زين العابدين (باللهجة العراقية)

الفصل الثامن

❤🤲❤

ممنوعةٌ أنتِ من الدخول، يا حبيبتي ، عليه..
ممنوعةٌ أن تلمسي الشراشف البيضاء، أو أصابعي الثلجيه
ممنوعةٌ أن تجلسي.. أو تهمسي.. أو تتركي يديك في يديه
ممنوعةٌ أن تحملي من بيتنا في الشام..
سرباً من الحمام
أو فلةً.. أو وردةً جوريه..
ممنوعةٌ أن تحملي لي دميةً أحضنها..
أو تقرأي لي قصة الأقزام، والأميرة الحسناء، والجنيه.
ففي جناح مرضى القلب يا حبيبتي..
يصادرون الحب، والأشواق ، والرسائل السريه..

أرجوك أن تبتسمي.. أرجوك أن تبتسمي..
يا نخلة العراق، يا عصفورة الرصافة الليليه
فذبحة الشاعر ليست أبداً قضيةً شخصيه
أليس يكفي أنني تركت للأطفال بعدي لغةً
وأنني تركت للعشاق أبجديه..

❤❤❤❤❤❤❤

* نزار قباني

####################################

الساعة : 10:00am
المكان : أميركا

: هاي جاي تكولين كاميليا ليش هيج سوه

: والله هذه اللي كالي ياه جاسر .. طرد البنية من الشغل

: تدرين مو شي غريب هو يطرد كل الموظفين من ثاني يوم .. هيه بقت اسبوع وياه

: فرح لازم نشوف حل اتصرفي بسرعة ، اكيد هيه اثرت عليه

: ماعرف اني سمعت ان هيه بعد متلبس النقاب ليكون هذه الشي خانكه

: يمكن كلامج صح اذا هيه تأثر عليه يعني اكو أمل ان يحبهه ويرجع مثل قبل

: هاي مهمتنه لازم ...

: فرح سمعي زين اجه نحجي بعدين وهاا لاتنسين تشوفيهه و تحاجيهه اخاف ترجع للعراق

: تمام

.....

دخل زين القصر فراحت امه حتى تسلم عليه لان توه جاي من السفر بس هوه تجاوزهه وصعد لغرفتهه وعلى وجهه علامات الغضب

وكفت امه بإستغراب تحاجي جاسر اللي حرك كتوفه بمعنى ماعرف شبيه

دخل زين غرفته وقفل الباب بالمفتاح

ضرب الحايط بإيده بأقوة ما عنده بدون ميحس بالالم
استمر يضرب ويصيح _ ليش _ ليش _ ليش

وكف بعد مشاف الحايط صار بيه دم التفت على المزهريات و وضربهن بإيده و تكسرن على الارض هنه و الطاولة الزجاجية الي جانت عليهن
شاف نفسه بالمراية الكبيرة اللي موجوده يم السرير
نزلت دمعته على حاله ، ماحب هذه المنظر فتقدم وضرب المراية بوكس خلاهه الف قطعة
و انجرحت ايده بقوة من الزجاج

وكع على اركبه بعد ما تعب من الضرب

سمع دكات على الباب وصوت امه الخايف وهي تكول
: زين جاي سوي ... زين افتح الباب اترجاك ...زييييين