الحلقة 28
دخلت الدار تجري عانقة سامية مرت خوها
عفاف : باركلي ياسامية قبلوني في الخدمة غدوة نبدى
سامية : مبروك عفاف ولعقوبة للحاجة لي في بالي
عفاف : واش قصدك
سامية : تتبسم امممم قرصتها من خدها راني حفضتك نسيتي بلي راني ربيتك نعرف نقرى نظرات عيونك
عفاف : هبطت راسها وضحكت
حضنتها سامية تعرفي عفاف عندي إحساس انك انتي ورياض ترجعو لبعض
عفاف كانت تسمع في سامية ومستغربة في كلامها
سامية : عندي إحساس رياض أحبك لانو لحد الآن متزوجش رياض لي تخلى على ورثو وبدى من صفر رياض لي كانت سمعتو السيئة سبقتو من يوم تزوجتو تبدل اكيد حبو ليك غيرو صنع
منو انسان محترم ندعي ربي يجمعكم مع بعض
دخلت لشمبرتها وكل تفكيرها في كلام سامية كانت تسأل في روحها يعني يجي نهار وانا ورياض نتجمعو في بيت واحد و رياض أكون مزال احبني صح معترفليش بحب غير كي كان ماشي في وعيو لكن تصرفاتو ونظرات عنيه فضحتو
ناضت الصباح نهار جديد توضات صلاة جهزت لفطور فطور مع بعض خرجت هي و أنور وصلها لشركة وراح لخدمتو
اليوم اول نهار ليها في الخدمة راح تكون في مكتب واحد مع رياض راح تشوفو وتكون قربو
دخلت للمكتب لقاتو فارغ رياض مزال موصل
نظفتو ورتبتو حطت كل ملف في مكانو برفنت المكتب رجعت لمكتبها
قاعدة تتصفح الملفات دخل أحمد مساعد رياض
أحمد :صباح الخير آنسة عفاف
عفاف : صباح الخير مسيو
أحمد :إسمي أحمد 35 سنة مساعد رياض مكلف بتدريبك
عفاف : قامت صافحتو متشرفين مسيو أحمد
كانو قاعدين مع بعض يقراو الملفات ويشرحلها خطة العمل
قرب ليها حط يدو على الميكرو والصدفة يديهم جات فوق بعض في اللحظة لي دخل فيها رياض المكتب
شافهم في هذاك الموقف عنيه خرجو تقدح نار
عصر قبضة يدو في بالو يعطيه بوكس يندمو على الشي لي عملو فاق مع روحو تنهد بكل قوتو
دق الباب صباح الخير
عفاف كي لقاتو رياض تربثت وجبدت يدها تعدى مباشرة لمكتبو
آنسة عفاف الحقيني
دقت الباب جوبها تفضلي بكل غشو بلعت ريقها
فتحت الباب ودخلت
عفاف : صباح الخير رياض
رياض :خبط البيرو بكل قوتو مسيو رياض آنسة عفاف انت موضة عندي كيفك كيف زملائك
عفاف حابسة الدمعة في عينها موشي مصدقة واش تسمع : آسفة مسيو رياض
رياض : آنسة عفاف هاذا مكتب للعمل وعندو صيتو مسموعيتو قدام الناس نتمنى تاخذي حذرك في تصرفاتك مع الموضفين
عفاف هبطت الدمعة من عينها مقدرتش تحبسها مستغربة مستحيل هاذا رياض لي تعرفو
عفاف : تحكي بصوت كل غصة مسيو رياض انا معملت حتى شي اخليك تكلمني بهاذ الطريقة
رياض لز على سنيه يضرب الحيط بيدو لين ترعبت وشهقت مرة وحدة
دار يلقاها مسمرة في مكانها دموعها سيالة في
ذيك اللحظة فاق مع روحو واش عمل عرف بلي جرحها بكلامو
رياض : اشوف معاها آنسة عفاف تقدري تتفظلي
خرجت من مكتبو قعدت في بيروها تبكي بشهقة موجوعة من كلامو
في لحظة تلقى ايد تمدلها محرمة تلفتت تلقاه رياض
شافت معاه و دورت وجها
عفاف : تقدر ترجعها منحتجهاش
رياض : فتحها يدها وحطلها المحرمة ورجع مكتبو
شدت المحرمة وتمسح في دموعها لي محبوش يحبسو تمتم بين شواربها واشبيه هاذ مرة يعاركني
ومرة يسكتني واش قصتو
كملو خدمتهم نهار كامل من دوسي لدوسي لأنها نشيطة قدرت تستوعب خطة العمل بسرعة
دخلت لمكتبو بعد مكملت
عفاف ميسيو رياض نقدر نروح
رياض : بلا ميشوف معاها كملت خدمتك آنسة عفاف
عفاف : كملت
رياض تقدري تروحي
خذات صاكها خرجت قدام باب الشركة تسنى في خوها أنور يوصلها
صون تلفونها تلقاه أنور لي خبرها بلي طلعتلو خدمة راح يتأخر
واقفة تستنى في طاكسي فجأة تحبس سيارة قدامها حبس وهبط والمفاجأة كان أمير
أنت تقرأ
كرونيك💕💕 تزوجته من أجل أخي💕💕
Romanceمنقووولة باللهجة🇩🇿🇩🇿 الجزائرية 🇩🇿🇩🇿 الحلقة الثانية طلع رابح من مكتب السعدي فات على السكرتيرة خذا عنوان أنور وخرج من المكتب رابح عمل اتصالاتو وقدر في وقت قصير يعرف كل المعلومات المطلوبة غدوة الصباح رابح خذا الملف وتجه للشركة دخل مكتب الس...
