رجعت البيت مبسوطه كلمت ناس البيت وباركو لي وكانوا مبسوطين شديد ابوي قال يلا بالمناسبه دي انا عازمكم بره في المطعم البتختاروا هبو
هيييييي😍😍😍🙌حماااس طيب في مطعم ****
يلا بعدين اجهزوا بدري
اوكي ي بابا حبيبي 😘😘😍
ومشيت علي غرفتي استحميت وصليت العصر ولبست لي بجامه ورفعت شعري وجيت قعدت بمزاج مسكت تلفوني فتحت account بتاعي لقيت رسايل وطلبات كتيره عملت قفل دردشه ونشرت منشور
......💙💙
رُبما علينا ان نكون أكثر حذراً بشأن التفوه بمشاعرنا كُلما أحسسنا بالحُب ، بأن لا نتصنع الحُب لكُل المارة ، بأن لا نتعجل بالتمسك بالأشخاص ، بأن لا نبوح بما يُخالجنا لكُل من أحسسنا معهُ سلاسة الحديث ، بأن لا نُبادر دوماً ، بأن ننتظر وعد الله ، بأن لا نقلق بشأن الاشياء او الاشخاص ، بأن لا نُبالي بمُنعطفات أحبائنا وزلاتهم في الحياة ، بأن نصبر حتي يأتينا كُل شئ أجمل ، بأن لا نُجامل وأن لا نحاول إرضاء الجميع ، بأن لا نحاول بتاتاً ، فقط نجلس ونُراقب تغيرات الأحوال والاشخاص من بعيد ، بأن نُصبح أنانين كفايه لإرضاء زاتنا ، بأن نُحب أنفسنا قليلاً ♥✨
واشتغلت الاشعار والتعاليق تتطاقش وانا م بحب ارد علي اي كومنت بس قلت بماانو مافي موضوع اقراء الكومنتات وقريت الاء كتبت لي كفاك حب لنفسك بتشرقي😂😂😂
قلت ليه سممح😂😂😂
ولقيت ماهر علق لي م لا يمكن البوح به😉
رديت ليه بالإحساس ي ظريف ولا كيف😂😂😂
رد لي هبله😂😒
شبهك بس😒
وصلينا المغرب وعملت القهوة شربناها واتونسنا مع ابوي يلا ي قوموا اجهزوا عشان نمشي
مشيت لبست لي فستان زيتي وكسرت الطرحه بمنقاوي وشبط عالي زيتي ولبست سلسل طويل وحجبت طرحتي وعملت روج وردي وخططت حواجبي وعملت كونسلر وعملت لاينر طلعت موزة كيف😎😎😎
وتغني بمزاج جاتني ميار ي هبو خططي لي حواجبي م ظبطوا معاي
طيب اقعدي لي وقعدت ظبطتا ليها حواجبها وعملت ليها لاينر كانت لابسه فستان زيتي مطقمين مع بعض بس اختلاف الطرحه هي لبست بيجي وشبط عالي بيجي
الموووهم طلعنا لقينا الحووب لابس ليه جلابيه بيضاء ولابس طاقيه وشال بالجمبه (ملفحه) هيبه ياخ😍😍😍😌
ونبع الحنان لابسه توب بدره ساده بيجي ومطقمه بنفس درجه التوب وكسرتوا بالشبشب والشنطه
شبشب عالي كبدي وشنطه يد صغيره كبديه وعامله كحل بس
امي من البنات اتزوجوا بدري يعني معانا زي خالتنا صغيره وعايشه شبابها بفهم😎😎
يلا انتظروا لحظه مسكتا ميار التلفون صورة جماعيه
واتصورنا كلنا صور عائلية كتيره❤❤❤
وطلعنا بعربيه بابا وقبل م نصل في العربيه فتحت البيانات ودخلت واتس عملت استوري بصورنا
صوره جماعيه وكاتبه عليها عزوتي وسندي في الدنيا انتو😍😍😍
وتاني صوره لاي مع ابوي وكاتبه عليها شايفه منك الملامح والشبه 😉😉ي حبي
وتاني مع مامتي الحلوه😍 ومع ميار هبلتي اموت عليكيي😘😘
واشتغلت الاشعار والتعاليق تتطاقش
مروة قالت لي ابوك قرض😂😂😂
ايييي شبهي😌
وماجد قال لي السمحين ماشين خطوبه ولاشنو😉
لالا ماشين عرس😂😂😂
و ماهر قال لي ناقص انا وانتي وعباره
لمحتك...قلت بر آمن ..بديت احلم...ألملِم قُدرتي الباقية...وأشد ساعد على المقداف...تلوح لي ..مدن عينيك...وترفع لى منارة بسمتك ساريةوبديت احلم♥️✨طفلتي 😍😍
م رديت ليه اكتفيت ب😊بس قلبي ووووي شغال يضرررب بردلب ح يقع🙈🙈🙈
وصلنا المطعم وطلبنا بيتزا ودجاج وفطاير وكرسبي وكبده لاني بحبها جدا 😴😫وشيه
أكلنا بمزاج وطلبنا عصير مانجو ظابط وبعد خلصنا جابوا لينا التحليه
وتاني طلعنا بره جوه خرافي للقهوة وريحه البخور طالعه😍😍😍وقعده القهوة بمزاج قعدت انا وابوي مع بعض في مقاعد بالدهبي شكلها خورافي ياخ
وامي مع ميرو
وشربنا قهوة واشتغلت اغنيه ابوالسيد
قهوة منك لوحه يظهر في بنك ينصهر فيها الدواء 🎶🎶🎵
وغنينا انا وابوي مع بعض وميرو صورتنا صور كتير ونحنا م منبهين 😂😂😂
وعدا اليوم ده بحلاتوا😍😍😍بجد الاهل عز
......💙......
.......💙......
......💙......
أنت تقرأ
انت ملجئي
Romanceوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
