كرونيك💕💕 تزوجته من أجل أخي💕💕

20

لحلقة 20
خلاها راقدة دخل لدوش غسل وجهو بدل قشو وخرج هبط ديراكت للبار كان حاب يشرب ينسى كامل الشي لي صرالو

قعد في طابل طلب كاسو هزو اشوف معاها تبسم بوجيعة نفس السبب لي خلاه أبطل المشروب هو نفسو لي خلاه يرجعلو
كان قاعد يشرب كأس ورا كأس لين معادش يحمل هز روحو يتمشى ويداشر لين وصل
كان أدق الباب ويحكي كلام موشي مفهوم
فاقت من نومها تسمع في باب أدق تشوف في الغرفة تلقاه مكانش ناضت فتحت الباب و يتعثر
ترمى عليها
ريحتو معبية شراب كركرتو بكل قوتها لين حطتو فوق السرير
غلقت الباب روجعت ليه نحاتلو صباطو وعدلتو
في فراشو جات تقوم ويجبدها عندو
ترمات فوق صدرو كان غايب على وعيو بسبت المشروب يحكي بصوت نصو ماشي مفهوم
رياض: واش ذنبي الطفلة لي نحبها تطلع خاينة متحبنيش
اول وحدة حبيتها كانت طامعة في فلوسي حبيبها محرشها تأخذ مني وتعطيه لين هربو مع بع بسبتها عفت وكرهت الزواج عديتها سهرات من مرة لمرة نفرغ في غشي
أما المرة الثانية حبيت عنيها نظرتها سحرتني اول مرة تلقيتها صدمت فيا كبت القهوة على حوايجي هي تعتذر وانا بهدلتها كلمة مردتش عليا كنت نستنى تصرخ وتبهدلني أما لقيتها ساكتة تصرفها نظرتها خلاها تسكن هنا أشير بيدو لقلبو نساتني في طبايعي رجعت كي المهبول كل يوم وانا روح لنفس الكافي كنت
نتمنى نلقاها ونعترفلها بحبي
تسمع وعينيها تدمع ساخفة على حالتو
شدلها وجها بيديه نهار شفتك في المكتب عند بابا كنت فرحان لقيتك وفي لحظة فكرت أنك
تزوجتي بيا على جال دراهم خلاني لثاني مرة نفقد ثيقتي في النسا كلكم كيف بعض تحبو الدراهم