كرونيك💕💕 تزوجته من أجل أخي💕💕

02

الحلقة الثانية
طلع رابح من مكتب السعدي فات على
السكرتيرة خذا عنوان أنور وخرج من المكتب
رابح عمل اتصالاتو وقدر في وقت قصير يعرف كل المعلومات المطلوبة
غدوة الصباح رابح خذا الملف وتجه للشركة دخل مكتب السعدي حطلو التقرير فوق المكتب وقعد مقابل السعدي
السعدي تبسم وكان يدعي ربي اكملو
في الخطة لرسمها
فتح السعدي الملف ويقرى فيه
أنور حميدي 44 سنة محاسب في سلسلة فنادق السعدي متزوج آب لولدين
عندو أختو عفاف هو مربيها من يوم توفى بوه وامو في الحادث
عفاف فتاه محجبة عمرها 23 سنة تخرجت من الجامعة مزال ملقات خدمة
عايشة عند خوها
السعدي يقرى في الملف ويتبسم ناض من مكتبو
السعدي :نظن لقيتها يارابح لقيت الطفلة لي تقبل تنفذ الخطة لي تخلي ولدي يرجع لطريق
رابح : وشكون هاذي
السعدي : عفاف اخت المحاسب هي الطفلة لي راح تساعدني في الخطة لي راسمها
رابح : وكيفاه راح تقنعها
السعدي تبسم بخبث وتكلم
متخافش راح تقبل خاصة إذا كان خوها في الوسط
رابح كان مستغرب : ممكن تفهمني
السعدي : أنور تسبب بغلطة صغيرة في خسارة كبيرة لشركة وبطبيعة الحال من حق الشركة تطلب التعويض يا الدفع يا الحبس
وعلى حساب التقرير لي قدمتو أنور ميقدرش يدفع التعويض لانو ميملك حتى شي وحتى البيت لي ساكن فيه ماخذو بقرض
هنا راح نتعامل بحيلة معاه يادفع يا الحبس أو الخيار الثالث ونظن وصلتك الفكرة