الحلقة 29
أمير وبحكم خدمتو نقلوه لوهران جا فايت في طريق شاف عفاف لي عندها مدة تستنى طاكسي نزل امير من سيارتو بعد مشافها واقفة في الطريق تشاور لطاكسي
أمير : سلام عفاف
عفاف وهي منشفة بلا متشوف معاه سلام
أمير : وين رايحة اطلعي نوصلك
عفاف لالا راني نستنى في الطاكسي
أمير : منظنش تلقاي طاكسي هاذ الوقت في هاذ البقعة اطلعي نوصلك قبل طيح الظلمة
عفاف كانت مظطرة تروح معاه
جات تركب معاه فتحت الباب وتلقى يد جبدتها
دارت تلقاه رياض
نزل أمير من سيارتو وقابلو رياض ببوكس كسرلو سنيه خذاها ركبها بالغصب في سيارتو
عفاف : واشبيك علاه ديرلي هكذا
رياض أسوق في سيارتو وساكت
وصلها لباب الدار نزل ونزلها لقاه أنور سلم عليه وشكرو
أنور : كثر خيرك رياض وصلتها
رياض : بلا مزية
عفاف : تلاقيت مع أمير كان راح اوصلني والهم تاع رياض ضربو ووصلني
أنور : انا لي طلبت منو اوصلك كي شفت راح نبطى عليك طلبتو في تلفون
كثر خيرو عمل الواجب وصلك
دخلو لدار وعفاف كانت محتارة من تصرفات رياض
فاتو ليام نفس الروتين عفاف من الخدمة لدار وعلاقتها برياض متتعداش علاقة سكرتيرة ومدير
دخلت للمكتب فايتة بلا متستأذن
عفاف : هاي انتي وين فايتة
نحات نظراتها وشافت ليها بنظرات استغرب
فايتة عند رياض
عفاف : اصبري نخبرو
بعدتها على طريقها بكل تكبر ميشقاش تخبريه
باين فيك جديدة ومتعرفينيش
فتحت الباب ودخلت عند رياض لي كان فرحان بشوفتها
سلمو على بعض وعفاف كانت واقفة تتفرج حايرة في رياض لي معبرهاش
خرجت طربقت الباب وراها
نسيت معرفتكمش بسرينا بنت عمة رياض عايشة في فرنسا عارضة أزياء
سرينة تحب رياض من صغرها لأنهم ترباو مع بعض أما رياض يعتبرها مثل أختو
يادرا واش راح يصرى
أنت تقرأ
كرونيك💕💕 تزوجته من أجل أخي💕💕
Romanceمنقووولة باللهجة🇩🇿🇩🇿 الجزائرية 🇩🇿🇩🇿 الحلقة الثانية طلع رابح من مكتب السعدي فات على السكرتيرة خذا عنوان أنور وخرج من المكتب رابح عمل اتصالاتو وقدر في وقت قصير يعرف كل المعلومات المطلوبة غدوة الصباح رابح خذا الملف وتجه للشركة دخل مكتب الس...
