انت ملجئي

30

اليوم التاني وصلني اميري الجامعه ومشي وانا داخله لقيت محمد في وشي
ده حبيبك صح😒😒😒
ابوا حبيبي رأيك شنو فيه
سفهني ومشي وواي طبعا😂😂😂😂
الموووهم عدت الأيام وانا علي نفس المود امشي الجامعه واطلع مع عمو امير
وفي يوم عمو امير جاني في الغرفه ي حبي
اششي علي اميري اليله عايز شنو مني احكي
والله ي هبش انا قررتا استقر وكده وحابي اتقدم لسهي صحبتك يعني اذا م مرتبه وكده لانو البت دي من شفتها علقت فيها ياه
وواي مبروووكات😍😍😍😍وزغردتا من الفرحه
ي بت اهدي اتكلمي معاها اول وتاني نشوف
وفعلا كلمت سهي ووافقت وعمي كلم ابوي وباقي الاهل ومشوا لاهل سهي وتمت الموافقة وحددوا العرس وبقيت جاريه مع سهي للتجهيزات العرس ومره مع عمي
وجاء يوم عرسهم وانا طبعا وزيره العروس والعريس دبل يعني 😂😂😂😉
لبست لي فستان منقاوي قصيتوا ساده وفي الجمبه زي حركه كده كيوت بس بشفونه منقاويه
ولبست كعب عالي رصاصي والطرحه م لبستها☺☺
وروج لحمي وعملت لينسزز وعملت شعري برم بالجمبه ورافعه جزء منه والباقي جاي نازل بالجمبه وعملت كنتور ظبطوا وشي فل ميكب وبعد كده نزلت صوره لي في الاستوري قبل م اطلع
وقفلت البيانات وبماانو العرس في صاله لقيت الجماعه كلهم مشوا
بس في انا وميار قالت لي بسحرووك يالسمحه😉😉😉😍صورتني بتلفونها وقالت نمشي ب ترحال
تلفوني ضرب قبل م اقول كلمه انتي وين 😑😑
في البيت طالعه علي الصاله
انتظري جاي عليك 🙃🙃🙃🙃
نشوف في الصاله الحاصل شنو
وواي عايني الولد اللابس بدله كحليه قرض كيف
وواي من جواي مزززة😴😴
ديل طبعا في اي حفله بتلقي النوعين دي لانبرش بس 😂😂😂😂الله يعرس ليهم
انتي وين ود خالتك ي قلب
جاي في الطريق يالسمحه 😊😊
خايفه بت عمه تعمل ليك مقص ي صحبتي
لالا م تخافي خالتي معاي وضحكت بخباثه😂😂😂😂
يلا نرجع لهبو ماهر جاء ومن شافتوا قبل م تتكلم جاء صاري امسحي الزفت ده سريع والبسي ليك طرحه
انت منو عشان تتحكم فيني كده 😤😤😤م بعمل ولا شي ماشه من بيننا انت مالك
الله أكبر ي بت الناس ي تمسحي ي امسحوا ليك انا
جيت ماشه مسك لي يدي امسحي الزفت ده
لمن دموعي جرت مسحت الروج قعدت في الصالون جاء قعد قصادي
هبو عايني لي هنا انا بغييير شديد اعمل شنو وبعدين المابرضي لي أخواتي م برضي ليك ولا رأيك شنو
سكتت
يلا الحفله بدت وعمي قال اجي اسوقك انتي وميار
ميار جات طالعه مالكم إن شاء الله 😉 م رديت ليها دخلت لبست طرحه رياضيه في والتسريحه وخففت الروج
وجيت طالعه قال لي كده كويس
ومشينا علي الصاله لقيت العرسان قبل م يدخلوا
وطلعت ماهر كان لابس بدله كحليه وقميص ابيض وجزمه كحليه الساعه وعطر عجيب
اشتغلوا بصورنا ومن ضمن الصور لينا انا و ماهر مع بعض
ودخلنا مع العرسان علي اغنيه عايزه حاله حب
مع كل كلمه بقينا نعاين لبعض انا و ماهر
واول م دخلنا مشيت علي طاوله ناس امي قالت لي البسي الطرحه مالك عاملها كده طوالي نزلتها من راسي وشايفه ماهر يحمر لي عملت رايحه طوالي ده عرس البيست فريند يجماعه😍😍😍😍😍
والحفله كانت كلمه روووعة شويه عليها والجرتق رهااابه ياخ 😍😍😍😍
ورقصت حتيتوا حت في نص الدايره😊😊
بعد خلصت الحفله قعدت في كرسي جاء قعد قصادي ولد سلم علي وقال لي انا وائل
اهلين 🙂
اسمك منو انتي؟
هبه
عاشت الاسامي
تسلم
شفتك وعجبتني الصراحه ممكن نتواصل
لا طبعا😊
وقام مشي جاء ماهر طيران ده منو وانا ما  قلت تلبسي الطرحه كلامي م مفهوم بغضب عملت رايحه طوالي وجريت😄
وعدا احلي يوم لاحلي غوالي علي قلبي😍😍😍
وجات الامتحانات بسرعه وخلصنا رابعه وم كان في إجازة طويله زي اسبوعين بس
ويوم انا قاعده في حوش بيتنا ومشغله تلفوني اغاني جاء ابوي ونادانا كلنا تعالوا
انتو ماشين وين نحنا بس😉😉😉

.....💛💛....💙💙....💜💜.....❤❤