كرونيك💕💕 تزوجته من أجل أخي💕💕

15

الحلقة 15
هزت تلفونها عيطت لميس صحبتها حبت تودعها ومن جيه تسلمها رسالة تصوصلها لأمير
صونا تلفونها هزتو شافت الرقم عنيها وساعو تحكي مع نفسها
ميس : هاذ وين تفكرتني واش تسحق دوك بعد متخلات على أمير خويا لي حبها وراحت تزوج بمول الشكارة
عاود صونا تلفونها مكنتش حابة ترد أما قلبها مطوعهاش حابة تسمع صوتها وتودعها وفي نفس الوقت حابة تلومها
تنفست غمضت عنيها وريبوندات عليها التلفون
عفاف : ألو ميس
ميس : كانت غير تسمع مقدرتش ترد
عفاف : حرام عليك ياميس وطرشقت بالبكا رمات تلفونها وتبكي بالشهقة
ناضت ميس تجري خرجت من دارهم وراحت عند عفاف
وصلت دخلت لشمبرتها شفتها عفاف ترمات في حضنها تبكي بالشهقة
ماشي بيدي والله راني مجبورة قولي لأمير اسامحني قوليلو ميس تحبك ضروف رماتها أما هي قلبها مزالو متعلق بيك
عصرتها بكل قوتها وتمسح في شعرها تهدي فيها عفاف تحكي بصوت متقطع مجبورة ياميس والله ماهو بيدي
حكاتلها كلشي بالتفصيل وعطاتها الرسالة وطلبت منها تسلمها لأمير
روحت ميس بعد مخذات الرسالة وعفاف ومرت خوها وخوها كلهم راحو للفندق وين كانت الحفافة ومساعداتها يستناو فيهم
كملت عفاف تسريحاتها كانت سامبل رفضت تغير لون شعرها مكياج سامبل
روب بيضة تهبل من اكبر المصممين
جات تهبل نزل عليها سر ماشاء الله تبارك الرحمن
نزلو للصالة الكل في نتضارهم كلشي منظم عرس ولا في الأحلام حفلة كلاس تحلم بيه أي طفلة
عفاف عمرها كانت تتوقع عرسها أكون بهاذ الفخامة
كان قاعد في نص الصالة في المكان المخصص للعرسان لابس كوستيم في الأسود أهبل زايد في النص
شافها وهي داخلة قلبو خرج عينيه برقو تهبل كان متمني يحضنها ويعترفلها بحب ليها
جلست حذاه بلا متخزر فيه حتى بنظرة كانت تكرهو كره لعمى