وقف العربيه قريب لمطعم وقال لي انزلي
اترددت بس اصلا جيعانه نزلت ودخلنا المطعم قعدت في طاوله مشي طلب لينا اكل وجاء قعد قصادي ي هبو نحنا لازم نتكلم ممكن م رديت ليه
بقي يتكلم عارفه اني برييييدك لدرجه م تتصوريها من وانتي صغيرة بتجي بيتنا وانا اشيلك وامشي اشتري ليك مصاصه وشيبس وتبكي لمن زول يقول ليك اديني ولمن كبرتي ودخلتي المدرسه كنت بوصي عليك ولو زول ضايقك كنت بضربوا اي الوقت داك ريدتي ليك ك بت عم بس هسي انا بريدك وعايزك حلالي وعارفه بغير عليك شديد وبالاخص لمن تتكلمي وتضحكي مع غيري حتي من اهلك انا بغير عليك وانا ح اكلم عمي ويالسمحه انا جاييك عريس😉😉😉
طبعا موقف لايحسد عليه وربي زي الكبوا فيني مويه بارده و تلج لمن عرقت من التوتر
م رديت ليه جاوبوا لينا الاكل وحاتكم زي الماقال لي شي أكلت وبقي يعاين لي ويضحك حابي لي طفله انا الحمدلله بس 😍😍😍
وبعد خلصنا رديت ليه البقولوا ابوي انا معاه رد لي
طيب ومع اني عارف رأي عمي شنو
ومشينا كل زول فينا مبسوط من جواه وصلنا ناس عمو وبعد السلام وقعدنا جات العروس طالعه ي عولاق جايه لي كنتي تبيتي في الجامعه م احسن ليك مني😤😤😤😤😖
سوري ي حبي م انتي عارفه الدكاترة وكده😊😊وبوستها عامله جضومك الكبار دي 😂😂😂
قعدت تضحك احييي منك عارفني م بزعل منك زفته
كلهم قعدوا يضحكوا علينا الا اتنين طبعا ديل بعاينوا وفي عيونهم لمعه وياعالم البحصل شنو
اتونسنا انا ونوسه وقالت لي ماجد قرر يخطب قلت ليها ماشاء الله والله خطوة ممتازة ودي منو صاحبه النصيب دي
ردت لي بري م عارفه حلف م يكلمنا الا يظبط معاها كل الامور قلت ليها اششي ربنا يسهل ليه والله يستاهل كل خير
في جانب ماهر ياخ م تتوتر البت وبتحبها وهي شكلها بتحبك ودي بت عمك منتهي الموضوع ي صاحبي
ياخ انا هبه دي بقتل فيها ي خالد فاهم طيب هدي وامشي علي عمك وشوف البحصل شنو
ومشي كلم ابوي ابوي سكت وقال ليه تعال في الديوان لقي اعمامي قاعدين وماجد كلمهم انو محتار يقرر شنو
ي جماعه البت بتي والاولاد اولادي وانا احترتا وم عايز يحصل خلاف وعلاقه العائله تتوتر
كلهم بقوا يسالوا فيه الحاصل شنو
ماجد جاء طلب يتزوج هبه وفي نفس الوقت ماهر قال عايزها الإتنين أولاد عمها شاوروني
طبعا بقي في حاله صمت وصدمه لماهر وماجد
انا جيت مارة بديوان الرجال وسمعت كلامهم ابوي شافني قال لي ادخلي دخلت ومصدومه لانو ده بحبه انا وده صحبي وغالي علي
ابوي قال لي ي بتي قرري انتي ماهر ولا ماجد
رديت ليه بغصه في قلبي ولا واحد ي ابوي
ده ود عمي وده ودعمي مافي فرق بيناتهم وعشان م تحصل مشاكل احسن ولاواحد
ابوي عاين لي قال لي ربنا يقسم ليك الاحسن
ويقسم ليهم الاحسن
بس الموضوع م انتهي هنا عارفين لمن يتقدم ليك واحد من الاهل وترفضيه البحصل شنو
ام ماهر عاينت لي بزعله مشيت عليها حضنتني قالت لي ولايهمك ي بتي ربنا يديك الفي مرادك
حسيت بصراحه بعد كلامها ام ماجد صرت لي وشها وحسيت في شعاع جاي علي واخواته زعلوا مني
كلمت ميار انا ماشه البيت لي ي بت مالك كلمتها بالحاصل كنتي تختاري ماهر اصلا انتي بتحبيه
لا ي ميرو عمري م بكسر خاطر ماجد ب اني ارفضه بس في لانهايه مافي قسمه بيناتنا انا و ماهر
وابتسمت عارفين الابتسامه البتتصنعا في عز حزنك والالمك قالت لي حبيبتي انتي ربنا يجبر بخاطرك يعمري
م تكلمي اني انا ماشه براي بطلب ترحال ردت طيب خلي بالك من نفسك
وانا طالعه لاقاني ماهر ماشه وين انتي في الوقت ماشه بيتنا
