تلفوني ضرب رديت وانا شبه نايمه نعسانه شديد
الووو
سامعه صوت جوطه كده الووو ي هبو معليش صحيتك من النوم اعفي لي
لالا ويهمك بس سوري م عرفتك؟
معاك ماجد
اهلييين مجودي كيفك
تمام التمام وانتي كيفك
الحمدلله تمام
شنو يعني م جايه علينا ولا كيف
لا والله بس مع الجامعه بجيكم بكرة ان شاء الله
فقدتك والله
م تفقد غالي يارب
اه يلا م اصحصح بيك اكتر لبكرة
طيب يلا
وقالت الخط جواي حاجات كتير جايطه وعندي شكوك لو صحت مشكله يارب ونمتا م صحيت الابصوا ابوي يلا قومي صلي الصبح
قمت صليت وعندي احساس م حلو انو ح تحصل حاجه بس اتعوذتا ومشيت عملت الشاي ونضفت ابوي قال لي جيب لي رصيد وبسكويت للشاي
طيب ي قلبي
ومشيت لبست لي توب وماشه في الشارع لمحت ماهر لابس ليه علي الله وواي طالع عجيب😴😴😴
عملت فيها م شايفه قال لي هبو
م رديت مشيت اشتريت الرصيد لابوي ولمن جيت اشتري لي انا قال ليه م تحول ليها بصوت عالي قلت ليه وين عمو اليله قال لي تعبان شويه رديت ليه ربنا يديه الصحه والعافيه يارب
طيب عايزة بسكويت وده حسابك
شال مني القروش ماهر دفع ليه بقي محتار
وانا مشيت خليت ليه القروش في شباك الدكان واتحمقت ياخ ماشه قربت اقع ودموعي قرقرن
مسكت نفسي وضربت رجلي
ماهر جاء جاري علي هبو مالك ي قلبي الحصل شنو
جيبي اشوف رجلك مالها
طبعا عرفتوا اني علقت في كلمه قلبي وبقيت بعاين ليه لخوفوا علي لحنيته مع انه مرات عصبي وسرحت في عيونه وأي رقدت رز😂😂😂😍
يلا لي استندي علي عشان اوصلك البيت
ابعد مني ي ماهر لو سمحت
قال لي والله ي ستهم ي تخليني اوصلك ي بشيلك بوصلك البيت وانتي عارفاني بعملها
خفت منه 😢😢😢😤لانو مجنون وبعملها
استندت عليه مسك لي يدي وضفط عليها وقال لي ح تبقي لي ي هبو وتاني لا اي زول عندو حق يقرب منك
وانا ساكته وصلنا البيت لقيت ابوي طالع قال لي مالك سلامتك ي بتي
ابوي مافي حاجه م تخاف ضربت رجلي في الشارع وانا راجعه بس كويسه يلا خلوني البس امشي الجامعه ابوي رد لي مافي ليك جامعه بحالتك دي
ابوي والله هي محاضرة واحده والدكتور صعب بربتني ياخ
طيب ي عمي انا بوصلها م تخاف واصلا م عندي حاجه
طيب ي ماهر وصلها معاك ناس عمك
و طلعنا ماهر مشي جاب عربيه وجاء ومشينا الجامعه دخلت مع اني رجلي وجعاني لقيت الاء وباقي الشله مشيت عليهم ودخلنا المحاضره بعد خلصت مسكوني أسئله ده منو القرض الجابك ده
والاء انبرشت فيه وووواي طبعا مووووزة
ي بت ابردي ده ود عمي ماهر
كلهم بصوت واحد احييييييي اي يالطييييف😍😍😍😍
طبعا شبعت ضحك عليهم وتلفوني ضرب لقيته ماهر نعم
هبو خلصتي دوام
اي خلصت وطالعه خلاص
يلا انا في الباب
ومشيت علي البوابه لقاني الولد داك تاني
قال لي وعينان كبحر وفيها غريق فكيف النجاة منها وغمز لي 😉😉😉
ضحكت ياخ كيف
رد لي ضحكه شمس شرقت واتنفست وردة
ابتسمت ومشيت عيني وقعت على ماهر واكيد شاف الحصل ده😑😑😑😨
فتح لي الباب وبقي سايق وساكت وفجاء زاد السرعه لمن قلبي كان حايقيف من الخوف
قلت ليه انت اهبل لو عايز تموت انا م عايزة اموت نزلني هنا ياخ انت م بتفهم
رد لي انا ي دكتور يومي لازم افهمك تبعدي من ده ومن ده
انت مالك انا حرة اوكي وبابا موجوده فما تلعب دور السيد في حياتي
قال لي طيب لي كلام مع ابوك ونشوف البحصل....
♡♡♡♡
في حاجات كتيره ومعتقدات في مجتمعنا بتمني انو نحنا نغير بس مع مرور الوقت بتلطشنا يمين وشمال بس لو عندنا القدرة مفروض نحاول نغير نفسنا ونغير محيطنا لانو التغير لو م بداء منك م حتقدر تغير الحوليك
والمشيه بتبداء بخطوة والخطوة بدايه للجري ومن تتعلم الجري ممكن تهرول بنفس المبداء نقيس حياتنا ردودنا وبكده بثبت افكارنا ونقيف بثبات 😌
♡♡♡♡
أنت تقرأ
انت ملجئي
Romanceوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
