زين العابدين (باللهجة العراقية)

الفصل الثامن عشر

❣️❣️❣️❣️❣️

.. إنْصتي لي
.. أتمنَّى مُخْلصاً أنْ تُنْصِتي لي
ما هناكَ امرأةٌ دونَ بديلِ
فاتنٌ وجهُكِ .. لكنْ في الهوى
ليس تكفي فتنةُ الوجه الجميلِ
.. إفْعَلي ما شئتِ .. لكنْ حاذِري
.. حاذِري أنْ تقتلي فيَّ فُضُولي
تَعِبَتْ كفَّايَ .. يا سيِّدتي
.. و أنا أطرُقُ بابَ المُسْتَحيلِ

*نزار قباني

❣️❣️❣️❣️❣️

###############################

قدمت سارة الگهوة لكاميليا فگالت الثانية : سارة

سارة : نعم

كاميليا : أگعدي سارة اريدچ بموضوع..

گعدت سارة وردت : تفضلي كاميليا اسمعچ..

تململت كاميليا بتردد فگالت سارة : ست كاميليا صاير شي..

: لا مو صاير شي بس اريد احچي وياچ بخصوص زين..

سارة : الاستاذ زين؟

كاميليا : تدرين انه زين چان شخص عايش بگلب واحد ميت.. اقصد من اجيتي انتي ودخلتي بحياته احسه تغير للأفضل صار يبتسم و يتأنق وهيچ يعني كأنما رجعتله الحياة..

توترت سارة و گالت: أني!! .. لا ماعتقد هالشي

ابتسمت كاميليا : انتي لو تعرفين شخصية زين الحقيقية ماعتقد راح تتعاملين وياه بنفس الطريقه هاي.. ترى اني منتبهه لتعاملكم ويه بعض...

سارة: بس اني ماعندي شي وياه يعني هو كان زبون عندي لكن هسه ماتجمعنه اي علاقة..

كاميليا : اي هو هذه اللي اريده منچ

رفعت سارة حاجبهه : عفوا ، مافتهمت..

كاميليا : شوفي سارة.. اني كأم اتمنى سعادة ابني واني جاي اشوف انه سعادته وياچ.. انتي الوحيدة اللي تگدرين تأثرين بيه سلبا او ايجابا..

سارة : ست كاميليا اني... اني ماعرف شگلچ بس اني ما راح اكون سعيدة مع شخص مثل زين.. جدا اعتذر منچ..

كاميليا : لا لا لا.. لا تعتذرين انتي عندچ وقت لازم تفكرين وتردين الجواب

دگ تليفون سارة ف گالت : ان شاء الله ارد لچ الجواب.. بالأذن..

كاميليا : تفضلي حبيبتي

طلعت سارة لغرفة الضيوف وهي تاخذ نفس..
/ منين طلعتلي هاي السالفة.. اني و زين.. مستحيل.. همزين اجاني هالأتصال..

: الوو

: ها شلونچ سارة

: هلا جنان الحمد لله وانتي.. شلون الاخبار يمچ..

جنان : بخير.. بخير وهاي أمي تسلم عليچ..

سارة : ربي يسلمهه .