رواية #جعلتني_أحبها
#البارت_الثاني
سارة بضحكة : اي سرحت شوي 😅
احمد مشي للمطبخ بيجيبلها امية،
سارة :واك ياربي تو يقول شن هالهبلة هذي من اول يوم هكي
احمد جي وجاب معاه طاسة امية
احمد:ههههه خودي اشربي قاعد وجهك مخلوع
سارة: اممممم شكرًا
سارة شربت وحطت الطاسة ع الطاولة ،تلفتت لأحمد اللي كان منسجم مع الكورة،
سارة: احمد
احمد بلا وعي:عيونه،والتفت عليها ،أسف قصدي نعم
سارة في بالها :أسف! ماشي يا احمد
سارة :احكيلي عليك،احمد مستغرب!
سارة تكمل كلامها :يعني بما اننا توا زوجين لازم نعرفوا طباع بعض وكل واحد فينا شن يحب وشن يكره،مع انه مفروض كان يصير هالشي في فترة الخطوبة هكي الطبيعي
احمد شن تبي تعرفي مثلا،
سارة بقصد،نبي تحكيلي ع حياتك قبل ، وعلى .....
احمد :على شن؟
سارة :اممممم على زوجتك الاولى !
احمد عصب وبدا نار في وجهه بمعنى من انتي بيش يحقلك تسالي عليها
سارة فهمت عليه:ماتعصب ، اعتبرني صديقتك من اليوم مش زوجتك ،وخليني في حياتك وافتحلي قلبك،انا توا جزء من عيلتك بس مانبيش منك شي ولا طالبة منك شي الا صداقة!
سارة كانت فاهمة وضع احمد وكل شي عليه وحاطة خطة بيش تكسب احمد كزوج حقيقي وتعيش معاه قصة الحب اللي بدت عندها معاه بس من طرف واحد !
احمد بعد سمع كلامها ارتاح شوي خاصة من موضوع الزواج ومعاملة الزوج والزوجة،
قعد مرتبك ويحك في راسه،سارة تراجي فيه يحكي ،
احمد:ايه كانت اول واخر حب في حياتي!
قالها بغصة ووجع ودمعة في عينه ما رضتش تنزل
كمل كلامه،
احمد : هه اول مرة نشوفها لما جت زيارة عندنا وانا كنت مسافر لما روحت للحوش كنت نبي ندير مقلب لاهلي ..
احمد يحكي بضحكة ويتذكر ..
احمد :روحت للحوش وفتحته بالشوي خشيت مالقيت حد،قعدت نمشي بلا صوت خشيت لعند وصلت لدار الضيوف نسمع في صوت حنين وأمي،قعدت نمشي متخفي لعند خشيت فجاة جريت وقلت بووووم عهههه نذكر في وجوههم مخلوعين لعند جت عيني في عينها كل شي توقف!ههههه حسيت بالعبط في لحظتها ،منظري كان يضحك ،توقف الوقت كله في هذاك اللحظة،بعد رجعلي الوعي وعرفت روحي في موقف بايخ ماعرفتش كيف نتصرف قعدت نحك في راسي،ههههه ايه كانت تضحك لآني ماعرفتش كيف نتصرف،أمي وأختي حنين ينادن عليا احمد احمد ههههه ماعرفتش ليش معاش طلعت ماقدرتش انشليت،هههه بس الحق كانت هيا السبب كنت نبي نشبع من عيونها،لعند جت أمي خبطتني ع يدي ،لحظتها وعيت ومشيت بسرعة ناحية الباب وقلت أسف !
طلعت برا الدار وكنت نسمع في أمي تتأسف منها،تقوللها سامحيني يابنيتي اية هذا ولدي احمد ديما متاع مقالب مايبيش يكبر بكل ،كان مسافر واليوم روح ماخبرناش وماكانش يعرف انك قاعده هنا،
ههههه انا كنت نسمع في كلام أمي بس ماركزتش الا ع اسمها (اية)
جتني أمي برا،ههههه طبعا موقفها تغير قعدت اضم فيا والحمد لله ع سلامتك ياوليدي ،ههههه كانت تعرفني مؤدب احم احم واللي صار مقلب للعيلة غير بس صدفت ان اية تكون قاعدة
بعد هاليوم كنت نفكر فيها كل يوم ماتغيبش على بالي،ومن الحظ معاش جت لاختي ،كل مرة اختي تطلب مني حاجات لصاحبتها نسالها من بيجي،تقعد تسميلي في صاحباتها ،بس اية مش منهن،بعدا عرفت ان اية مسافرة برا مع أهلها لان امها كانت تتعالج
في يوم معاش عندي صبر جيت لاختي حنين،وطلبت منها رقم اية،اختي حنين استغربت مني لان عمري مادرتها ،كانت مصدومة ههههه،طبعا رفضت هه جو ميثاق الصحبة ،قلتلها اساليها!
قالتلي رح ترفض ما اتعبش روحك،قلتلها به جربي شن خاسرة،
اتصلت حنين بأية وقالتلها،والغريب ان اية وافقت،ههههه اختي حنين قريب انجلطت لانها كانت تعرف صاحبتها ماتعطي رقمها حتى لبنت يابال ولد!
طبعا هذا كله كان قدامي طلبت من حنين تكلمها ونسمعها ،ههههه اول ماسكرت فكيت النقال من حنين وخديت الرقم،هههه حنين قعدت تضحك عليا،انا خديت الرقم وكتبته وهيا تلقح عليا وتناشب ..-
#بيسان
أنت تقرأ
رواية .....جعلتني احبها للكاتبة #Besaan💓
General Fictionرواية ليبية ممزوجه بالخيال و الواقع تحكي عن حب حياته الي مقدرش يحب من بعدها💔 و متوقعش انه حيجيه يوم يحب مرة تانية 💓 دخلت حياته و قلبتهله رأس ع عقب💓 #الایمیل_الاول_تصکر_و_حنزلهلکم _هنا_انشالله_نبی_دعمکم🤗
