رواية #جعلتني_أحبها
#البارت_الثامن
أحمد مرتبك وقاعد واقف في مكانه ماتحركش،
سارة :مش ح تقولي تفضلي والا ماتبينيش نخش😌
أحمد: لالا كيف عاد آسف والله😅
خشت سارة ووراها أحمد حطت القهوة ع الطاولة
صبتله فنجان وليها فنجان جت بتمدهله قرب أحمد وخداه في لحظة ارتباك من تلامس يديهم تبزع الفنجان على يد أحمد والقهوة كانت ساخنة نار.
أحمد حس بوجع واجد
أحمد :آخ😣
سارة بلهفة :بسم الله عليك احميده!
صبي أغسلها بسرعة ،مشي أحمد للحمام جنب المربوعة غسل يده،بس قاعده حمراء ،وتوزوز،سارة مشت جابت مرهم حروق من صندوق الإسعافات الي في الممر،
جت بسرعة لقت أحمد كي جاي من الحمام جابتله المرهم في يدها.
أحمد:ههههه مش مستاهلة مجرد قهوة وتو تبرد عادي.
سارة بخوف وإصرار :كيف مش مستاهلة هذا حرق والقهوة ساخنة بعدين بدل تصح بعد يوم تصح بعد ساعة وتخفف الاحمرار والتزويز نعرفه حار.
أحمد يحك راسه بيده الثانية طيب ياستي هاتي المرهم.
سارة :لا أنا تو نديره قعمز انت
خدت سارة يده وقعدت اديرله في المرهم بكل سعادة وحب،طبعا أحمد في عالم ثاني مستغرب من حنية سارة صح يعرف انها طيبة وحنونه بس تصرفاتها كانت غير كانت بحب !
أحمد في خاطره:معقول البنت تحبني!
سارة كملت ،
سارة:نسيت الضمادة تو نمشي نجيبها.
أحمد يبستم :والله يابنت الناس مش مستاهلة تو يشوفوني يقعدوا يضحكوا هذا كله على سبة قهوة😂
سارة برفعة حواجبها😒:من يقول اللي يقول خلي نبزعها عليه بعدا يحل فمه
أحمد بينفجر من الضحك 😂😂:مجنونة البنت طلعت شن بتبزعي ع الناس قهوة
سارة 😌:اي اللي يضحك عليك نرتكب فيه حتى جريمة 🔪
أحمد بربكة بس في نفس الوقت حس بشعور سعيد مايعرفش شن هوا ،ابتسم على كلام سارة
مشت سارة جابت الضمادة بسرعة وجت،قربت منه لفتها على يده ،
أحمد بإصرار مش ح نطلع بيها قدام حد،
سارة:ماقتلك أطلع اقعد هنا وخليها حتى نص ساعة تبرد ليش العناد😒
أحمد :😂😂😂حاضر أمرك يا أمي ،من أول يوم شكلها دعاتك
سارة😌:اي يالله نقدروك تبيلك جيش انت من العناد
أحمد:عناد صار وانا خديت كلامك😒
سارة 😌:ماخديت كلامي خديته من تزنزيني
أحمد يضحك 😂😂😂:يعني تعرفي انك زنزانه😂😂
سارة تحك رأسها :😅😅اي نعترف
سارة تفكرت القهوة اللي ماصار من شرابها
مشت رفعتها سخنتها بيش ترجع لأحمد يشربوها من جديد
لقت حنين في المطبخ،
حنين:ههههه ليش تسخني فيها أمال لهيتوا في الدوة لين بردت😉
سارة😅:لا بس تبزعت
حنين:خودي المنظف في الدولاب ع اليمين لوطة امسحيها مش برانية😉
سارة :😅😅لاتبزعت على يد أحمد وجت ع السفرة
حنين :وتوا تجي 😂😂
سارة :لا بس قعدت نديرله في مرهم حروق ماهو كانت ساخنة واجد😅
حنين :😂😂😂😂ووه شماتة يستاهل بنعدي نشوفه زي البيبي
سارة بربكة😅:حنين فكينا اصلا هوا مايبيش يديرها انا اصريت عليه بس ومايبي حد يشوفه يضحكوا عليه😅وأكيد يعرفك انتي اول المتشمتين😅
حنين:😂😂نبي نتشمت فيه نرد ثأري ديما يتسهوك عليا كان تبزع عليا شي او نحرقت يدي من الكوشة او ناشني الزيت😂😂
سارة😂😂😂😂:ياناري صار يتشمت هوا
حنين :😂😂😂يأخذ ماجستير في الشماتة،
بس حنان الدنيا كلها فيه😍
سارة:اي نعرف😅😍
حنين 😌:احم احم😌😉
حنين :يله خودي القهوة سخنت،ورآه تتبزع مرة اخرى😂😂
سارة:اوخس بس😅
خدت سارة القهوة ومشت جت ورآها حنين
سارة:تو يزعل مني عشاني هالمرة فوتيها 😅
حنين بتفكير :😌باهي هالمرة بس عشانك عروسنتا الحلوة😍
سارة :تسلميلي يارب😍
ومشت سارة للمربوعة دقت مرتين ،
أحمد:تفضلي سارة مافيش حد😅
خشت سارة:السلام عليكم ،كيف حالك توا كيف حالها يدك خف التوزويز.
أحمد :وعليكم السلام،الحمد لله حاجة بسيطة بس تو نشرب القهوة ونحولها ،بنمشي للمزرعة.
#بيسان
نتمنى دعمكم وتشجيعكم،وان شاء الله تكون الحلقة عجبتكم..
أنت تقرأ
رواية .....جعلتني احبها للكاتبة #Besaan💓
Ficción Generalرواية ليبية ممزوجه بالخيال و الواقع تحكي عن حب حياته الي مقدرش يحب من بعدها💔 و متوقعش انه حيجيه يوم يحب مرة تانية 💓 دخلت حياته و قلبتهله رأس ع عقب💓 #الایمیل_الاول_تصکر_و_حنزلهلکم _هنا_انشالله_نبی_دعمکم🤗
