انت ملجئي

18

وقبل صلاه العشا كده مجودي قال لابوي ي عمي بكره الشنطه بتاعت نوسه وبعد اسبوعين العرس إن شاء الله ابوي تلفونك م بدخل معاه حاول يتصل عليك كتير
رد ابوي اي ي ولدي تلفوني شبكتوا كعبه الا اغيروا
انا :وووي نوسه ح تعرس😍😍😍😍ي سلام ياخ مبروك ليها ي مجودي وعقبالك كده يارب
رد لي جمعا ي هبويتي 😉
ماهر حمر لي لمن خفتا منو وقالوا يمشوا بعد كده الوقت أتأخر وعدا اليوم الحلاتو والمتعب
اليوم التاني صحيت لبست للجامعه وصبحت علي ناس البيت
بابا حبيبي يسعد صباحك
رد لي وصباحك ي قلب ابوك
امي جابت الشاي ومعاه كيكه ظابطه وجات ميرو صبحت علينا
يلا اليله الإتنين بكره شنطه إيناس طبعا امكم وانتي ي ميار ح تمشوا من اليله وانا شغال م بقدر امشي الا بكرة وهبو عندها جامعه تجي معاي
طيب ي ابوي اصلا كنت عايزة اقول جامعتي م بقدر امشي الا يوم بكرة بعد الدوام
قاموا جهزوا حالهم وانا طلعت مع ابوي
ميار قالت لي خلي بالك من نفسك واكلي م تنسي
حاضر ي مامتي😂😘
ياخ امشي معانا واكسري حنك الجامعه اليله وبكره
قلت ليها القميل م بقعد بدوني عارفه😉😉بس ي ميرو دكتور وائل ده صعب ممكن يربتني لو دكيت محاضرته 😢😢💔
خلاص خلاص اتخارجي يلا اتأخرتي علي جامعتك
يلا سلمي عليهم وعلي إيناس انا بضرب ليها بعدين
اوكي يلا ي حبي
وطلعت علي الجامعه مع ابوي يلا في الشارع قال لي لو عايزة تمشي ناس عمك من الجامعه م عندي مشكله
قلت ليه لالا بمشي بكره إن شاء الله اصلا الدوام بخلص متاخر بطلب ترحال و برجع البيت بنتظرك
انا لو لقيت طريقه بجي اسوقك
طيب ي ابوي
يلا وصلنا خلي بالك من نفسك وامسكي ديل مصاريف وكدة 😉
تسلملي ي قلبي
الله يسلمك يلا مع السلامه
الله يسلمك يارب
ونزلت وابوي مشي وجيت داخله علي البوابه لمحت من بعيد علي جاء سلم علي
هبوش كيفاتك
الحمدلله ي علوش وانت كيف
الحمد لله كويس والله
الحمدلله يلا المحاضره باقي ليها تلت ساعه ندخل قبل القاعه تتملي جينا داخلين في ولد بعاين لي بطريقه غريبه بس م ركزت معاه
المهم قعد علي جيت اقعد في بنت جات وبسرعه قعدت جمب علي فهمتها انها مربطه معاه عملت رجوع طوالي نفس الولد لقيت جمبه مقعد فاضي من شافني زح شنطته منه قلت سلام عليكم وقعدت م رد لي قلت امكن اصم ولا شي بعد مسافه ح رد لي وعليكم السلام
وسكتنا قلت في نفسي البنت الخفيفه دي هسي في داعي لحركاتها دي ناس م عندها زوق بس
لقيت علي يأشر لي نظام تعالي هنا
رديت ليه لالا كده مرتاحه
عاينت لقيت الولد ابتسم
اجييي ي ناس ده مجنون ولا كيف
الموووهم سكتا وبتكلم مع نفسي م لاحظتا لدكتور وائل دخل
قال لي هبه صديق بصوت عالي
نعم ي دكتور
انتي م شايفه في زول قدامك ولا شنو
اسفه م قصدي كنت شاردة
قال لي معاقبه لأنك تجهزي لي سمنار مع نهايه المحاضرة تطلعي تقدمي
بتكلم عن غيبوبة السكر
جدا ي دكتور جاهزة بثقه قلتها
لمن اتخلع مني والجماعة الفي القاعه كلهم بقوا مصدومين
والولد الجمبي بقي يعاين لي بلمعه غريبه في عيونوا كده
المهم خلصت المحاضره وقمت علي حيلي قال لي اتفضلي وقدمي متوقع اني اخاف بس م عارفه حسيت ب powerعجيبه قمت ومسكت المايك وقلت السلام عليكم
معاكم هبه صديق
ح اتكلم عن غيبوبة السكر وكيف بتحصل او ح نعرف نوعها شنو يعني مثلا انخفاض او زياده علي حسب مؤشرات معينه
نجي نتكلم عن انواع غيبوبة السكر:
أ‌- غيبوبة ارتفاع السكر( Hyperglycaemic Coma):
وهي حالة يفقد فيها الانسان وعيه نتيجة ارتفاع السكر،
واسبابها هي إهمال علاج السكر خاصة النوع الاول منه.
اما اعراض غيبوبة السكر فتشمل:
1-زياة معدل التنفس.
2-رائحة الاسيتون( الذي تشبه رائحته الكحول) بالفم.
3-النبض يكون سريعآ وضعيفآ جدآ.
4-الجلد يكون جافآ واللسان كذلك.
ومن التحاليل يتبين وجود ارتفاع شديد للسكر بالدم ووجوده أيضآ بالبول ونجد أجسام كيتونية( Ketones Bodies) (عبارة عن مركبات كحولية سامة تنتج عن تخمر السكر) في البول.
وينصح الاطباء مريض السكر انو ينظم علاج السكر والتزم بالحمية في الوجبات الغذائية اليومية عشان ما يتكرار زي الغيبوبة في المستقبل
في سؤال عن الجزئيه دي ي شباب ولا نتكلم عن other type طبعا حسيتهم ح يصدموا م اتوقعوا اني اكون كده😌😌
يلا الزمن خلص ودكتور وائل صفق لي يده ممتازة ي هبه 👏👏👏👏والقاعه كلها صفقت لي معاه قال لي اللكشر الجاي القي الموضوع ده في شكل pdf
قلت لي أن شاء الله وطلع
بقوا يقولوا لي قوويه ي بت
والولد جاء ماشي بعندي قال لي ده المتوقع منك
... ... ...... ..... ..... ..... ..... ... ♡♡♡♡
مرات كتير بكون جوانا حاجات كتيره لو عرفنا نطلعها في الوقت المناسب في المكان المناسب بتفرق في حاجات اكتر
لو جواك طاقه فجرها خليها ترسم ليك طريق لقدام لانو مرات كتمانها بضيع من يدينك فرص ويا عالم تلقها تاني ولالا