الحلقة 30
قاعدة في المكتب معصبة تمتم بين شواربها واشبيها هاذي داخلة تقول دار باباها ورياض علاه سكتلها وزيد شكون هاذي لي فرحت رياض بيها كانت تبان من عنيه
خرجو من المكتب أصوات ضحكهم عالية كانو يقصرو ويضحكو مع بعض
رياض : آنسة عفاف ألغي مواعيدي اليوم كلها
عفاف : نعم مسيو رياض
عفاف كانت تشوف مع سرينة لبستها لقصيرة شعرها لمطلوق كلامها وطريقتها كانت سرينة فاتنة تغوي أي شخص
عفاف تفكيرها كلو في رياض كانت تخمم في علاقتو بسرينة وشكون هي وين يعرفها
قص على تخمامها رياض نتابهلها من تصرفاتها والطريقة لي ردت بيها الباب
رياض : آنسة عفاف نعرفك بسرينة عارضة أزياء
وبنت عمتي سرينة هاذي عفاف سكرتيرتي
سرينة : رياض هاذي موشي مرتك قصدي طليقتك سرينة تشوف مع عفاف تخزرلها بنص عين واش جابها هنا
رياض : كانت مرتي أما دوك كلشي خلاص
هي مجرد سكرتيرة عندي
عفاف تشوف مع رياض مذبلة عنيها مكنتش متوقعة ردو
خرجو ثنيناتهم من المكتب راحو يتغداو وهوما يتغداو
رياض : سرينة حبيت نطلب منك طلب
سرينة : تفضل رياض واش تسحق
رياض : سرينة حاباتك تساعديني نخلي عفاف تحبني
سرينة : الماكلة شرقتلها تحبها يارياض
رياض : يحكي بصوت مليان حنية ودفئ
نحبها ياسرينة نعشقها عفاف حبها يسري في عروقي من يوم تفارقنا وانا نوم مجافيني نهار جاتني للخدمة صدقيني حسيت روحي ملكت الدنيا كنت متمني نعنقها ونعترفلها بحبها
سرينة وعلاه معترفتلهاش ومخبرتهاش
رياض : خايف نعترفلها تكون متحبنيش ونخسرها طول عمري
سرينة : تهنى يارياض عفاف تحبك عنيها فضحوها
رياض : الفرحة سكنتلو قلبو كلام سرينة فرحو
وكيفاه عرفتي
سرينة : طريقتها وهي تشوف معايا وزيد كيفاه تغشت كي شفتني نسلم عليك وكيفاه طربقت الباب هاذوم مؤشرات غرتها
رياض : لازم نخليها تعترفلي بحبها ساعدنيني
يادرى سرينة توافق تساعدو واش راح تكون خطتهم
أنت تقرأ
كرونيك💕💕 تزوجته من أجل أخي💕💕
Romanceمنقووولة باللهجة🇩🇿🇩🇿 الجزائرية 🇩🇿🇩🇿 الحلقة الثانية طلع رابح من مكتب السعدي فات على السكرتيرة خذا عنوان أنور وخرج من المكتب رابح عمل اتصالاتو وقدر في وقت قصير يعرف كل المعلومات المطلوبة غدوة الصباح رابح خذا الملف وتجه للشركة دخل مكتب الس...
