انت ملجئي

22

صحيت بصوت ابوي قاعد جمبي مالك ي بتي حاسه بشنو
ابوي كويسه انا والله تعبت شويه
ابوي من جات من الجامعه بتك دي م أكلت ولا حاجه
ي ميرو انا أكلت قبل م اجي 

ي بت انتي جيت واسه الساعه 10 عامله اوووف منك دايما الاكل كده روحك دي الله بسالك منها ي بتي
ههههه حاضر ي امي 

ي بت كمان ميته قلب وتضحك الله يهديك ي بتي
يلا نشوف الشنطه ي ميرو
اوووومي بتك دي شوفيها بتعولاق كيف😑😒😒
ياخ انا كويسه ماشه اصلي
شوفتي بتك اصلا م بتريح نفسها كده دايما و تجي تقع من طولها بعدين
الله يهديها ي بتي
ومشيت اتوضيت صليت ومشيت علي نوسه عروسنا مبرووكات ياخ 😍😍😍
هبوش كنت جايه اشوفك بقيتي كيف ي حبي
انا كويسه ماشه اشوف الشنطه😉😉وكده
ومشيت شفتها حلوووه ياخ ماشاء الله جات عمتي قالت لي كدي البسن لي التوب نشوفوا سمح
طوالي لبستوا انا طلع رهييب فيني فجاء جاء ماجد ي بنات عايز لي قهوة وبقي يعاين لي وانا م انتبهتا بتصور وبضحك مع باقي البنات لقيتهم سكتوا قبلت لقيت ماجد واقف سكت وطلعت التوب وقال لينا عايز لي قهوة واحده تعملها طوالي كلهم ياخ نحنا تعبانين أشرب شاي بس الليله سكت عايز يطلع قلت ليه انا بعملها ليك
رد لي لالا انتي تعبانه لسه م مشكله

م خليتوا خلص كلامه ومشيت علي المطبخ عملتها وكبيت لنفسي في كبايه كبيره وقعدت اشربها جات ميرو

ي سجم كمان تشربي في قهوة شالت مني الكبايه هاك اكلي ده جابت لي جبنه وبطاطس بالحمه اكلي ديل سوورعه
ههههه حاضر ي ماما
واكلت جاء ماجد داخل قالت ليه دي القهوة شالها وقال تسلمي ي وسكت تعبتك معاي
ولو معقوله بس وطلع قلبي وجعني قبل يوم كنا احلي اصحاب هسي زي نتجنب بعض يارب
و ماهر مختفي كمان
ومشيت لقيت البنات اشتغلوا يغنوا
يمه زوري لي يمه زياره السبت انا الاخضر الشرط انا
يمه الزول انا براي بجيب الزول
يمه زوري لي يمه زياره الأحد انا الاخضر ابوجنات انا الخلي قلبي شتات
وقعدت ارقص انا مع آيات حتينا حت وجاء ماهر داخل وكالعاده م سمعت بقيت برقص وووقعت بقيت بضحك والبنات ساكتين بقيت اغني اليل واليله قل نومي نوسه ي حليلها قل نومي😂😂😂😂واضحك لقيت ماهر واقف وساكت يلا نوموا كفايه وهبه عمي قال عايزك
مشيت علي ابوي قال لي انا راجع الصباح بدري انتي جامعتك شغاله بكره ولالا
اي ي ابوي شغاله بس م الصباح زي الساعه12كده محاضراتي بتبداء
طيب ي بتي ديل مصاريفك وانا بطلع بدري وبمشي البيت م يجي بجاي
سمح ي ابوي انا بمشي الجامعه بطلب ترحال ومن هناك زاتي ماشه البيت يلا في امان الله ي قلبي وبوستوا في راسه
في امان الله ي قلب ابوك انتي
ومشيت لقيت البنات ناموا مشيت علي امي لقيتها تتونس مع نسوان عمي رقدت جمبها وم حسيت بروحي إلا وانا نايمه
في جانب تاني
انتو ي بنات هبو وين م ظاهره في الواتس
بري ي الاء م عارفها من اخر مرة لاقينها تاني م شفتها
مروة:هييي م شفتوا محمد ووواي منو قرض
مناسك:محمد ياهو ياخ الولد المززز داك
الاء:محمد المعانا قصدك اي ياخ هو ووواي من جواي
بس الولد تقييل يختي م بجي بالساهل
مروة:ي زوله انا بجيبوا انتي مالك
مناسك:بكرة بنشوف احمد ده البنات كلهم مدشدشين فيه وهو ولا حياه لمن تنادي
هي بكرة شغالين الساعه كم
والله ي الويه12بس طبعا الفطور في كافي بره ونصيع حبه😂😂😉
والله ي سوكا ماهينه سمحه نمشي المافي شنو
وصحيت الصباح بدري لقيت مرة عمي تعمل في الشاي صبحت عليها ومشيت استحميت وصليت وجيت
ي خالتو في دقيق اي في مالك
عايزة اعمل كيكه نشرب بيها الشاي
البيت بيتك ي بتي اعمل العايزا
اوكي وطلعت الدقيق وباقي المكونات وعملت الكيكه صينتين كبار ولقيت ناس امي صحوا
يسعد صباحك يقلبي
وصباحك ي بتي اكيد عملتي كيكه صح😂
اي ي ماما عملتها والشاي جاهز
قعدنا نشرب في الشاي ويشكروا في الكيكه
جاء ماهر صباح الخير علي الجميع
صباح النور ي ولدي تعال اقعد
عاين لي وقعد قصادي كمان كيكه مزاجكم رايق
عملتها هبو اه رأيك شنو
عاين لي وسكت بقي يأكل اصلا هبه م بتعمل الا الحاجات السمحه خليها تعلمك بدل قعدتك ساي كده
اووومي شوفي ماهر ده بضحك علي
ي آيات اصلا هو كده بعدين م قال غلط اتعلمي مالك
تلفوني ضرب بنغمه
مين يحس بضيقتي وقت الشدائد غير قلب الام بالطيبه رحوم تستحق امي تغنيها القصائد
كلهم سكتوا ماهر رفع حاجبه اعاين لي عملت رايحه وشلت التلفون و رديت
صباح الفل والياسمين ي هبو
صباح الورد ي قلبي
كيف اصبحتي
الحمدلله تمام وانتي كيفك
كويسه الحمدلله اه اسمعيني م عندي رصيد نحنا ماشين نفطر في كافي بارك تعالي علينا
جات في وقتها اصلا م عندي حاجه بجيكم إن شاء الله
طيب ي هبو يلا نتلاقي
طيب ي مروتي وقفلت منها الخط وبيني وبين نفسي اي احسن اطلع من هنا
وامي قالت لي ده ابوك ولا شنو
لالا دي مروة ي امي صحبتي
ايوا كويس
بعد نضفنا البيت ورتبنا الاوضاع لمن جات الساعه 10 لبست عشان امشي القي صحباتي ونفطرمع بعض.
♡♡♡♡
الهروب من الواقع بخليك في حاله صمت وصدمه
م بتقدر تتحرك خطوة لقدام ساعتها لازم تواجه مخاوفك وأي حاجه حاصله معاك بقلب قوي وعزيمه أقوي
♡
اول خطوة÷آخر خطوة=هروب من الحب
اول خطوة للحب لمن تتقسم علي المخاوف بتدينا هروب من واقع انو نحنا بقينا نحب بعض .