#منقوله
رواية جعلتني_أحبها
#الحلقة_الرابعة_عشر
أحمد ماتوقعش ان سارة تتجرأ وتضمه بعد الحدود كلهن اللي هو دايرهن ومعاملته معاها اللي ماتتخطاش صديقين او حب من طرف واحد.
سارة كانت سعيده جداً بجرأتها وأنها مش بس قدرت تقنع احمد بتقبل رأيها ومحاولة التغيير حتى كفكرة وبشكل تدريجي ،بس قدرت حتى انها تحتويه إحتواء الأم لابنها وكانت لحظة جميلة جمعتهم كلها دفء وود وعنت الكثير ليهم الزوز.
في هذاك الليلة أحمد بعد ما اقتنع بكلام سارة وحس بقرب منها وسارة كانت بالنسبة ليها ليلة العمر كانت أسعد ليلة في حياتها مش ليلة الزواج كانت الليلة اللي كسبت فيها ثقة أحمد وقربه وإعجابه وحتى حبه ! وأحمد كان نفس الشي كان سعيد جداً بعلاقته مع سارة مش مهم تحت أي مسمى بس كان شي سعيد بالنسبة ليه وفي هذاك اليوم أول مرة تجمعهم دار وحدة كصديقين او حبيبين مش مهم الصفة المهم ان من هذاك اليوم صاروا قراب وبدت محاولة شق الحياة مع بعض وعلى قلب واحد .
في الفجر ناض أحمد وكانت سارة راقده جنبه قعد يشوفلها بحب
أحمد في قلبه :كيف بس قدرتي تخلي هالقلب القاسي يحن! وحط يده على قلبه ❤️،آخ سارة آخ!
وهو يشوفلها فتحت سارة عيونها وشافاته يشبحلها ابتسمت بحنان
سارة:صباح الحب
أحمد بحرج😅 وصباحك
سارة :إذن الفجر
أحمد:ايه إذن ليه ربع ساعة تقريبا
سارة:اممممم صَلَّيْتَ
أحمد:😅لا مزال كيف نضت بس بنمشي نتوضى بسرعة نلحق ع الجامع اليوم الجو مش مطر
سارة :بعيد الجامع؟
أحمد فهم عليها :ههههه ماتخافيش الجامع وراء المزرعة بنمشي من الباب الخلفي يجي في وجهك طول بعدين المنطقة عامرة ماتخافيش ،وانا معاك 😅
سارة بحرج 😅 اممممم تمام خلاص امشي بسرعة بيش تلحق
أحمد:تمام
مشي أحمد توضى ع السريع وهو جاي بيطلع نادت عليه سارة وهيا جايبة الكبوط متاعه
سارة :نسيته تلبسه
أحمد:لالا الجو مش مصقع واجد ومافيش مطر
سارة بإصرار :المطر في دقيقة تصب بعدين الجو صقع
أحمد مستعجل :طيب هاتيه بسرعة تأخرت
سارة ماعطتهلاش جت تتبختر وخدت يده قعدت تلبس فيه زي الطفل طبعا احمد ماقالش ولا كلمة وعجباته الحركة ومسكت يده ،
أحمد قعد يشوفلها ومعاش عرف شن يحكي مشاعره مخلطه بس تصرفاتها يجذبن الواحد غصب
سارة بعفوية:شفت يدك مصقعة وانت تقولي مش صقع
أحمد انفجر ضحك😂😂😂: انا ديما مصقع حتى في الصيف فامباير😈
أنت تقرأ
رواية .....جعلتني احبها للكاتبة #Besaan💓
Ficção Geralرواية ليبية ممزوجه بالخيال و الواقع تحكي عن حب حياته الي مقدرش يحب من بعدها💔 و متوقعش انه حيجيه يوم يحب مرة تانية 💓 دخلت حياته و قلبتهله رأس ع عقب💓 #الایمیل_الاول_تصکر_و_حنزلهلکم _هنا_انشالله_نبی_دعمکم🤗
