ما تنسى الفوت
----------------------------
بعد خلصت الخطوبه لقيت ناس امي طالعين البيت وركبت العربيه وانا بتزكر ماهر بس كل م اتزكره قلبي بوجعني ياخ😢😢😢
بجد اصعب احساس إنك تشوف حد بتحبه
وروحك فيه بس م ليك حق تقول للكل ده حقي
فلاش باك
في حفله الخطوبه اتغزت شديد لمن لقيت امه بتشكر في بت اهله وانها مناسبه ليه بس هو يوافق
بس عصرت علي قلبي ليمون وعملت م سامعه حاجه
رجعنا البيت ومن التعب نمنا
الصباح صحيت مع الصلاه استحميت وصليت وبقيت ادعي اللهم بحولك وقوتك اجبر خاطري وانر طريقي واصلح حالي وفرج كربي واجعل التوفيق حليفي واسعد قلبي يارب العالمين
وحسيت براااحه الحمدلله علي نعمه الصلاه والاستكانه البتجي من بعدها
لمن لقيت الساعه 6 جات وناس البيت صحوا قمت بنشاط نضفت الصالون وجهزت الشاي ونضفت المطبخ
وولعت البخور في البيت امي صحت صباح النشاط
وميار قالت ليها صباح الدستور قولي😂😂😂😂
الموووهم يلا اشربوا شايكم مشيت تميت نضافه
يلا ي قلبي غسلي العده انا اضافري بتكسروا 😌😌
اووومي شفتي بتك العفنه دي اصلها بتعمل فيني كده علي طول😤😤😤
مامتي انا م تشتغلي ب المعولقه دي اسمعي انا ماشه المول مع صحباتي م بتاخر
طيب اتصلي كلمي ابوك
اوكي ي حبي واتصلت علي ابوي
حبيبي انا عايزة اطلع مع صحباتي م بتاخر علي المول ممكن
جدا مافي مشكله بس اياكي والتاخير وشيلي قروش من امك
تسلملي ي قلبي 😘😘😘(الاب الحنين نعمه😍)
وضربت لسهي ي زفته تعالي نطلع مع بعض
اوكي ي بتي م تتاخري سوورعه
سمح سمح طالعه
ومشيت لبست لي جيب شورت مخطط بالأسود والأبيض وتشيرت أبيض وفيه نهايته دانتيل أبيض
وطرحه كبديه وشبط اسود وشنطه كبديه صغيرونه😂
وطلعت علي بيت ناس سهي لقيت امها قاعده في الحوش وجمبها قهوة
وووين ي خالتو مشتاقين ياخ
كتير ي هبو بس وين الغيبه دي كلها
مع الجامعه والله كيف صحتك
الحمدلله تمام التمام وانتي كيفك
الحمد لله شديده ولضيضه هدي ي امي م شايفها
رديت ليها ماشاء الله انتي عينك الحاره دي
وامها تضحك علينا
خالتو والكيف😍😍😍 وشربت معاها قهوة بمزاج مسافه لبست سهي وطلعنا
سهي لبست جيب شورت مخطط بالابيض والرمادي وطرحه بمبيه وشبط اسود وشنطه بمبيه طبعا ديل هديه من امها لينا
وفي الشارع معروف المشاغلات
اتكلمت مع سهي انتي لي البت لو لبست كويسه ولا لا بتتعرض للمشاغلات اوووف ياخ
قالت لي ههههه هبو اكسري الحنك
قلت ليها كسرتوا😂😂😂
بشنو إن شاء الله بمفك
قلت ليها لالا ب رأسك ده ي سجم 😤😤😒
ومشينا لاقينا صحباتنا اسيل وهديل واريج اديك ياالونسه ولفينا م خلينا واهم حاجه أكلنا اسكريم
واهم حاجه السلفي بتاع اللمه
والقعده كلها شابكني وين حبيبك
حبيب شنو ي هبلات ديل 😂😂😂
هبه غتيته م تتكلم ي هديل
ااااازوله انا لو عندي بجيكم😌😌😌
اه ي هبو تمشي وين الا التجاني الماحي
احييييين ي اسيل الحب ده كلام عيال توتو ي حبي
هههههههه وكبرنا ي هبو كلام عجيب
وووجرت الونسه💨💨
إن شاء الله نتلاقي في لمه تانيه يارب
اي إن شاء الله ي هبو طولنا ياخ منك ومن جنوا دي
يلا طلبنا ترحال ورجعنا البيت
........♡...... ♡
يايُمة كان شُفتي الصُحاب
جيتهم خُطاي متروسة هَم
بس شفتهم..
كل الهموم إحساسها غاب ❤🎀
........♡
أنت تقرأ
انت ملجئي
Romanceوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
