يسعد صباحك ي امي وباسها في رأسها
يسعد صباحك ي نور عيني
امي طبعا انتي عارفه انا من زمان بحب هبه بت عمي من زمان وعارفه كما اني جادي في الموضوع ده وانا حاليا ناوي اتقدم ليها عايز رضاك علي ي الغاليه
م ردت عليه عاينت وسكتت
ي امي انا عارف انك بتحبي هبه بس من الحصل داك بقيتي علاقتك م تمام معاها بس ي امي انا هبه دي رويحتي
عارفه انا سافرت لي عشان لمن ارجع اقدر اجي وابقيها حلالي وما في زول يقول ده عاطل ولا شي بنيت نفسي في السنتين ديل عشانها اديني رضااك☺☺
عافيه ورضيانه عليك ي ولدي وإن شاء الله ربنا يتمم ليكم علي خير
تسلملي ي الغاليه😘😘😘
ومشيت مبسوط كيف ضرب لي زياد تلفون وين انت ي عمك
جاي عليك جهزي لي قهوة ظابطه بس
مزاجك عالي لكن ابشر انت تعال بس
ومشيت علي ناس خالتي فتح لي الباب زياد حباب ود الخاله
حباب ابو الشباب كيف الصحه
الحمد لله في نعمه من كريم
والله وشك منور إن شاء الله خير
والله ي ود عمك قررتا استقر وكده 😉😉
مبرووك ياخ وقام حضنوا بعض اه وإن شاء الله بنعرفها كيف ياخ انا لي غيرها
م تقول لي هنايه
ايوااا بس ياها😍😍هبويتي
ربنا يتمم ليكم علي خير ياخ تستاهل
تسلم ي قلب
جات خالتي داخله حبيب خالتو
ي امي انا بغير ي زوله
هووي دي خالتي مالك انت
اه متين العرس قلت لي
يعني سمعتي كلامنا ي امي
ي ولد جيت داخله وسمعت كلامك في حاجه
لالا حاشاك 😂😂😂
مبروك ي ولدي ربنا يسهل ليك
آمين ي غاليه تسلمي
يلا انا بعد كده طالع عندي مشوار مهم
يلا في حفظ الله ي ولدي خلي بالك من نفسك وسلم لي على هبو
يوصل إن شاء الله وطلعت مبسوط
بقيت بحمد ربي
كل الاهل عرفوا وباركوا لي
واتصل ماجد ي عريسنا
مجودي ي قلب كيفك ياخ
انا تمام انت كيفك
تمام التمام
مبرووك ياخ وربنا يتمم على خير
آمين يارب تسلم
وارتحت بكده مافي مشاكل
مشيت علي بيت عمو صديق
ضربت الباب جات فتحتوا ميار سلمت علي
عريسنا السمح😉😉
هسي يقولوا ليك شنو 😂😂😂😂سمحه هبو
امشيهاالعولاق ده 😂😂😂ودخلت سلمت علي عمي
وخالتو قمر وبقيت اعاين م شايف هبه
فجاء اسمع ليك صوت زول يصرخ اووومي بتك أكلت النوتيلا بتاعتي كلها وشكلها بكت عديل وجات لابسه ليها بجامه تلت اربع ورافعه شعرها فوق وفي جزء طاير منه وماسكه علبه نوتيلا في نهايتها وحفيانه بس لابسه حجل في رجلها 😂😂😂😂ياخ منظرها طفووولي كيف لمن شافتني قربت تبكي وجرت تاني م شفتها
لمن ابوها ناداها ي هبو
جات لابسه توب فوق البجامه والشعر جايط كيف بقيت اعاين ليها واحفظ في ملامحها
سلمت علي وقعدت جمب ابوها وعينها في الارض
قال ليها اه ي بتي رأيك شنو في كلامي الامس
بقت تتمتم اااانا البتشوفوا ي ابوي
ابوها عاين ليها وضحك جاء اليوم و لسانك اتقطع ي بتي😂😂😂😉
ومشت خلتنا ياخي كركبتني من جوه البت دي
فلاش باك دي ....♡
هبه وين قاعده
في الصاله ي ابوي
سلام عليكم
وعليكم السلام بابا حبيبي
كيف عامله
انا تمام انت كيفك
انا كويس
اه ي ابوي مالك😂😂😂احكي سامعاك
انتي عارفه اني م برضي ليك باي شي صح
اكيد ي بابا
طيب لو طلبت منك تفكري في حاجه انا شايفها مناسبه بتقولي شنو
موافقه اكيد انت حبيبي م محتاج تقول كلام كتير انا موافقه علي اي شي عايزه
قال لي ماهر جاء طلب يدك وانا وافقت عليه
بقيت عامله كده😨😨😨
م تقرري هسي هو بحب بكرة و ردي ليه وانا معاك في اي حاجه
طيب يا بابا ومشيت صليت ركعتين واستخرتا ونمتا
حلمت بحلم حلووه شديد وصحيت مطمنه
......♡♡
انا لمن شفت هبه حسيت بمعني كلمات
مصطفى سيد أحمد لمن عزم الرحال ليها قال : "اصلي لامن ادور اجيك بجيك لا بتوقفني المسافة لا بقيف بيناتنا عارض"
لمن شوفتها جاية علي لمحت فيها راحة المشاوير البعيدة ولفحة النسمة الحنينة الجاية من جوف المضيق💜
ده احساسي بيها اتجسد كده .......❤........❤
........💙💙💙.......
م في حاجه اسمها نحنا مالي بعض في حاجه اسمها انا بكون نفسي وبجي بالحلال ليك
العلاقات الما بتكون نهايتها باب حلال يتقفل بيكم مفروض نكسرها🙂🙂قبل م تكسرنا هي
- من أرادك سيصل إليك ، ولُو كنِت كبُعد النجوم.!💜
أنت تقرأ
انت ملجئي
Romanceوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