نعم ماشه بيتكم وبراك هبله انتي
عاينت ليه بعين مكسور م بيدي حيله م حبيت اكسر خاطركم الإتنين ربنا يقسم ليكم احسن مني
ماجد سمع كلامي جاء علينا هبوش ياقلب لي زعلانه كده انتي اي زول بتمناك ونحنا مفروض نزعل عشان ضيعتي مننا م نحن وبعدين صحبتي انتي وم بتتغير مكانتك بالحصل ده😊😊
ابتسمت وغصب عني دمعه مني جرت
يلا انا ماشي عندي شغل كده وطلع خلاني واقفه ماهر بس بعاين لي نظرة عتاب
نظرة بتاعت لي تعملي كده م اتكلمت معاه كتير طلبت ترحال العربيه جات قال لي م تمشي من هنا ادخلي جوا بصوت عالي كده لمن خفتا دخلت البيت وهو اعتزر لبتاع العربيه ودخل صالون الرجال
الوضع اتكركب بس مافي زول بقول حاجه امي عرفت وجاطت بس هدت تاني لانها عايزة لي ماجد
نوسه ضربت لي ي سجم وين انتي
مشيت عليها قالت لي يعني م ح تبقي مرت اخوي 😢😢😢عاينت ليها وسكتا قالت لي بهظر معاك والله
لخير ي بت كلو
حضنتها وسكت رقدت وم حسيت بروحي إلايصحوا فيني قومي الناس جوا وانتي نايمه لقيت البنات لبسوا واتمكيجوا
مشيت استحميت وصليت العشاء ولبست لي فستان عنابي وارضيته رماديه وطرحه رماديه وشبط عنابي وعملت ميكب هادئ وطلعت مزززة
نوسه قالت لي وأي بتجنني ي بت اتحصني
ولقيت البنات وزعوا البارد والمويه البارده والشيلات ميرو قالت لي تعالي شيلي معاي صواني العشاء ديل مشيت لقيت ماجد برفع فيهم بالحيطه والبنات بستلموا فجاء ماهر جاء بقينا في حاله صمت كلنا
مجودي ارفع لينا الصواني النسوان كتار م اتعشوا
قال ليها من عيوني وعاين لي
ماهر انتبه ليه قال لي وقف قريب لي يحفظك ربي ومشي وشلت الصواني والنسوان كلهن يسالنني انتي بت منو حلاتك ماشاء الله
عملت رايحه طوالي ومشيت قعدت في حوش ناس عمي بالاتجاه التاني حسيت براسي لافي
جاء ماجد ماشي عاين لي هبو مالك
مافي حاجه تعبت قلت ارتاح شويه جيت اقوم مسكني من يدي اقعدي مشي جاب جهاز الضغط وقاس لي ي دكتورة عندك انخفاض وشغاله كمان قومي ارقدي هنا ومشي جاب صحن فيه جبنه وزيتون ودجاج اكلي ديل سريع ولا بكلم عمي ضحكت خوفتيني يعني كده
ضحك قال لي يلا اكلي أكلت ومشي جاب لي سفن اب شربتوا ورقدت بينادوا عليك
مشي عليهم وانشغل جاء ماهر ماشي لقاني راقده ومغمضه عيوني
بقي قاعد في الارض ويعاين لي
جاء ماجد عاين ليه م تصحيها عندها انخفاض
طيب اوديها الدكتور
شكلك نسيت ي اخوي انا زاتي دكتور
اعزرني ياخ بس خفت عليها دي الغاليه
ماجد عاين ليه بنظرة عميقه كده غاليه علينا كلنا ي اخوي ومشي منه
ماجد و ماهر وهبه القدر لعب معاهم دور صعب شديد وربنا يجبر بخاطرهم 😊😊
..........♡♡♡
ـ كِانَ سِيَدِنَا ْعلُيَ بّنَ أبّيَ طِالُبّ يَقًـوَلُ لُلُسِيَدِةِ فَـاطِمٌةِ الُزُُهرَاء:
ـ "إنَ غًِبّتِْ ْعنَ قًلُبّـيَ فَـيَا ضُيَْعتْيَ مٌنَ آيَنَ لُلُصّـدِرِ بّقًلُبٍّ بّـدِيَلُ"
💖🌸
كس~س~س~ره💙
دايما في الدنيا ربنا بختبرنا باقرب زول لينا
ماهر كان بالنسبه لهبه حبها بس في نفس الوقت ماجد كان صاحب واعز ومكانتهم
كونوا تكسر بخاطر واحد علي حساب التاني صعبه فكسرت خاطرها هي وخاته في بالها انو ربنا ح يجبر بخاطرها يوما ما
م تفتكروا انو علاقتكم دايما القرار في يدكم مرات بتتجبر وتضغط علي نفسك عشان الحوليك بمبدأ انك م عايز تكسر خاطر حد فربنا يعوضك عوض يغنيك عن اي حاجه حسيت بيها ......♡♡♡♡
أنت تقرأ
انت ملجئي
Romanceوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
