رواية .....جعلتني احبها للكاتبة #Besaan💓

البارت_التاسع9️⃣

رواية #جعلتني_أحبها

#البارت_التاسع

شربت سارة مع أحمد القهوة وقعدوا يحكوا في انسجام شديد،بس كلامهم كان أقرب مايكون انه بين أصدقاء!
في العشية مشي أحمد للمزرعة بس خداه الوقت في الهدرزة مع سارة،بعده مشت سارة للحوش عشان تجهز نفسها للضيوف اللي ح يجوا يهنوها بالزواج .
مشت لحوشها وجت المزينة ومعاها حنين وجهزوا سارة تجهيز كامل،
طلعت سارة تجنن  ،كانت لابسة قفطان سهرة ازرق كحلي دانتيل ،مع لون شعرها البني المرفوع مع شوي خصلات طايحة وعيونها البنيات الفاتحات مع لون بشرتها البيضاء والكحل الاسود وظل العيون الأزرق مع الروج الأحمر كانت تحفة بكل معنى الكلمة .
بعد التحضير التجهيز الأقارب والجيران من الزحمة صالة الحوش تعبت بيهم،طبعا كان يوم يشبه الزفه بِمَا ان ماكانتش فيه زفه وكان عرس خفيف زي ماشرط أحمد بس هاليوم كان بمثابة يوم الزفة.
جت سارة بكل هيبة وكبرياء وأناقة وجمال خلاب للصالة ،كانت ملفتة للنظر بشكل كبير،بس مع هذا كانت متواضعة ورقيقة جدا.
مشت تسلم على الناس طبعا كانت معاها حنين تعرف فيها عليهم ، بعد كملت السلام مشت سارة قعمزت في مكانها المخصص ليها طبعا كان صالون مش كوشة كاملة بس كانت بجمالها ورقتها تنسي نقص آي شي.
كانت جنبها حنين وتهدرز معاها،طبعا حنين من ايام الخطبة وقبل الخطبة كانت علاقتها ممتازة مع سارة وكانت قريبة لسارة زي ماكانت مع أية الله يرحمها.
في نص الهدرزة بين حنين وسارة قاطعت الكلام ضيفة من الضيوف جت متأخر .
أريج تمد يدها تسلم بدون نفس وسلام يد بس.
أريج:مبارك عليك أحميدة ردي بالك منه كويس هذا الغالي.
طبعا كان كلام أريج مجرد استفزاز لسارة تبي تحشمها قدام الناس وتخليها تعصب وتنفعل،بس سارة كانت أعقل من ان تصغر نفسها عشان وحدة زي أريج .
سارة:يبارك في عمرك،طبعا أحميدة في عيوني بدون ما توصي هذا مش بس الغالي هذا سيد الغاليين،مع ابتسامة أنيقة حبت تحرق أريج بيها😌
طبعا أريج استفزها رد سارة وانعكس عليها اللي كانت تبي توصله،مشت قعمزت ع الطاولة بعيد وقعدت تشبح لسارة بكل حقد وسارة تبتسم لها وهذا اللي حرق أريج.
حنين:😂😂😂عجبتيني والله ياسارة قلبي عليها دم أريج هذي مابتش تشعف من حركات العويلة اللي ادير فيهن بلا فائدة حتى أيام أية الله يرحمها كانت كل ماتشوفها ادير هكي وأكثر 😢بس أية ماتسكتلهاش وَكَمْ موقف صار حتى قدام العيلة.
سارة :يعني هيا تبي أحمد من زمان!
حنين:اي من زمان بكل قبل حتى يعرف أية وصارن مشاكل بيننا وبين عيت عمي طبعا أريج هذي وحيدة بوها عندها أخ واحد بس يقرا برا ومن زمان يحاولوا ان يزوجوها لأحمد باي طريقة حتى دخلوا موضوع الورث في الزواج.
سارة :كيف يعني؟
حنين: فيه ارض كبيرة بكل هذي ورثة من جدي الله يرحمه والأرض مساحتها حوالي زوز هكتار طبعا عمي ساكن في جزء منها وحايز عقابها وماباش يعطينا حقنا عشان يستخدموا ورقة الورث ضغط على أحمد بيش يتزوج أريج وحتى عمي قالها صراحة لخوي مصطفى ،يعني أحمد يتزوج أريج بيش يعطينا الورث ويقعد رزق العيلة في العيلة.
سارة :وليش أحمد ماوافق ع الموضوع بِمَا ان قبل يعرف حتى أية؟
