#منقوله
رواية جعلتني_أحبها
#االحلقة_الثالثة_عشر💛
مع اخر حرف من القصيدة سافرت بأحمد في عيون سارة لعالم ثاني تماماً ،كانت القصيدة اعلان لحب سارة ليه يعني مش مجرد زواج وخلاص كان حب وعاطفة كبيرة جداً حركت فيه مشاعر غريبة مافهمش هيا شن !
أحمد بعد هيام سالاته سارة،
سارة:هَا شن رايك 😌
أحمد بارتباك مسح راسه بيده:احم سمحة القصيدة 😅
سارة:اممممم متأكد ،حطت عيونها في عيونه
أحمد:اي سمحة والله😅 وحب يغير الموضوع
أحمد:الفيلم فات علينا خلي نكملوه
سارة بعد عرفت انها اثرت فيه وان توا عرف مشاعرها تجاهه وشافت لبكته ارتاحت وابتسمت ابتسامة انتصار .
قعدوا سارة واحمد يتفرجوا ع الفيلم لعند نهايته وكان بيناتهم تعليقات وجو جميل ع الفيلم لعند وصلوا لنهايته.
سارة:أجمل شي في الحب هو الوفاء للي تحبه مهما صار فيه سواء مات او فقد عقله او اي شي
أحمد بعفوية عامة : اي بس هاتي من يستاهل في هالزمان
سارة:فيه ناس واجده تستاهل وناس زي قلبك توفي❤️
أحمد بحرج ووجع: قصدك على آية الله يرحمها
سارة: اي آية الله يرحمها ويجعل مثواها الجنة،قصة وفائك ليها جميلة جداً تكتب في التاريخ خاصة في مجتمعنا اللي حتى يبدأ متزوج تلقاه يبي يتزوج عليها او مقضيها يكلم بنات مش زيك.
أحمد يناشب بسخرية لان يشوف نفسه مش وفي بحسب كلام سارة :بس انا تزوجت! تزوجتك!
سارة بحدة :زواج ورق علشان بنتك بس!
أحمد ارتبك وماعرفش يرد ماتوقعش ردة فعل سارة العنيفه في وجهه هكي.
أحمد: ا ا سارة أنا ......
سارة :ماتقول شي انا فاهمتك بس اللي ادير فيه مش وفاء!
أحمد بحدة وعصبية :كيف تقولي مش وفاء يعني😡
سارة بروقان وصلت لشن تبي من زمان تبي تناقشه في موضوع آية
سارة بقوة:اي مش وفاء اللي دايره في نفسك وبنتك!
أحمد بعصبية:ماتخلينيش نطلع من عقلي شن درت في ملاك مش من ايام تشكري في معاملتي ليها وان مافيش أب زيي والا كذب وكلام بس كان منك؟😡😡
سارة :ممكن تهدا خلي نحكوا بنقاش وعقلانية؟
أحمد يزفر:طيب احكي
سارة:انت أب ممتاز وحنون وطيب وكل شي بش ملاك مش محتاجة هذا بس ملاك محتاجة تعيش جو اسري طبيعي ومش هكي بس ملاك لازم تتعامل مع قصة امها بشكل طبيعي
أحمد:كيف بشكل طبيعي وهيا اللي صارلها مش طبيعي وما صار لحد حواليها غيرها
سارة:ماصار لغيرها حواليها بس يصير لناس واجده بس فيه من تدمر نفسيته ويقعد وجع الفقد معاه طول العمر لانه ماتعاملش مع الموضوع بشكل طبيعي ،انا معاك قريب شهر في الحوش وملاك ماجابتش سيرة امها نهائي ،
أحمد:طبيعي لان ماتعرفها
سارة:أبدا مش طبيعي لان ماتعرفها ،لو كنت تكلم فيها عليها وانت قدرت تتأقلم على فقدها وتتعامل مع موتها برضى بقضاء الله كان انتقل هالشي لملاك بس ملاك غير
أحمد فهم قصدها وبوجع: بس مش قادر !
