رواية #جعلتني_أحبها
#الحلقة_السابعة
سارة حست بأحمد من ملامح وجهه على كلمة ماما اللي قالتها لملاك بس ماعلقتش شي.
مشي أحمد ورفع ملاك لحوش حنتها ،دق الجرس فتحتله أمه
أم أحمد : جيتي ياحنينه 😍 تقصد ملاك
ملاك :ايه جيت انا😇
ملاك: حنينه وين فوفو ونونو😍
أم أحمد :ههههه يلعبن داخل ياحنينة قاعدات ،وبسرعة سيبت يد بوها ومشت ملاك تجري داخل للدار بيش تلعب مع نونو وفوفو.
أحمد:تي كيف حالك يا أمي شكلك ماشفتيتيش😂😂
أم أحمد :لا شفت بس زعلانة منك على أمس لما خديت ملاك وانت عريس شن تقول بنت الناس علينا،
أحمد بلقة صبر:يا أمي انتي عارفة اني مانقعدش بلا ملاك بعدين بنت الناس عارفة وضعي من قبل وانتي قلتيلهم كل شي واصلا لولا ملاك راه قعدت بلا زواج لعند نموت .
أم أحمد:بعيد السوء ياوليدي معاش تقول هكي ربي يعطيك طولة العمر ونشوفك فرحان ومتهني.
أحمد يساير عارف أمه: ان شاء الله يا أمي
أحمد:أنا توا بنطلع بنمشي للجماعة ، سارة في الحوش مش عارف بتجي توا والا تفاهمي انتي وياها في مواضيع النساوين هذينا والناس اللي بيجوا يهنوا.
أم أحمد: ان شاء الله ياوليدي ،توا في الصبح مش جاي حد العيلة والأقارب والجيران بيجوا العشية ،بس تعال انت تغدى هنا صلي الجمعة وتعال وسارة تو نجيبها حتى هيا تتغدى هنا عاد انتم عرسان جدد❤️
أحمد مش عاجبته كلمة عرسان جدد يساير فوق من نفسه وخلاص.
أحمد :حاضر يا أمي زي ماتبي،هي توا أمان الله.
أم أحمد :أستودعك الله يا أحميدة رد بالك من روحك ياوليدي❤️
أحمد بضحكة :حاضر يا أمي والله راني كبير حتى الشيب طلع في راسي😅
أم أحمد :حتى بعد تبدا شيباني على عكوز بنقولك رد بالك على روحك وانت قول حاضر بس😒
أحمد بضحكة :حاضر يا أمي على راسي والله❤️
وقت الغداء
ملتمين العيلة كلهم الرجالة في المربوعة والنساوين داخل خوات أحمد ومرت خوه،تغدوا وكملوا الغدي وضموا كل شي،
أم أحمد تنادي على بنتها حنين
أم أحمد:حنين ياحنين ديري لأحمد قهوة قبل يطلع
سارة تسال :قهوة بعد الغدي 😅الناس يرقدوا في القايلة
أم أحمد 😅:اي يابنتي هذا احمد هكي مايعرفش يقيل خاصة الجمعة يتغذى ويشرب القهوة ويمشي للمزرعة يمر عليها ويقعد يهتم بيها ويفوت القايلة والعشية غادي ديما ومرات يرفع معاه في الصغار يريح فينا منهم 😅
سارة زادت إعجاب بأحمد ووسعة باله وحنيته مش بس على بنته مع الصغار كلهم❤️
سارة قالت لعزوزها،
سارة :اممممم تو نديرهلة انا القهوة يا أمي
ام احمد بتعجب بس في نفس الوقت حبت ان سارة بادرت بها الشي يعني تبي تتقرب من احمد
أم احمد:بس يابنيتي انتي عروس قاعدة ادللي شوي
سارة بحشم:حتى هذا دلال يا أمي🙈
تقصد ان تدليلها لأحمد زوجها حتى هو دلال ليها
(ألذ سعادة هي الاهتمام بمن نحب في أصغر تفاصيلهم)
أم أحمد فهمت سارة بس حبت تخجلها شوي😉
أم أحمد :على راحتك يابنيتي ،تو اناديلك حنين توريك المطبخ،على جية حنين اللي امها كانت تنادي فيها،
حنين:نعم يا ماما
أم أحمد بغمرة لبنتها:سارة بدير قهوة لأحمد وريها المطبخ سلم بنتي وشوفي كان خوك مصطفى في المربوعة والا لا بيش سارة ترفعها لأحمد في المربوعة .
حنين هزت براسها بمعنى فهمتك:حاضر يا ماما،هي تعالي سارة❤️
صبت سارة مع حنين وجهزت القهوة فنجان واجد معاها،طبعا حنين فاهمة الجو ،زادتلها فنجان ثاني وغمزتلها :حتى انتي اشربي معاه القهوة تنشط ومزال يوم طويل😌😉
سارة فهمت قصدها ووجها راح أحمر 😅
مشت سارة لأحمد في المربوعة دقت دقتين سمعها أحمد بس مايحسابش انها سارة قعد يقول :تي خش مافيش حد تي خش طبعا سارة ماقدرتش مرات فيه معاه خوه وهيا مش لابسة وشاح لا شي فا قعدت ادق وخلاص.
أحمد تعفلق جي ناحية الباب معصب ويقول:تي مش نقولك خش ياودي
ههههه تفاجأ انها سارة انصدم 😳
أحمد : ا ا سارة آسف ما كنتش نحسابك انتي والله
سارة بحب😍ولايهمك أحمد
أحمد شبحلها للحظة وكأنه اول مرة يسمع اسمه منها!
#بيسان
نتمنى منكم الدعم والتشجيع وان تنال اعجابكم❤️
أنت تقرأ
رواية .....جعلتني احبها للكاتبة #Besaan💓
Fiksi Umumرواية ليبية ممزوجه بالخيال و الواقع تحكي عن حب حياته الي مقدرش يحب من بعدها💔 و متوقعش انه حيجيه يوم يحب مرة تانية 💓 دخلت حياته و قلبتهله رأس ع عقب💓 #الایمیل_الاول_تصکر_و_حنزلهلکم _هنا_انشالله_نبی_دعمکم🤗