حنين:نحنا لما كنا صغار كنا نسكنوا في حوش العيلة جنب بعض حوش جدي واحني وعيت عمي وأحمد كان يشوف في أريج كا أخت يعني مش مقتنع في يوم وليلة تتحول من أخت لزوجة وَكَمْ مرة قال هالكلام لعمي بس عمي مش مقتنع بها الشي عقليته ان النساوين زي بعض ومافيش فرق وبنت عمه أولى بيه وأولى بيها،وعدا هذا كله أريج مش من النوع اللي فيها المواصفات اللي أحمد يبيها في زوجته.
سارة باهتمام كبير لها النقطة:شن المواصفات اللي يبيها أحمد يعني ؟
حنين :أحمد أول شي مش من النوع اللي يهتم للشكل بشكل أساسي والا راه تزوج أريج زي ماشفتي.
سارة :صح يعني أريج تعتبر جميلة كشكل!
حنين:بالضبط ومع هذا أحمد مش مقتنع بيها،أحمد يهتم بالعقل بالشخصية قبل وإذا تلاقت مع الشكل خير وخير😂😂
سارة:اممممم وشن ثاني😍
حنين:أحمد يبيها تكون متعلمة مثقفة واعية تعرف تتحمل مسؤولة سواء في وجود زوجها او حتى اذا توفى لا قدر الله،وأريج بنت عمي دلوعة بكل حتى عقلها ماتحكيش في شي مفيد بكل وكل همها المظاهر مشينا كلينا سافرنا يعني هذي كل حياتها بس وفوق هذا حتى قرايتها مسيبتها يومها كله تدهوير طلعات سوق مافيش اي طموح اي إنجاز ولا شي ولا حتى تحمل للمسؤولية في أبسط الأشياء يعني اللي بيتزوجها بيتزوج طفلة يقعد يعاني فيها مش ح يتزوج امرأة ناضجة،وهذا من اهم الأسباب اللي رفض احمد عشانها الزواج من أريح عدا انه يشوف فيها كأخت.
سارة بفرح داخلي وسعادة ان المواصفات اللي ذكرتهن حنين شبيهات بيها وان قبول أحمد ليها كزوجة يعني فيه نوع من القبول الشخصي ليها كشخصية وكمواصفات وهذا شي أسعدها جداً.
حنين تغمز لسارة😉:وين سرح الحلو
سارة وجهها أحمر😅:معاك معاك
حنين 😌:مش باين شكله راح عند الحبايب
سارة بخجل :حنييييين😅
حنين😂😂خلاص والله سكتت
فات الوقت والناس بدوا يروحوا،ويسلموا ع العروس،جت أريج طبعا لازم بتحاول تحرق دم سارة قبل تروح بعد فشلت أول مرة.
بس هالمرة سلمت على سارة بالخد بس طبعا سلامها ماكانش حبا فيها قربت عشان تقوللها كلام يحرق دمها وما يسمعها حد .
أريج:أشبعي بأحمد توا بس آخرته ليا وتشوفي وأسألي من تكون أريج ياحلوة😈
سارة انصدمت من جرأة هالبنت مرة أخرى ومش بس جرأتها ومن حبها لأحمد وإصرارها عليه حتى وهوا عنده بنت ومتزوج مع انها بنت عيلة وحلوة وشباب واجد يتمنوها!
مشت أريج وخلت سارة في حالة!حنين تكلم في سارة.
حنين:سارة خيرك شن قالتلك هالتافهة تي ماتعدليش عليها راه هبلة ومش ح تقدر ادير شي وحركاتها حافظينهن من زمان.
سارة:صدمتني جرأتها وكيف تتكلم ان بتاخد أحمد !
حنين بضحكة😂😂:بعد توصل للقمر تو تاخده أحمد تي فوتيها هذي نحس فيها مريضة نفسيا بشي اسمه احمد يعني سنين قدامه ماتزوجها وبعد حتى وفات اية الله يرحمها ومحاولاتها ماتزوجها ولا حتى ضغطهم بقصة الورث يعني ريحي روحك وماتعدليش عليها وكان تبي تو نمشي نعطيها طريحة قدامك😂😂
سارة ضحكت على كلام حنين بتعطيها طريحة 😂😂
حنين:ايواه ياحلو معاش تزعلي خلي هالضحكة الحلوة ديما تبان 😍
سارة ضربت حنين على يدها ببصارة😅 آس يابنت نتحشم
حنين😂😂خلاص به سكتت.

#بيسان

نتمنى ان الحلقة عجبتكم،ونتمنى دعمكم وتشجيعكم