رجعت البيت مبسوطه اني لاقيت صحباتي طولنا م اتلمينا سهي دخلت بيتهم وانا العربيه وصلتني جنب الباب
وجيت عايزة ادخل لقيت ماهر في وشي بسم الله
مالك شايفه شبح 😂😂😂
شفت عفريت ي ظريف😒
سلم علي كيفك ي هبويتي
الحمدلله تمام كيفك انت
انا تمام بشوفتك تمام
م رديت قال لي
اه من وين إن شاء الله
مشيت لصحباتي في مشكله
انا مسافر بكره
رديت ليه امكن اللهفه الكانت في كلمتي م بحس بيها الا هو وين ماشي🙂😑
مسافر السعوديه ماشي اشتغل وحبيت اودعك اقصد اودعكم
ايوا ربنا يسهل ليك ويوفقك
آمين ي هبوش دعواتك لي
اكيد معاك ي ود العم
يلا مع السلامه امكن م الاقيك بكرة بدري و الوقت أتأخر ادخلي
طيب مع السلامه وخلي بالك من نفسك
إن شاء الله وانتي كمان ان تنقطعي مني
إن شاء الله يلا
ومشي ودخلت البيت وبكده اتغيرت حياتي 360
لقيت ناس بيتنا يتونسوا
السلام عليكم
وعليكم السلام ببتي السمحه
وقعدت جمب ابوي ومسكت فيه مالها بتي السمممحه
كويسه ي ابوي بس وحشتيني انت
كتير ي عيون ابوك
وامي قالت قوموا اعملوا صلوا العشا
قمنا لبسنا اسدالات الصلاه صلي بينا ابوي جماعه
بعد انتهينا مسكت تلفوني ودخلت علي account بتاعي لقيت كميه من التاقات وطلبات الصداقه ومن بينهم محمد الفي جامعتنا اترددت بس تاني قبلتوا
رسل لي علي طول ي قلب
رديت ليه اهلين
كيف عامله؟
الحمدلله تمام كيفك انت
انا تمامين بوجودك
رديت باسمايل بس😊
طبعا نحنا م بنعرف بعض كتير الا أسمائنا بس
اي صح😅😅والله
طيب ي ستي انا محمد دفعه معاك وكده ابوي عادل رجل اعمال معروف وعندي اخت واحده اسمها وعد في تالته ثانوي والغاليه اسمها اميره
ماشاء الله ربنا يحفظكم لبعض
آمين يارب ويحفظك طيب احكي لي عن حياتك
انا هبه صديق وعندي اخت واحده اسمها ميار
ونبع الحنان اسمها قمر وابوي شغال أعمال حرة وكده
وبقينا نتونس اجد طلع عكس م شايفه كنت إنسان فرفوش ياخ المووووهم بقينا بست فريند
وعدت الأيام خلصت الاجازة بسرعه عجيبه وظهرت النتيجه☻☻☻
ضربت لي مروة من الصباح ي قلب كيفك
تمام ي مروتي انتي كيفك
انا تمام الحمد لله اسمعيني ي قلب شفتي النتيجه الليله تعالي بدري عشان الزحمه
طيب اصلا لبست وح اطلع م بتاخر يلا باي
ولقيت ابوي قاعد سلمت عليه بابا وصلني في طريقك لو بتقدر
يلا اطلعي وطلعنا مشينا في الشارع قال لي النتيجه الليله
اي والله وخايفه منها موت مع اني متاكده اشتغلت كويس بس خايفه
ي بتي السمحه انتي عملتي العليك والباقي علي رب العالمين م تخافي
وصلت الجامعه في البوابه لاقيت محمد قال لي بروفنا
ضحكت منو دي انا😂😂😂
اي مالك م قدرها ولا شنو
ياريت والله علي الله ده
علي اجتهادك ي السمحه😂😂وربنا بديك حقك
اها ازول خلينا نمشي م توترني اكتر
ومشينا علي حرم الجامعه لقينا الدفعه كلها متلمه علي البورت ويشوفوا في النتيجه انا بقيت واقفه بعيد جاء علي صاري قلت ليه اها بشر عملت كم ؟؟قال لي معدلي كعب ☹☹☹ 3.44اتوقعت اكتر والله
ي زول مبرووووكات ده معدل رهابه المره الجايه شرف إن شاء الله
الله يبارك فيك ي فرده وانتي م عارفه دخل محمد قال بشوفها لي معاه
وقف معاي جاء محمد ومركب وش صاري ي هبه م اتوقعتك بعد كلمتي القبيل دي تجيبي كده
ووواي اها قول لي في شنو
معاك م كويس🙂🙂🙂
شنووووووو😨😨😨😨😲😲
ي بتي روقي م كويس وبس قصدي روووعة ي بتي انتي البروف حقنا
احلففففففف ووواي ابوي
انتي هبله هسي ده شنو ابوك دخلوا شنو
انا لمن اتحمس بقول ابوي ي عولاق اصلا
اها اصلك معولقه من عرفتك😂😂😂😂
علي ي سجم سكت محمد ده😂😂
سممح وانت ي فرده عملت كم
انا 3.55
ماشاء الله ي محمد مبرووك
والبنات جوا علي بروفنا مبرووووك😍😍😍😍😍
الله يبارك فيكم حبيباتي
والله ي هبو قويه لكن
الحمدلله
اليوم كلو يباركوا وعملوا لي لمه واحتفال محمد جاب التورته مخصوصا لي 😌
لو م عندكم صحاب زي كده معناها م صاحبتوا
ياخ ناس كانوا هم النجحوا يعني فرحك قبل فرحهم ديل نادريين😊😊
......♡♡♡
مصطفى سيد أحمد قاال :
الاصحاب ما احلاهم.. شالوا معاي الهم بالجملة💜
بجد في نعم بتجيينا علي هيئه أصحاب لو عندكم أصحاب حافظوا عليهم لانو نادر م تلقي ناس تتمني تشوفك في العالي .
تااااقوا صحباتكم نشوف نعم الله عليكم كيف😂😂😂😂
أنت تقرأ
انت ملجئي
Romanceوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
