زين العابدين (باللهجة العراقية)

الفصل السابع

❤❤نحن الإثنان بلا وطن يا وطني ،❤❤
#العراق_الجريح

اقترب محمد وحظنته سارة : شلونك

محمد يبعد سارة : بخير حبيبتي اوووف وين هالغيبة من زمان عنكم

: اي تعرف بعد ما صار الحادث افترقنه كولنه

التفت زين اللي كان يراقب انعكاس صورتهم بالمرايه
وناظر سارة متفاجئ ونار اشتعلت بداخله هذه حبيبهه واني عبالي خوش بنيه وما إله بهاي السوالف
اكيد اني مغفل هو اكو هيج بنات بهذه الوقت
بس هو شلون عرفهه بهاي السهولة و كلمة حبيبتي الظاهر علاقتهم مطورة ...

: شلون صارت امج . ان شاء الله تحسنت من السكر

: الله يسمع منك حمودي.. بخير الحمد لله

: صدك سارونه ، شلون اجيتي لكوريا ..

سارة وهي تأشر على زين : اجيت بشغل والله

لاحظ محمد وجود زين فأبتسم وهو يمد ايده
: اهلا و سهلا زين العابدين وهل يخفى القمر

زين وهو يبادله التصافح : اهلا بيك محمد

: شلونه شغلك سمعت صعدت بالتمثيل

: اي فعلا صعدت وحاليا اني بفلم

: كل التوفيق إلك
: تسلم

اسمه زين العابدين... شكد حلووو لعد ليش يكلوله زين بس .. يمكن للسهولة

حمودي و سارونه لا هاي هيه حته مطلعين ألقاب لبعضهم ... هاي شبيك زين وانته شعليك اوووف ترى هاي مو جيسيكا افتهم ... لازم اسوي شي مجاي اكدر اشوفهم سوه ولا جاي اكدر اشوف خلقتهه راح اموت بس محد يحس بيه .. على شنو جاي يضحكون ...

جاسر : استاذ زين..

: نعم

: لقد بدأت الحفلة يجب أن نخرج في الحال

.........

بالجهة الثانية كانت قاعة مليانه ب الجمهور
اللي يصارخون ويهتفون ب أسم زين اول ما تم تقديمه من قبل المقدم

دخل المسرح وعلى وجهه اكبر ابتسامة جذابة وهو يأشر بإيده ، لزم المايكروفون اللي انطا إله المقدم

: احب ارحب بكل الضيوف الموجودين وأحب أكول للكل ...

قاطع كلامه صوت الصفير والتصفيق العالي

فكال بصوت عالي وهو يتقدم : أحبكممممممم

المذيع : استاذ زين يشرفنه ويشرف الجماهير حضورك اليوم اريد توصف لي احساسك بهاي اللحظات

: احساس حلو بالفعل بتواجدي مع جمهور رائ..

بعده ما انهه جملته ونطلق التصفيق والتصفير من قبل الجمهور