سارة:لازم تقدر أحمد عشانك وعشان نفسك وبنتك،لازم تعيش حياة طبيعية ،ربي ماخداهاش منك الا لخير ليك ولملاك يمكن الخيرة تعرفها مستقبلا ويمكن لا بس كله خير المهم الشخص يؤمن بقضاء الله ومش بس يؤمن حتى يرضى
احمد :ا ا انا.....
سارة قاطعاته بيدها على فمه!
سارة :آس احمد خليني نكمل
أحمد: طيب سارة كملي
سارة:عدم تاقلمك على وفاة اية ح يخلي ملاك ديما زيك مش ح تقدر تتاقلم على موضوع امها،ومش بس ملاك حتى انا
أحمد تفاجأ !يعني ممكن يفقد سارة لو قعد هكي!
سارة:اي أحمد حتى أنا،صدقني مافيش حد يحترم حبك ليها زيي ولا وجع فقدانها زيي بس هيا عند ربي يعني في مكان خير مننا واحني في الدنيا لازم نعيشوا فيها لازم نفرحوا نضحكوا نعيشوا بسعادة لان اللي مات مش ح ينفعه حياتنا مكسورين بالعكس يبي الخير كله لينا عشان ندعوله نتصدقوا عليه ننفعوه في آخرته هدا لو نحبوه فعلا.
أحمد بحزم:أكيد نحبها يعني بعد هذا كله فيه شك حُبِّي ليها!
سارة:اي نعرف تحبها بس حبك ليها مدمر لنفسك ولبنتك،انت ماتحكيش لملاك حتى على امها
أحمد بغصه:مش قادر جربت بس مش قادر كيف نحكيلها ولما نشوفها نشوف آية فيها خاصة نظرات عيونها،كم مرة جيت بنحكيلها بس دموع عيوني خانوني!
سارة بحنية:فاهمتك أحمد وحاسة بيك ،وجعك مش ح يمشي الا لو انت اقتنعت اولا وصممت،ولازم تكسر كل حاجز يمنعك حتى لو بكيت في اول محاولة او غصيت بالدموع او اي شي لان الوجع سبحان الله ربي خالقه مع كل مرة أخف وصدقني انا معاك وجنبك لو تحب ونساعدك.
أحمد أثر فيه كلام سارة وأقنعه بشكل كبير ،كان اول مرة يسمع كلام هكي بكل صراحة ومنطق وفعلا كان كلامها صحيح جدا
أحمد بلبكة:طيب موافق بس....
سارة عاودت حركتها بحنية وحطت يدها على فمه
سارة:أحمد معاش تقول بس،انت خلي نحاولوا مع بعض وشوف النتيجة اللي تحبها وترضيك وصدقني آية زي ماتحبك ح تحب تعيش سعيد ومش ح ترضى الوجع اللي انت فيه توا،لان اللي يحبك بصدق هو اللي يحبك فوق نفسه فوق من مصلحته فوق من انك تكون معاه لو سعادتك مع غيره ح يحب مصلحتك حتى قبل مصلحته هذي المحبة الحقيقية أحمد.
قالت كلامها هذا وهيا تشوف لعيونه بكل حنية ورحمه،في المقابل كانت نظرات أحمد ليها زي الطفل اللي محتاج حضن أمه اللي يغنيه عن وجع الحياة كلها وبالفعل تجرأت سارة ودارتها.!
#يتبع
أنت تقرأ
رواية .....جعلتني احبها للكاتبة #Besaan💓
Ficción Generalرواية ليبية ممزوجه بالخيال و الواقع تحكي عن حب حياته الي مقدرش يحب من بعدها💔 و متوقعش انه حيجيه يوم يحب مرة تانية 💓 دخلت حياته و قلبتهله رأس ع عقب💓 #الایمیل_الاول_تصکر_و_حنزلهلکم _هنا_انشالله_نبی_دعمکم🤗
