رواية جعلتني_أحبها
#الحلقة_التاسعة_عشر
#ماقبل_الأخيرة
بعد شهرين
حسن أخ سارة
حسن جي لسارة متعفلق لوحلها ورقة رفع دعوة طلاق!
حسن:شدي الورقة وقعيها توا
سارة صبت بتعجب :ورقة شن هذي
حسن:ورقة رفع قضية طلاق
سارة من الصدمة معاش قدرت تتكلم ماتوقعتش ان خوها يتكلم بجد
نرجعوا للأحداث قبل اسبوعين بالضبط
كانت سارة واحمد في الجنان يفطروا وجوهم حلو سمعوا الجرس يرن،احمد مشي فتح الباب ،خش حسن اللي هو خو سارة
حسن كان معصب وبينفجر خاش بلبسة عسكرية وبسلاحه!
حسن:صبي سارة بسرعة لمي دبشك وتعالي
سارة بخوف تحساب صاير شي لأهلها !
سارة:شن فيه يا حسن صاير لأمي شي
حسن:أمك مافيها شي جيبي دبشك وتعالي بسرعة،كان صوته يزلزل الدنيا كلها سارة خافت منه وشبحت لأحمد غمض عيونه بمعنى نعم مشت سارة داخل الحوش لدارها وحاولت تحط كم حاجة في الشنطة وكانت حالتها حالة ومرعوبة من خالة خوها شن فيه!
بعد مشت سارة حسن قرب من احمد وشده من كبوطه وعيونه نار
حسن: لو انك راجل فعلا ماترضاش تاخد بنات الناس شغالات ليك ولبنتك ولاهلك خزي وخلاص
احمد مش فاهم شن يحكي حسن بس احمد موسع باله وعارف عقليه حسن واعصابه وغير هكي معاه سلاح مايبيش تتحول الامور لشي اخر
احمد:ماتغلطش يا حسن عندك شي قوله باحترام احني مش عويلة
حسن بحمق😡 لا فيه من طلعوا عويله ونحنا نحسابوهم رجالة
احمد بقلة صبر: ياقول شن مشكلتك يا انهي الكلام احني نسايب مانبيش نطيح القدر بينا
حسن:طاح القدر وطحت من عيني وقصة اننا نسايب أنساها ،ومشي من احذى احمد وعدا ينادي على سارة طلعتله تجري شدها من يدها بقوة ومشي بيها ركبها في السيارة وسكر الباب بقوة ومشي ركب السيارة واحمد واقف قدام الباب ويشوف في سارة قريب تبكي وهو مش قادر يدير شي ! حسن قعد يسطرب عليه بالسيارة ومشي بقوة
حسن وصل سارة للحوش ونزلت ومشي لأمه
حسن:من اليوم بنتك تنساه الحيوان هذا اللي اسمه احمد وورقة طلاقها تجيها بعد كم يوم
أم سارة مصدومة ومش فاهمة شي ،مشت لسارة أدور فيها ،لقتها في دارها
ام سارة:بسم الله يابنتي خيرك وشن صاير وخيره احمد وليش حسن جابك وقال بيطلقك منه
سارة تبكي وخلاص معاش قدرت انهارت بكل
سارة بعبرتها:والله مانعرف ياماما كنا نفطروا ومافينا شي خش علينا زي المجنون وجابني
أنت تقرأ
رواية .....جعلتني احبها للكاتبة #Besaan💓
Fiction généraleرواية ليبية ممزوجه بالخيال و الواقع تحكي عن حب حياته الي مقدرش يحب من بعدها💔 و متوقعش انه حيجيه يوم يحب مرة تانية 💓 دخلت حياته و قلبتهله رأس ع عقب💓 #الایمیل_الاول_تصکر_و_حنزلهلکم _هنا_انشالله_نبی_دعمکم🤗
