومشيت علي غرفتي وتلفوني ضرب
...♡...♡..
في كركبه بتحصل بتخلي القلب يترجف م بقدر يحدد وجهتوا حاجات كتيره ممكن تغير جوانا كتير واعترافات ممكن تغير طرقنا تغير مشاعرنا
وفي تعقيدات في الحياه بتقيدنا بتخلي روحنااسيره ليهاوفي حاجات لو نقصت مننا بتزيد عن غيرنا
#...
....؛....؛....؛.....؛....؛.....؛....؛
أنت تقرأ
انت ملجئي
Любовные романыوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
