لبست لي عبايه سوداء وطرحه سوداء واسبورت كبدي وشنطه يد صغيره كبديه وشلت تلفوني والسماعه ومشيت علي امي انا ماشه ي امي
وين ملابسك الباقيات
في شنطه ميار اصلا جبنا شنطه واحده
يلا خلي بالك من نفسك
حاضر ي غاليه وسلمت علي البقيه وكلمتها اني ح امشي بهناك بيتنا
وطلعت مسكت تلفوني اطلب ترحال فجاء وقفت لي عربيه
يلا ي هبو اركبي اوصلك
ماجد اهليين تسلم بس بمشي بترحال م تتعب نفسك
ي بت سوورعه اركبي بنبرة جاده
ههههه خوفتني سمح سمح وركبت العربيه
كيفك ي قلب
الحمدلله تمام كيفك انت
انا تمام الحمد لله
الحمدلله وسكتنا الإتنين
ي هبو عارفه انا بحبك لا اسمعيني للنهايه امكن انتي معتبراني صاحب واخ بس الله في سماه عارف مكانتك جواي شنو وانا م بقول ليك كده عشان تتراجعي من قرارك لا ابدا والله انا ردتك اكتر بعد رفضتينا الإتنين بدل تجرحي واحد فينا وانا عارف ماهر بريدك قدر شنو عشان كده انا قررتا اخطب بت خالتي والعرس ح يكون بعد شهر
سكتا من صدمه كلامه علي صدمه عرسه بس رديت ليه ربنا يديك الأحسن والبتسعدك
رد لي من بعدك انتي القي الأحسن وين ي قلبي م علينا ي هبش تجي عرسي طبعا ويوم الخطوبه اخت العريس انتي صح
اكيد ي غالي ربنا يسعدك ويتمم علي خير
عاين لي وسكت لمن وصلنا كافي بارك نزلني هنا بس
لي مالك عايزة حاجه
لالا بس صحباتي عازمني فطور هنا وبعدها نمشي علي محاضراتنا
ايوا كويس يلا خلي بالك من نفسك
إن شاء الله وانت كمان في امان الله
ومشي ماجد وامكن الجواي في لحظتي دي لخبطه من عيار تقيل ياربي انا كده صح ولا غلط خايفه بسببي يكون اختار غلط عشان ينساني يارب
ابتسمت ودخلت الكافي ماشه علي البنات وقف قدامي الولد سنيوريتا رفعت عيني لقيته
طبعا م بنعرف بعض انا محمد مد لي يده
وانا هبه سلم علي ومشي من غير ولا كلمه اضافيه
البنات ووواي انتي بتعرفي محمد
م يكون حبيبك ي بتي
هيييي انتو حبيب شنو وبطيخ م عندي حبيب انا ده و حكيت ليهم مواقفه معاي
غمزت لي الويه معناها حباك الولد لانو تقيل م برد علي مين م كان
مروة دي عاينت لي وسكتت
يلا ك عايزين تاكلوا انا جيعانه ياخ
مشت مناسك طلبت الاكل وجات
أكلنا لمن قلنا بس عارفين البنات لمن يتلموا😂😂😂😂😉
وخلصنا سوكا مشت جابت عصير منقا عجيب شربنا
يلا انا عازمكم قهوة في الجامعه
اي ي هبو انتي الكيف ياخ
بطلوا بكش ويلا مشينا برجولنا الجامعه قريبه من الكافي لقينا الدفعه كلها علي البورت هي م يكون الجدول علقوا
شكلو واي ياخ انا م قاريه الحبه مشينا لقينا الجدول اتعلق
ي بنات الامتحانات باقي ليها أسبوع بنقدر نلحق
صح ي هبو نحنا نكسر قرايه الوقت كلو بنلحق إن شاء الله
اي إن شاء الله ومشينا علي المحاضرة م لقينا الا البنشات الوراء بس اعاين لقيت محمد يأشر لي مشيت قال لي ده مقعدك انبسطت كيف م بحب اقعد وراء لأني م بركز هناك البنات مشوا البنشات الوراء
والمحاضرة بدت وانا كنت بكتب نقاط من كلام دكتورة امل
ي هبه امسكي الدفتر ده بشيلوا منك بكرة خلي معاك
انا كتبت ي محمد م يحتاج
لالا ي دكتوره شوفي ده احسن ليك
شله الدفتر في شنطتي اصلا الدفتر زي النوته صغير
والمحاضره خلصت طلعنا علي حوش الجامعه مشينا خالتو للقهوة
ي هبه انتي الولد ده حكايته معاك شنو 😉😉
هي ولا شي اصلا بصادف كنا بنقعد في بنش واحد فهو حجز لي معاه
لالا تمام ي هبو
انتو مسؤولين من الخير علوش وين لي كم يوم منه
قاعد يختي يخلط الأيام دي صاحبك طلع م هين😂😉
هههههه احسن ليه ومشينا تحت شجرة النيم وفي مقعد بتاع اسمنت نشرب في القهوة سلمنا علي الخاله وقعدنا
يلا ي خالتو قهوتي عارفهاطبعا
قالت لي ي هبه انت زبوني الخاص صحباتي ضحكوا والله كلام لكن زبون خاص قلتي لي
وشربنا القهوة والاء دي جننتني ياخ مجنونه كيف بس عسل وسوكا بس مروة دي م عاجبني اليله م عارفها
وعدا اليوم ورجعت البيت بترحال وبقيت مضغوطه مع القرايه
عصرت روحي لدرجه وجات الامتحانات بسرعه بس كنت خايفه مع اني قاريه بس خايفه واهلي دعموني شديد في الفتره دي ماهر اختفي نهائي م عرفته عنه وم حبيت اسال منه
وخلصت السنه وعندما اجازة كبيره شهر بس
ويوم قاعده في البيت ضرب لي ماجد
هبش ي قلب
اهلين مجودي كيف عامل
تمام التمام وانتي كيفك
تمام الحمد لله
بكره خطوبتي طبعا حبيت اكلمك اول زول
البؤرة ح تفك بعد كده😂😂😉
اي ي سجم خلاص تعالي بدري تكلمي ناس البيت كلهم
اوكي ي قلب يلا سلام وقفل الخط حسيت برضا انو علاقتي بمجودي رجعت زي الاول وح يشوف حياته مبسوطه ليه ربنا يسعده
اي حاجة في الدنيا قسمه ونصيب ده مفروض نخلي اساس لحياتنا و جبر الخواطر فِـ لحظة الضعف عُمرها ما بتتنسي.. 💙!
......♡......
أنت تقرأ
انت ملجئي
Romanceوآلنفس تميل لمن يُشبههآ ، وآلقلب يميل لمن يدخُله دون إستئذان ، و" الله " يُوزع مَحبته بين البشر كَيفما يَشاء, وآلأرواح عليّ أشكالها تَقع💜🍃✨ 🌸 وانا وقعت فيك كنت انت ملجئي وموطني كنت انت احتمائي😍 بقلم tanoya mahmoud
