كلمت ناس امي بس امي قالت لي فوتي عليك ي بتي الحمدلله بس
مشيت حضنتها ي امي قسمه القسام ماجد زول اي بت بتتمناه زول مسئول وواعي بس ربنا م كاتب يكون من نصيبي وأي حاجه في الدنيا قسمه ونصيب ولسه نصيبي م جاء
قالت لي الله يهديك ي بتي ويديك الفي مرادك والبسعدك قلت ليها اميييين يارب
ميار جات انا مافي لي دعوات زي دي قالت ليها الله يجيب عرسان سريع عشان تتخارجن مني
بصوت واحد امييين😂😂😂الشفقه تطير عايزات العرس
وجرس الباب ضرب جاءت خالتو صفيه سلمت علينا وانا مشيت المطبخ عملت ليها عصير شالتو ميار ليها ومشيت غرفتي ركبت السماعه وبقيت اقراء في منشورات الفيس واسمع في اغنيه كتير بنعشق
جات ميرو داخله بقت ماشه في الغرفه ولافه طلعت السماعات اه ي بتي مالك جاك عريس ولا شنو حايصه في الغرفه كده
اي جاني ولد خالتو صفيه
وووواي لمن قويه الولد قرض😉😉😍احييييين اختي ح اعرس وحضنتها جات امي داخله قالت لميرو فكري ي بتي م تستعجلي والولد كويس وبنعرفه وكلموا ابوي وابوي قال موافق ونحنا موافقين ميار قالت بستخير وبترد بكره
دخلت الفيس وكتبت منشور علي account بتاعي بااسم لمحه فرح بعد غيرتوا ل haboya
......♡
تعالوا نتجاوز فكرة اي حاجه بنحبها لازم تكون من نصيبنا نفكر بlogic معين
انو اي حاجه م حصلت لينا وكان نفسنا فيها بتجي من نصيبنا ولخير لينا وم اي فكرة جات في بالنا صح
لانو مرات الأفكار الصح بتجي في النهايه أو القرارات الصح م عايزة عجله عايزة تآني وتمشي معاها step step بكده بتصل بسلامه وبي ثقه انك ماشي صح 👍🌝
....♡
وبالليل طلعت الدكان جبت لي بن ورصيد وشيبس واندومي وانا ماشه في الشارع لقتني سهي ي سجم موشتتتاقون ي بتي وين انتي
كتييير الشوق ياه قاعده وحاتك وين انتي
روح نمشي معاك واشرب لي قهوة
في زول عزمك انتي
امشي هاالعولاق دي تعزمي منو ي ماما
وضحكتا صحي م بنتلاقي كتير بس صحبتنا ثابته وبنتعامل زي الاخوات واكتر ي صاحبه في الزمن الصعب😍😍
دخلنا البيت سلمت علي ناس بيننا وقالت لي جيبي البن اقليه ليك جهزي باقي الحاجات
اجهزوا الحوش بره وعملنا قعده وونسه وقهوة وعملنا فشار والبخور مالي البيت عملت استوري في الواتس
بصوره جماعيه احلي لمه مع الغوالي 😍😍
رد لي علوش يخسي عليك انا وين
قلت ليه انت مافي ليك معانا😂😂😂
قال لي اصلك سجم وقفلت الشبكه وخلص اليوم الحلاتو ده وابوي قال ماجد خطبته بكرة ان شاء الله انا بمشي بعد الفطور ي ابوي
خلاص امك وهبه بمشوا العصر معاي
طيب ي ابوي ومشيت عملت لي بيتزا ولقيت دقيق سمولينا عملت بسبوسه ظابطه ومشيت علي غرفتي لقيت سهي وميار يتونسوا قلت ليهم قوموا نصلي العشا لقيت ابوي مشي الجامع وصليت ونضفتا المطبخ وجهزتا العشاء وعملت لي شاي بلبن ويلا انتظرنا ابوي جاء وقعدنا كلنا ناكل وشربنا الشاي والبسوسه وابوي مشي نام وامي نامت وميار استخارت و نامت وسهي تخلط بالتلفون وانا مشيت عملت لي قهوة وقعدت اقراء لي في روايه انت لي
ونمت في الصاله وم حسيت الا الصباح ابوي بصحي فيني هبه مالك ي بتي نايمه هنا قومي صلي الصبح وادخلي الغرفه نومي
يسعد صباحك يالغالي
وصباحك ي عيون ابوك انتي
ماشي الصلاة انت
اي ي بتي عايزة حاجه لالا سلامتك ربنا يتقبل إن شاء الله
وطلع مشي الصلاة قمت صليت وقريت قرآن لمن جاء ابوي تقبل الله ي بابا
منا ومنكم صالح الأعمال م نمتي مالك
م جايين نوم قلت احسن اقراء لي ورد
اي احسن ربنا يحفظك ي بتي
ويحفظك ي ابوي يلا اعمل ليك الشاي ومشيت عملت الشاي وشربتوا مع ابوي وانا ساكنه قال لي ي بتي شايفك الأيام دي مالك م كويسه
💛💛💛💛💛💛
مصطفى سيد أحمد وقت قال :
"لا الليالي المخملية لا العمارات السوامق لا الأسامي الأجنبية تمحي من عيني ملامحك "🌸💜
دحض المثل بالقول :
"البعيد عن العين بعيد عن القلب"
الحب ما بتوقف على بعد المسافة☺
أنت تقرأ
انت ملجئي
Любовные романыوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
