كرونيك💕💕 تزوجته من أجل أخي💕💕

11

الحلقة 11
رياض : يحكي بكل غشو واشبيك بابا واش هاذ الهدرة قتلك من قبل منيش حاط زواج في راسي
السعدي : ملخر يا تزوج يانحرمك من الورث هز ملف وعطاه لرياض هاذي وصيتي يا تزوج ياالاملاك لكل ترجع وقف مراحش تستفاد منها
رياض : لز على سنيه هز قبضتو يخبط الحيط قدامو اه يا بابا واش راك دير
السعدي : عندك سيمانة في يدك تكتب صداقك على البنت لي خيرتها ومن على 3 شهر نلغي الوصية ونرجعلك الممتلكات بإسمك واذا منفذتش لي أمرتك بيه وتزوجت الطفلة راح ندفع الوصية للمحكمة العليا تتنفذ وانا حي
رياض كان اشوف مع باباه موشي مصدق اللي يسمع فيه
طلع لشمبرتو واقف قدام شباكها يخزر مع القنينة تاع المشروب عندو مدة مضقوش
هز كاسو عباه لين الفم وشربو دفعة وحدة
حط راسو بين يديه أفكر في المصيبة لي طاحت عليه
عارف انو حرمانو من الورث راح اخليه عايش في الشارع
طلع الصباح كان راقد فوق الفوتاي غفى بلى ميفيق
فاق على صوت الباب أدق كان باباه
السعدي : عندك من على ساعة تلحقني للبيرو والا راح نعتابرك رفضت قراري وراح نفذ وصيتي
ضرب الكأس لي كان قدامو بكل قوتو
رياض اه منك يابابا
ناض دخل لدوش صب الماء البارد على روحو كان حاب اطفي النار في شاعلة فيه بسبت فعايل باباه